ਮੈਰੀਲੈਂਡ (ਰਾਜ ਗੋਗਨਾ)— ਸੰਤ ਬਾਬਾ ਪ੍ਰੇਮ ਸਿੰਘ ਕਲਚਰਲ ਸੁਸਾਇਟੀ ਅਤੇ ਸਿੱਖ ਐਸੋਸੀਏਸ਼ਨ ਆਫ ਬਾਲਟੀਮੋਰ ਗੁਰਦੁਆਰਾ ਰੈਡਲਜਟਾਊਨ ਮੈਰੀਲੈਂਡ ਵਲੋਂ ਸੰਤ ਬਾਬਾ ਪ੍ਰੇਮ ਸਿੰਘ ਜੀ ਦੀ 68ਵੀਂ ਬਰਸੀ ਮੇਲੇ ਦੇ ਰੂਪ 'ਚ ਮਨਾਉਣ ਦਾ ਫੈਸਲਾ ਲਿਆ ਗਿਆ ਹੈ, ਜਿੱਥੇ ਇਸ ਮੌਕੇ ਆਖੰਡ ਪਾਠ ਦੇ ਭੋਗ ਪਾਏ ਜਾਣਗੇ। ਉਪਰੰਤ ਢਾਡੀਆਂ, ਰਾਗੀਆਂ ਅਤੇ ਪ੍ਰਚਾਰਕਾਂ ਵਲੋਂ ਸੰਤਾਂ ਦੇ ਜੀਵਨ ਘਾਲਣਾ ਪ੍ਰਤੀ ਚਾਨਣਾ ਪਾਇਆ ਜਾਵੇਗਾ। ਉੱਥੇ ਇਸ ਦਿਨ ਮੇਲੇ ਵਜੋਂ ਬਾਹਰ ਪੰਡਾਲ ਅਤੇ ਸਟਾਲ ਸਜਾਏ ਜਾਣਗੇ ਤਾਂ ਜੋ ਸੰਗਤਾਂ ਵੱਖ-ਵੱਖ ਪਕਵਾਨਾਂ ਦਾ ਅਨੰਦ ਲੈ ਸਕਣ। ਇਥੋਂ ਤੱਕ ਕਿ ਸੰਗਤਾਂ ਸਟਾਲਾਂ ਤੋਂ ਵੀ ਖਰੀਦ ਕਰਕੇ ਆਪਣੀ ਰੂਹ ਦੀ ਖੁਰਾਕ ਦਾ ਲੁਤਫ ਲੈ ਸਕਣਗੀਆਂ।
ਜ਼ਿਕਰਯੋਗ ਹੈ ਕਿ ਇਸ ਦਿਨ ਇੱਕ ਕਿਤਾਬਾਂ ਦੀ ਪ੍ਰਦਰਸ਼ਨੀ ਵੀ ਲਗਾਈ ਜਾਵੇਗੀ, ਜਿੱਥੋਂ ਸੰਤਾਂ ਦੇ ਜੀਵਨ ਸਬੰਧੀ ਸੰਗਤਾਂ ਲਿਟਰੇਚਰ ਪ੍ਰਾਪਤ ਕਰ ਸਕਣ।ਬੱਚਿਆਂ ਅਤੇ ਬੀਬੀਆਂ ਲਈ ਵੱਖ-ਵੱਖ ਖੇਡਾਂ ਦਾ ਪ੍ਰਬੰਧ ਕੀਤਾ ਗਿਆ ਹੈ। ਖੇਡਾਂ 'ਚ ਰੱਸਾ-ਕੱਸੀ, ਮਿਊਜ਼ੀਕਲ ਚੇਅਰ ਅਤੇ ਛੋਟੀਆਂ ਦੌੜਾਂ ਰਾਹੀਂ ਮਨੋਰੰਜਨ ਕੀਤਾ ਜਾਵੇਗਾ। ਛੋਟੇ ਬੱਚਿਆਂ ਲਈ ਝੂਲਿਆਂ ਦਾ ਖਾਸ ਪ੍ਰਬੰਧ ਕੀਤਾ ਗਿਆ ਹੈ।ਦਸਤਾਰ ਮੁਕਾਬਲੇ ਤੇ ਪੰਜਾਬੀ ਪਹਿਰਾਵੇ ਦੇ ਮੁਕਾਬਲਿਆਂ 'ਚ ਮਾਪੇ ਤੇ ਬੱਚਿਆਂ ਵਲੋਂ ਕਾਫ਼ੀ ਦਿਲਚਸਪੀ ਦਿਖਾਈ ਜਾ ਰਹੀ ਹੈ, ਇਸ ਦਿਨ ਦੂਰ-ਦੁਰਾਡੇ ਤੋਂ ਸੰਗਤਾਂ ਦਾ ਭਾਰੀ ਇਕੱਠ ਜੁਟਾਉਣ ਲਈ ਵੀ ਉਪਰਾਲੇ ਕੀਤੇ ਗਏ ਹਨ ਤਾਂ ਜੋ ਇਹ ਬਰਸੀ ਵੱਖਰੀ ਛਾਪ ਦਾ ਪ੍ਰਗਟਾਵਾ ਕਰ ਜਾਵੇ। ਮਨਜੀਤ ਸਿੰਘ ਕੈਰੋ ਪ੍ਰਧਾਨ ਸਿੱਖ ਐਸੋਸੀਏਸ਼ਨ ਤੇ ਰਾਜੂ ਪ੍ਰਧਾਨ ਸੰਤ ਬਾਬਾ ਪ੍ਰੇਮ ਸਿੰਘ ਕਲਚਰਲ ਸੁਸਾਇਟੀ ਬਾਲਟੀਮੋਰ ਦੀ ਸਮੁੱਚੀ ਟੀਮ ਸੰਤਾ ਦੀ ਬਰਸੀ 'ਚ ਅਥਾਂਹ ਯੋਗਦਾਨ ਪਾ ਰਹੀ ਹੈ। ਆਸ ਹੈ ਕਿ ਇਸ ਸਾਲ ਬਰਸੀ 'ਤੇ ਭਰਵਾਂ ਇਕੱਠ ਹੋਣ ਦੀ ਸੰਭਾਵਨਾ ਹੈ, ਜਿਸ ਦੇ ਮੱਦੇਨਜ਼ਰ ਹਰ ਸ਼ਰਧਾਲੂ ਤਨ ਮਨ ਧੰਨ ਨਾਲ ਕਈ ਦਿਨਾਂ ਤੋਂ ਸੇਵਾ 'ਚ ਜੁਟਿਆ ਹੋਇਆ ਆਮ ਵੇਖਿਆ ਗਿਆ ਹੈ। ਪ੍ਰਬੰਧਕਾਂ ਮੁਤਾਬਕ ਸਾਰੇ ਪ੍ਰਬੰਧਾਂ ਨੂੰ ਨੇਪਰੇ ਚਾੜ ਲਿਆ ਗਿਆ ਹੈ। ਸੰਗਤਾਂ ਵਿੱਚ ਵੀ ਭਾਰੀ ਉਤਸ਼ਾਹ ਵੇਖਣ ਨੂੰ ਮਿਲ ਰਿਹਾ ਹੈ। ਹਰ ਕੋਈ ਅਪਨੀ ਜ਼ੁੰਮੇਵਾਰੀ ਪੂਰੀ ਤਨਦੇਹੀ ਨਾਲ ਨਿਭਾ ਸੰਤਾ ਦੀ ੬੮ ਵੀ ਬਰਸੀ ਨੂੰ ਸਮਰਪਿਤ ਨਜ਼ਰ ਆ ਰਿਹਾ ਹੈ। ਜਿਸ ਤੋਂ ਲਗਦਾ ਇਸ ਸਾਲ ਦੀ ਸੰਤਾ ਦੀ ਬਰਸੀ ਵੱਖਰੇ ਤੋਰ ਤੇ ਮਨਾਉਣ ਦੇ ਅਨੰਦ ਦੀ ਝਲਕ ਛੱਡ ਜਾਵੇਗੀ।
12 ਸਾਲਾ ਬੱਚੇ ਅਤੇ 35 ਸਾਲਾ ਟੀਚਰ ਦੇ ਸੰਬੰਧਾਂ ਦੀ ਅਜਿਹੀ ਕਹਾਣੀ, ਜੋ ਨਾ ਕਦੇ ਦੇਖੀ ਨਾ ਕਦੇ ਸੁਣੀ...
NEXT STORY 
