ਵਿਕਟੋਰੀਆ (ਬਿਊਰੋ)— ਵਾਤਾਵਰਣ ਪ੍ਰਦੂਸ਼ਣ ਦੁਨੀਆ ਭਰ ਵਿਚ ਗੰਭੀਰ ਸਮੱਸਿਆ ਬਣਿਆ ਹੋਇਆ ਹੈ। ਇਸ ਸਮੱਸਿਆ ਨਾਲ ਨਜਿੱਠਣ ਲਈ ਕਈ ਤਰ੍ਹਾਂ ਦੇ ਕਦਮ ਚੁੱਕੇ ਜਾ ਰਹੇ ਹਨ। ਹੁਣ ਸੇਸ਼ੇਲਸ ਦੇ ਰਾਸ਼ਟਰਪਤੀ ਡੈਨੀ ਫੌਰੇ ਇਸ ਮੁੱਦੇ ਨੂੰ ਲੈ ਕੇ ਚਰਚਾ ਵਿਚ ਹਨ। ਡੈਨੀ ਨੇ ਪੂਰੀ ਦੁਨੀਆ ਨੂੰ ਸਮੁੰਦਰਾਂ ਨੂੰ ਬਚਾਉਣ ਦੀ ਅਪੀਲ ਕੀਤੀ ਹੈ। ਉਨ੍ਹਾਂ ਨੇ ਇਹ ਅਪੀਲ ਕਿਸੇ ਸਮਾਰੋਹ ਜਾਂ ਸੋਸ਼ਲ ਮੀਡੀਆ ਜ਼ਰੀਏ ਨਹੀਂ ਸਗੋਂ ਪਣਡੁੱਬੀ ਵਿਚ ਬੈਠ ਕੇ ਕੀਤੀ। ਡੈਨੀ ਦੁਨੀਆ ਦੇ ਪਹਿਲੇ ਵਿਅਕਤੀ ਹਨ ਜਿਨ੍ਹਾਂ ਨੇ ਇਸ ਤਰੀਕੇ ਨਾਲ ਸੰਦੇਸ਼ ਦਿੱਤਾ ਹੈ।
ਡੈਨੀ ਨੇ ਗਲੋਬਲ ਵਾਰਮਿੰਗ ਨਾਲ ਹੋਣ ਵਾਲੇ ਖਤਰਿਆਂ ਤੋਂ ਲੋਕਾਂ ਨੂੰ ਸਾਵਧਾਨ ਕਰਦਿਆਂ ਕਿਹਾ ਕਿ ਕਈ ਟਾਪੂਆਂ 'ਤੇ ਆਉਣ ਵਾਲੇ ਦਿਨਾਂ ਵਿਚ ਸੰਕਟ ਖੜ੍ਹਾ ਹੋ ਸਕਦਾ ਹੈ। ਬ੍ਰਿਟੇਨ ਦੀ ਅਗਵਾਈ ਕਰਨ ਵਾਲੀ ਇਕ ਵਿਗਿਆਨੀ ਮੁਹਿੰਮ ਦੌਰਾਨ ਡੈਨੀ ਨੇ ਭਾਸ਼ਣ ਦਿੰਦੇ ਹੋਏ ਕਿਹਾ,''ਇਹ ਸਾਡਾ ਸਭ ਤੋਂ ਵੱਡਾ ਮੁੱਦਾ ਹੈ। ਇਸ ਦੇ ਹੱਲ ਲਈ ਅਸੀਂ ਅਗਲੀ ਪੀੜ੍ਹੀ ਦਾ ਇੰਤਜ਼ਾਰ ਨਹੀਂ ਕਰ ਸਕਦੇ ਹਾਂ। ਅਸੀਂ ਕੋਈ ਵੀ ਕਾਰਵਾਈ ਨਾ ਕਰਨ ਅਤੇ ਸਮੇਂ ਤੋਂ ਭੱਜ ਰਹੇ ਹਾਂ। ਸਾਡੇ ਕੋਲ ਸਮੁੰਦਰੀ ਸਤਹਿ ਦੀ ਬਜਾਏ ਮੰਗਲ ਗ੍ਰਹਿ ਦਾ ਬਿਹਤਰ ਨਕਸ਼ਾ ਹੈ।'' ਸਤਹਿ ਤੋਂ 121 ਮੀਟਰ ਡੂੰਘਾਈ ਵਿਚ ਪਣਡੁੱਬੀ ਵਿਚ ਬੈਠ ਕੇ ਭਾਸ਼ਣ ਦਿੰਦੇ ਹੋਏ ਡੈਨੀ ਨੇ ਕਿਹਾ,''ਮੈਂ ਸਮੁੰਦਰ ਵਿਚ ਹੈਰਾਨ ਕਰਨ ਵਾਲਾ ਜੀਵਨ ਦੇਖ ਰਿਹਾਂ ਹਾਂ। ਇਸ ਨੂੰ ਸੁਰੱਖਿਅਤ ਕੀਤੇ ਜਾਣ ਦੀ ਲੋੜ ਹੈ। ਵਾਤਾਵਰਣ ਪ੍ਰਣਾਲੀ ਨੂੰ ਨੁਕਸਾਨ ਪਹੁੰਚਾਉਣ ਦਾ ਖਾਮਿਆਜਾ ਸਦੀਆਂ ਤੱਕ ਭੁਗਤਣਾ ਪਵੇਗਾ। ਅਸੀਂ ਸਾਲਾਂ ਤੋਂ ਖੁਦ ਲਈ ਸਮੱਸਿਆਵਾਂ ਪੈਦਾ ਕੀਤੀਆਂ ਹਨ। ਹੁਣ ਇਨ੍ਹਾਂ ਨੂੰ ਹੱਲ ਕਰਨਾ ਹੋਵੇਗਾ।''
ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਵਰਤਮਾਨ ਵਿਚ ਮਹਾਸਾਗਰਾਂ ਦਾ ਸਿਰਫ 5 ਫੀਸਦੀ ਹਿੱਸਾ ਸੁਰੱਖਿਅਤ ਹੈ ਪਰ ਕਈ ਦੇਸ਼ਾਂ ਨੇ ਸਾਲ 2020 ਤੱਕ ਇਸ ਖੇਤਰ ਨੂੰ 10 ਫੀਸਦੀ ਤੱਕ ਵਧਾਉਣ 'ਤੇ ਸਹਿਮਤੀ ਜ਼ਾਹਰ ਕੀਤੀ ਹੈ। ਉੱਥੇ ਮਾਹਰਾਂ ਅਤੇ ਵਾਤਾਵਰਣ ਵਿਗਿਆਨੀਆਂ ਦਾ ਮੰਨਣਾ ਹੈ ਕਿ ਦੇਸ਼ਾਂ ਨੂੰ ਖੇਤਰੀ ਸੀਮਾ ਨੇੜੇ ਸਥਿਤ 30 ਤੋਂ 50 ਫੀਸਦੀ ਮਹਾਸਾਗਰਾਂ ਵਿਚ ਸਮੁੰਦਰੀ ਬਾਇਓਡਾਇਵਰਸਿਟੀ ਨੂੰ ਯਕੀਨੀ ਕਰਨਾ ਚਾਹੀਦਾ ਹੈ। ਇੱਥੇ ਦੱਸ ਦਈਏ ਕਿ ਸੇਸ਼ੇਲਸ 115 ਟਾਪੂਆਂ ਵਾਲੇ ਹਿੰਦ ਮਹਾਸਾਗਰ ਵਿਚ ਸਥਿਤ ਇਕ ਟਾਪੂ ਸਮੂਹ ਹੈ। ਇਸ ਦੇਸ਼ ਦੀ ਆਬਾਦੀ 95 ਹਜ਼ਾਰ ਹੈ ਜੋ ਕਿਸੇ ਅਫਰੀਕੀ ਦੇਸ਼ ਵਿਚ ਸਭ ਤੋਂ ਘੱਟ ਹੈ। ਇਸ ਦੇਸ਼ ਦੇ ਪੱਛਮ ਵਿਚ ਜੰਜੀਬਾਰ, ਦੱਖਣ ਵਿਚ ਮੌਰੀਸ਼ਸ ਅਤੇ ਰੀਯੂਨੀਅਨ, ਦੱਖਣ-ਪੱਛਮ ਵਿਚ ਕੋਮੋਰੋਸ ਟਾਪੂ ਅਤੇ ਉੱਤਰ-ਪੂਰਬ ਵਿਚ ਮਾਲਦੀਵ ਸਥਿਤ ਹੈ।
ਇਕਵਾਡੋਰ ਦੇ ਰਾਸ਼ਟਰਪਤੀ ਨੇ ਅਸਾਂਜੇ ਦੀ ਸ਼ਰਣ ਵਾਪਸ ਲੈਣ ਦੇ ਫੈਸਲੇ 'ਤੇ ਕੀਤਾ ਬਚਾਅ
NEXT STORY 
