ਇੰਟਰਨੈਸ਼ਨਲ ਡੈਸਕ- ਪਿਛਲੇ ਮਹੀਨੇ ਯੂਏਈ ਸਰਕਾਰ ਨੇ ਫਲਾਈਦੁਬਈ ਦੀ ਫਲਾਈਟ ਵਿੱਚ ਅਸਾਧਾਰਨ ਬਹਾਦਰੀ ਦਿਖਾਉਣ ਅਤੇ 174 ਯਾਤਰੀਆਂ ਦੀ ਜਾਨ ਬਚਾਉਣ ਵਾਲੇ ਵੀਰ ਭਾਰਤੀ ਕਪਤਾਨ ਸਮਿਤ ਮਛਾਰ ਨੂੰ ਸਨਮਾਨਿਤ ਕੀਤਾ ਸੀ। ਸਮਾਰੋਹ ਦੌਰਾਨ ਯੂਏਈ ਦੇ ਰਾਸ਼ਟਰਪਤੀ ਨੇ ਸਮਿਤ ਮਛਾਰ ਨੂੰ ਗਲੇ ਲਗਾਇਆ। ਸਮਾਰੋਹ ਵਿੱਚ ਦੋ ਹੋਰ ਪਾਇਲਟਾਂ ਨੂੰ ਵੀ ਸਨਮਾਨਿਤ ਕੀਤਾ ਗਿਆ। ਇਹ ਉਹੀ ਪਾਇਲਟ ਸਨ, ਜਿਨ੍ਹਾਂ ਨੇ 30 ਸਤੰਬਰ ਨੂੰ ਕਾਕਪਿਟ ਵਿੱਚ ਹਮਲੇ ਤੋਂ ਬਾਅਦ ਦੁਬਈ ਤੋਂ ਤੇਲ ਅਵੀਵ ਜਾ ਰਹੀ ਫਲਾਈਦੁਬਈ ਦੀ ਉਡਾਣ ਨੂੰ ਸੁਰੱਖਿਅਤ ਢੰਗ ਨਾਲ ਉਤਾਰਨ ਵਿੱਚ ਮਦਦ ਕੀਤੀ ਸੀ। ਹੁਣ, ਪਹਿਲੀ ਵਾਰ, ਇਨ੍ਹਾਂ ਦੋਵਾਂ ਪਾਇਲਟਾਂ ਦੀ ਪਛਾਣ ਸਾਹਮਣੇ ਆਈ ਹੈ।
ਫਲਾਈਟ ਨੂੰ ਸੁਰੱਖਿਅਤ ਉਤਾਰਨ ਵਾਲੇ ਇਨ੍ਹਾਂ ਦੋ ਰਹੱਸਮਈ ਪਾਇਲਟਾਂ ਬਾਰੇ ਜਾਣਕਾਰੀ ਪਿਛਲੇ ਮਹੀਨੇ ਦੇ ਅਖੀਰ ਵਿੱਚ ਉਦੋਂ ਸਾਹਮਣੇ ਆਈ, ਜਦੋਂ ਸੰਯੁਕਤ ਅਰਬ ਅਮੀਰਾਤ ਨੇ ਯਾਤਰੀਆਂ ਦੀ ਜਾਨ ਬਚਾਉਣ ਲਈ ਉਨ੍ਹਾਂ ਨੂੰ ਸਨਮਾਨਿਤ ਕੀਤਾ। ਦੋਵਾਂ ਪਾਇਲਟਾਂ ਨੂੰ ਫਸਟ ਕਲਾਸ ਆਰਡਰ ਆਫ਼ ਜ਼ਾਇਦ II ਨਾਲ ਸਨਮਾਨਿਤ ਕੀਤਾ ਗਿਆ। ਪਾਇਲਟਾਂ ਵਿੱਚੋਂ ਇੱਕ ਰੋਵਨ ਟੂਥ ਹੈ, ਜੋ ਦੱਖਣੀ ਅਫ਼ਰੀਕਾ ਦੇ ਸਾਬਕਾ ਕ੍ਰਿਕਟਰ ਬੈਰੀ ਟੂਥ ਦਾ ਪੁੱਤਰ ਹੈ, ਜਿਸ ਦਾ ਪਿਛਲੇ ਸਾਲ ਦੇਹਾਂਤ ਹੋ ਗਿਆ ਸੀ। ਦੂਜੇ ਪਾਇਲਟ ਦੀ ਪਛਾਣ ਫਿਜੀਅਨ ਹੈਨਸਨ ਸਟੀਵਨ ਵਜੋਂ ਹੋਈ ਹੈ। ਰੋਵਨ ਟੂਥ ਅਤੇ ਹੈਨਸਨ ਸਟੀਵਨ 30 ਸਤੰਬਰ ਨੂੰ ਫਲਾਈਦੁਬਈ ਦੀ ਉਡਾਣ ਵਿੱਚ ਵਾਧੂ ਚਾਲਕ ਦਲ ਦੇ ਮੈਂਬਰਾਂ ਵਜੋਂ ਯਾਤਰਾ ਕਰ ਰਹੇ ਸਨ।
ਉਨ੍ਹਾਂ ਨੇ ਵਾਪਸੀ ਦੀ ਯਾਤਰਾ 'ਤੇ ਜਹਾਜ਼ ਨੂੰ ਉਡਾਉਣ ਦਾ ਪ੍ਰੋਗਰਾਮ ਬਣਾਇਆ ਸੀ। ਹਮਲੇ ਤੋਂ ਬਾਅਦ ਉਨ੍ਹਾਂ ਨੇ ਜਹਾਜ਼ ਨੂੰ ਆਪਣੇ ਕਬਜ਼ੇ ਵਿੱਚ ਲੈ ਲਿਆ ਅਤੇ ਐਮਰਜੈਂਸੀ ਲੈਂਡਿੰਗ ਕਰਵਾਈ। ਰੋਵਨ ਟੂਥ ਪਹਿਲਾਂ ਦੱਖਣੀ ਅਫ਼ਰੀਕੀ ਏਅਰਲਾਈਨ ਏਅਰਲਿੰਕ ਵਿੱਚ ਸੀ। ਉਹ 2023 ਵਿੱਚ ਫਲਾਈਦੁਬਈ ਵਿੱਚ ਸ਼ਾਮਲ ਹੋਇਆ ਸੀ। ਹੈਨਸਨ ਸਟੀਵਨ ਫਿਜੀ ਤੋਂ ਇੱਕ ਪਾਇਲਟ ਹੈ, ਜੋ ਕਿ ਪ੍ਰਸ਼ਾਂਤ ਮਹਾਸਾਗਰ ਵਿੱਚ ਸਥਿਤ ਇੱਕ ਦੇਸ਼ ਹੈ। ਫਲਾਈਦੁਬਈ ਤੋਂ ਪਹਿਲਾਂ, ਉਹ ਫਿਜੀ ਏਅਰਵੇਜ਼ ਲਈ ਕੰਮ ਕਰਦਾ ਸੀ। ਆਫ਼-ਡਿਊਟੀ ਪਾਇਲਟ ਹੈਨਸਨ ਸਟੀਵਨ ਅਤੇ ਰੋਵਨ ਟੂਥ ਨੇ ਜਹਾਜ਼ ਨੂੰ ਸਾਊਦੀ ਅਰਬ 'ਚ ਐਮਰਜੈਂਸੀ ਲੈਂਡ ਕਰਵਾਇਆ, ਜਿਸ ਤੋਂ ਬਾਅਦ ਯਾਤਰੀਆਂ ਨੂੰ ਦੂਜੇ ਜਹਾਜ਼ ਰਾਹੀਂ ਤੇਲ ਅਵੀਵ ਭੇਜਿਆ ਗਿਆ।
ਪੜ੍ਹੋ ਇਹ ਅਹਿਮ ਖ਼ਬਰ- ਨੇਪਾਲ 'ਚ ਬਚਾਏ ਗਏ ਰਾਸ਼ਟਰੀ ਪਾਰਕ 'ਚ ਫਸੇ ਛੇ ਭਾਰਤੀ ਸੈਲਾਨੀ
ਜ਼ਿਕਰਯੋਗ ਹੈ ਕਿ ਦੁਬਈ ਤੋਂ ਤੇਲ ਅਵੀਵ ਜਾ ਰਹੀ ਫਲਾਈਡੁਬਈ ਦੀ ਫਲਾਈਟ FZ1073 ਵਿੱਚ 170 ਤੋਂ ਵੱਧ ਯਾਤਰੀ ਸਵਾਰ ਸਨ, ਜਦੋਂ ਸਹਿ-ਪਾਇਲਟ ਹਮਾਮ ਅਲ-ਹੰਮਾਮੀ ਨੇ ਐਮਰਜੈਂਸੀ ਕੁਹਾੜੀ ਨਾਲ ਕਪਤਾਨ ਸਮਿਤ ਮਛਾਰ 'ਤੇ ਵਾਰ ਕਰ ਦਿੱਤਾ । ਜਾਂਚਕਰਤਾਵਾਂ ਅਨੁਸਾਰ ਸਹਿ-ਪਾਇਲਟ ਜਹਾਜ਼ ਨੂੰ ਕਰੈਸ਼ ਕਰਨ ਅਤੇ ਇਸ ਦੇ ਨਿਯੰਤਰਣਾਂ ਨੂੰ ਤਬਾਹ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਇਸ ਖਿੱਚੋਤਾਣ ਦੌਰਾਨ ਜਹਾਜ਼ 30 ਸੈਕਿੰਡ ਤੋਂ ਵੀ ਘੱਟ ਸਮੇਂ 'ਚ ਲਗਭਗ 14,000 ਫੁੱਟ ਹੇਠਾਂ ਡਿੱਗ ਗਿਆ। ਗੰਭੀਰ ਜ਼ਖ਼ਮੀ ਹੋਣ ਦੇ ਬਾਵਜੂਦ ਕਪਤਾਨ ਸਮਿਤ ਮਛਾਰ ਨੇ ਕੋਕਪਿਟ ਦਾ ਦਰਵਾਜ਼ਾ ਖੋਲ੍ਹਣ 'ਚ ਸਫ਼ਲਤਾ ਹਾਸਲ ਕੀਤੀ, ਜਿਸ ਨਾਲ ਯਾਤਰੀਆਂ ਅਤੇ ਕਰੂ ਮੈਂਬਰਾਂ ਨੂੰ ਹਮਲੇ ਬਾਰੇ ਪਤਾ ਲੱਗਾ ਅਤੇ ਉਨ੍ਹਾਂ ਨੇ ਮਿਲ ਕੇ ਸਹਿ-ਪਾਇਲਟ ਨੂੰ ਕਾਬੂ ਕਰ ਲਿਆ। ਜਹਾਜ਼ 'ਚ ਸਵਾਰ ਇੱਕ ਇਜ਼ਰਾਈਲੀ ਯਾਤਰੀ ਯਾਨਿਵ ਹਾਯੂਨ ਨੇ ਥੋੜ੍ਹੀ ਦੇਰ ਲਈ ਕੰਟਰੋਲ ਸੰਭਾਲਿਆ, ਜਿਸ ਤੋਂ ਬਾਅਦ ਜਹਾਜ਼ 'ਚ ਸਵਾਰ ਆਫ਼-ਡਿਊਟੀ ਪਾਇਲਟਾਂ ਨੇ ਪੂਰੀ ਕਮਾਨ ਆਪਣੇ ਹੱਥਾਂ 'ਚ ਲੈ ਲਈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਨੇਪਾਲ 'ਚ ਬਚਾਏ ਗਏ ਰਾਸ਼ਟਰੀ ਪਾਰਕ 'ਚ ਫਸੇ ਛੇ ਭਾਰਤੀ ਸੈਲਾਨੀ
NEXT STORY 
