ਮਾਸਕੋ : ਯੂਕ੍ਰੇਨ ਦੇ ਨਾਲ ਚੱਲ ਰਹੇ ਭਿਆਨਕ ਯੁੱਧ ਵਿਚਕਾਰ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੇ ਰੂਸੀ ਵਿਗਿਆਨੀਆਂ ਨੂੰ ਐਂਟੀ-ਏਜਿੰਗ ਦਵਾਈ ਬਣਾਉਣ ਦਾ ਆਦੇਸ਼ ਦਿੱਤਾ ਹੈ। ਅਜਿਹੀਆਂ ਖ਼ਬਰਾਂ ਹਨ ਕਿ ਪੁਤਿਨ ਆਪਣੀ ਅਤੇ ਸਰਕਾਰ ਦੇ ਕਈ ਬਜ਼ੁਰਗ ਮੰਤਰੀਆਂ ਦੀ ਉਮਰ ਨੂੰ ਰੋਕਣਾ ਚਾਹੁੰਦੇ ਹਨ। ਰੂਸ ਦੇ ਸਿਹਤ ਮੰਤਰਾਲੇ ਨੇ ਇਸ ਸਾਲ ਜੂਨ 'ਚ ਵਿਗਿਆਨੀਆਂ ਨੂੰ ਇਹ ਨਿਰਦੇਸ਼ ਦਿੱਤੇ ਸਨ। ਇਸਦੇ ਲਈ ਟੀਚਾ ਵੀ ਮਿੱਥਿਆ ਗਿਆ ਹੈ। ਸਾਲ 2030 ਤੱਕ 175,000 ਬਜ਼ੁਰਗਾਂ ਨੂੰ ਜਵਾਨ ਬਣਾਉਣ ਦਾ ਟੀਚਾ ਰੱਖਿਆ ਗਿਆ ਹੈ। ਦੂਜੇ ਪਾਸੇ ਪੁਤਿਨ ਸਰਕਾਰ ਦਾ ਪੱਤਰ ਮਿਲਣ ਤੋਂ ਬਾਅਦ ਵਿਗਿਆਨੀਆਂ ਨੇ ਹੈਰਾਨੀ ਜਤਾਈ ਹੈ ਅਤੇ ਕਿਹਾ ਹੈ ਕਿ ਇਹ ਪਹਿਲੀ ਵਾਰ ਹੈ ਕਿ ਇੰਨੇ ਘੱਟ ਨੋਟਿਸ 'ਤੇ ਅਜਿਹਾ ਆਦੇਸ਼ ਮਿਲਿਆ ਹੈ।
ਰੂਸ ਅਤੇ ਯੂਕ੍ਰੇਨ ਵਿਚਾਲੇ ਚੱਲ ਰਹੀ ਜੰਗ ਦਰਮਿਆਨ ਵਲਾਦੀਮੀਰ ਪੁਤਿਨ ਦੀ ਉਮਰ ਨੂੰ ਲੈ ਕੇ ਕਾਫੀ ਚਿੰਤਾ ਹੈ ਕਿਉਂਕਿ ਯੁੱਧ 'ਚ ਲਗਾਤਾਰ ਨੌਜਵਾਨਾਂ ਦੇ ਮਾਰੇ ਜਾਣ ਤੋਂ ਬਾਅਦ ਹੁਣ ਰੂਸ 'ਚ ਬਜ਼ੁਰਗਾਂ ਦੀ ਗਿਣਤੀ ਵਧਦੀ ਜਾ ਰਹੀ ਹੈ। ਰੂਸ ਦੀ ਫੈਡਰਲ ਸਟੇਟ ਸਟੈਟਿਸਟਿਕਸ ਸਰਵਿਸ (ਰੋਸਸਟੈਟ) ਦੁਆਰਾ ਜਾਰੀ ਕੀਤੇ ਗਏ ਅੰਕੜਿਆਂ ਅਨੁਸਾਰ ਦੇਸ਼ ਦੀ ਔਸਤ ਜੀਵਨ ਸੰਭਾਵਨਾ ਜੁਲਾਈ 2023 ਤੋਂ ਜੂਨ 2024 ਵਿਚਕਾਰ 73.24 ਸਾਲ ਤੱਕ ਘਟਣ ਲਈ ਤੈਅ ਹੈ। ਪਿਛਲੇ ਮਹੀਨੇ ਐਮ.ਆਰ.ਸੀ ਲੈਬਾਰਟਰੀ ਆਫ਼ ਮੈਡੀਕਲ ਸਾਇੰਸਜ਼, ਇੰਪੀਰੀਅਲ ਕਾਲਜ ਲੰਡਨ ਅਤੇ ਸਿੰਗਾਪੁਰ ਦੇ ਡਿਊਕ-ਐਨਯੂਐਸ ਮੈਡੀਕਲ ਸਕੂਲ ਦੇ ਖੋਜੀਆਂ ਨੇ ਇੱਕ ਅਜਿਹੀ ਦਵਾਈ ਦੀ ਖੋਜ ਕਰਨ ਦਾ ਦਾਅਵਾ ਕੀਤਾ ਹੈ ਜੋ ਬੁੱਢੇ ਨੂੰ ਜਵਾਨ ਬਣਾਉਣ ਵਿੱਚ ਕਾਰਗਰ ਸਾਬਤ ਹੋ ਸਕਦੀ ਹੈ। ਖੋਜੀਆਂ ਨੇ ਪ੍ਰਯੋਗਸ਼ਾਲਾ ਵਿੱਚ ਇੱਕ ਚੂਹੇ 'ਤੇ ਪ੍ਰਯੋਗ ਕੀਤਾ ਅਤੇ ਪਾਇਆ ਕਿ ਦਵਾਈ ਦੇ ਬਾਅਦ ਚੂਹਾ ਬੁੱਢੇ ਤੋਂ ਜਵਾਨ ਵਿੱਚ ਬਦਲ ਗਿਆ। ਵਿਗਿਆਨੀਆਂ ਨੇ ਪਾਇਆ ਕਿ ਦਵਾਈ ਜਾਨਵਰਾਂ ਦੀ ਉਮਰ ਲਗਭਗ 25% ਵਧਾ ਸਕਦੀ ਹੈ। ਹਾਲਾਂਕਿ ਇਸਦੀ ਵਰਤੋਂ ਅਜੇ ਤੱਕ ਕਿਸੇ ਮਨੁੱਖ 'ਤੇ ਨਹੀਂ ਕੀਤੀ ਗਈ ਹੈ। ਵਿਗਿਆਨੀਆਂ ਨੇ ਇਹ ਵੀ ਨਹੀਂ ਦੱਸਿਆ ਕਿ ਜੇਕਰ ਅਜਿਹੀ ਦਵਾਈ ਮਨੁੱਖਾਂ 'ਤੇ ਵਰਤੀ ਜਾਵੇ ਤਾਂ ਕੀ ਹੋ ਸਕਦਾ ਹੈ?
ਪੜ੍ਹੋ ਇਹ ਅਹਿਮ ਖ਼ਬਰ--PM ਮੋਦੀ ਨੇ ਸੁਲਤਾਨ ਨਾਲ ਕੀਤੀ ਦੁਵੱਲੀ ਗੱਲਬਾਤ, ਰੱਖਿਆ ਤੇ ਸਮੁੰਦਰੀ ਸਹਿਯੋਗ ਵਧਾਉਣ ਲਈ ਸਹਿਮਤ
ਹਾਲ ਹੀ ਵਿੱਚ ਮਾਸਕੋ ਵਿੱਚ ਰੂਸ ਦੇ ਉਪ ਪ੍ਰਧਾਨ ਮੰਤਰੀ ਟੈਟਿਆਨਾ ਗੋਲੀਕੋਵਾ ਨੇ ਸਰਕਾਰ ਦੀ ਅਤਿ-ਆਧੁਨਿਕ ਤਕਨੀਕਾਂ ਵਿੱਚ ਨਿਵੇਸ਼ ਕਰਨ ਦੀ ਯੋਜਨਾ ਦਾ ਪਰਦਾਫਾਸ਼ ਕੀਤਾ ਜੋ ਲੰਬੀ ਉਮਰ ਨੂੰ ਉਤਸ਼ਾਹਿਤ ਕਰਦੀਆਂ ਹਨ ਅਤੇ ਬੁਢਾਪੇ ਵਿੱਚ ਬਿਮਾਰੀਆਂ ਨੂੰ ਰੋਕਦੀਆਂ ਹਨ। ਇਸ ਤੋਂ ਬਾਅਦ ਸਰਕਾਰ ਨੇ ਵਿਗਿਆਨੀਆਂ ਨੂੰ ਇਸ ਪ੍ਰੋਜੈਕਟ 'ਤੇ ਕੰਮ ਕਰਨ ਦੇ ਨਿਰਦੇਸ਼ ਦਿੱਤੇ। ਪੁਤਿਨ ਦੀ ਇਸ ਅਭਿਲਾਸ਼ੀ ਯੋਜਨਾ ਤਹਿਤ ਰੂਸੀ ਸਰਕਾਰ ਐਂਟੀ-ਏਜਿੰਗ ਦਵਾਈ ਚਾਹੁੰਦੀ ਹੈ। ਜੂਨ ਵਿੱਚ ਮਿਲੀ ਇੱਕ ਚਿੱਠੀ ਵਿੱਚ ਇੱਕ ਰੂਸੀ ਵਿਗਿਆਨੀ ਨੇ ਹੈਰਾਨੀ ਪ੍ਰਗਟ ਕੀਤੀ ਕਿ ਕਿਵੇਂ ਸਾਡੇ 'ਤੇ ਅਜਿਹੀ ਦਵਾਈ ਵਿਕਸਿਤ ਕਰਨ ਲਈ ਦਬਾਅ ਪਾਇਆ ਜਾ ਰਿਹਾ ਹੈ ਜੋ ਬੁੱਢੇ ਨੂੰ ਜਵਾਨ ਬਣਾਵੇਗੀ। ਉਨ੍ਹਾਂ ਕਿਹਾ ਕਿ ਇਸ ਲਈ ਸਮਾਂ ਸੀਮਾ ਬਹੁਤ ਘੱਟ ਰੱਖੀ ਗਈ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਨਾਈਜੀਰੀਆ ਦੇ ਪਿੰਡ ’ਚ ਹੋਇਆ ਹਮਲਾ, 100 ਤੋਂ ਵੱਧ ਮੌਤਾਂ
NEXT STORY 
