ਵਾਸ਼ਿੰਗਟਨ : ਅਮਰੀਕੀ ਪੁਲਾੜ ਏਜੰਸੀ ਨਾਸਾ (NASA) ਆਪਣੇ ਇਤਿਹਾਸਕ ਆਰਟੇਮਿਸ II (Artemis II) ਮਿਸ਼ਨ ਰਾਹੀਂ 54 ਸਾਲਾਂ ਬਾਅਦ ਇੱਕ ਵਾਰ ਫਿਰ ਇਨਸਾਨਾਂ ਨੂੰ ਚੰਦ ਦੇ ਸਫ਼ਰ 'ਤੇ ਭੇਜਣ ਦੀ ਤਿਆਰੀ ਕਰ ਰਹੀ ਹੈ। ਇਸ ਮਿਸ਼ਨ ਲਈ ਨਾਸਾ ਦੁਨੀਆ ਦੇ ਸਭ ਤੋਂ ਸ਼ਕਤੀਸ਼ਾਲੀ ਰਾਕੇਟ SLS (Space Launch System) ਦੀ ਵਰਤੋਂ ਕਰ ਰਿਹਾ ਹੈ, ਜੋ ਚਾਰ ਪੁਲਾੜ ਯਾਤਰੀਆਂ ਨੂੰ ਲੈ ਕੇ ਪੁਲਾੜ ਵਿੱਚ ਉਡਾਣ ਭਰੇਗਾ।
ਇਸ ਸੁਪਰ ਹੈਵੀ-ਲਿਫਟ ਰਾਕੇਟ ਦੀਆਂ ਵਿਸ਼ੇਸ਼ਤਾਵਾਂ ਹੈਰਾਨ ਕਰਨ ਵਾਲੀਆਂ ਹਨ। ਇਹ 98 ਮੀਟਰ (322 ਫੁੱਟ) ਲੰਬਾ ਹੈ, ਜੋ ਕਿ ਪ੍ਰਸਿੱਧ ਸਟੈਚੂ ਆਫ ਲਿਬਰਟੀ ਤੋਂ ਵੀ ਉੱਚਾ ਹੈ। ਇਹ ਅਪੋਲੋ ਮਿਸ਼ਨ ਦੇ ਸੈਟਰਨ-V ਰਾਕੇਟ ਨਾਲੋਂ 15 ਫੀਸਦੀ ਜ਼ਿਆਦਾ ਥ੍ਰਸਟ (ਜ਼ੋਰ) ਪੈਦਾ ਕਰਦਾ ਹੈ। ਇਹ ਓਰੀਅਨ ਸਪੇਸਕ੍ਰਾਫਟ ਨੂੰ ਚੰਦ ਤੋਂ 4.5 ਲੱਖ ਕਿਲੋਮੀਟਰ ਦੂਰ ਤੱਕ ਲੈ ਕੇ ਜਾਵੇਗਾ, ਜੋ ਕਿ ਇਨਸਾਨਾਂ ਦੁਆਰਾ ਤੈਅ ਕੀਤੀ ਗਈ ਹੁਣ ਤੱਕ ਦੀ ਸਭ ਤੋਂ ਵੱਧ ਦੂਰੀ ਹੋਵੇਗੀ।
ਇਸ ਸ਼ਕਤੀਸ਼ਾਲੀ ਰਾਕੇਟ ਨੂੰ ਬਣਾਉਣ ਵਿੱਚ 11 ਸਾਲ ਦਾ ਸਮਾਂ ਲੱਗਿਆ ਹੈ। ਇਸ ਪ੍ਰੋਗਰਾਮ 'ਤੇ ਹੁਣ ਤੱਕ 2 ਲੱਖ ਕਰੋੜ ਰੁਪਏ ਤੋਂ ਵੱਧ ਖਰਚ ਹੋ ਚੁੱਕੇ ਹਨ ਅਤੇ ਇਸ ਦੇ ਹਰ ਇੱਕ ਲਾਂਚ 'ਤੇ ਲਗਭਗ 21 ਹਜ਼ਾਰ ਕਰੋੜ ਰੁਪਏ ਦਾ ਖਰਚਾ ਆਉਂਦਾ ਹੈ।
ਇਸ ਮਿਸ਼ਨ ਰਾਹੀਂ ਨਾਸਾ ਚੰਦ 'ਤੇ ਸਥਾਈ ਬਸਤੀ ਬਣਾਉਣ ਅਤੇ ਭਵਿੱਖ ਵਿੱਚ ਮੰਗਲ ਮਿਸ਼ਨ (Mars Mission) ਦੀ ਨੀਂਹ ਰੱਖਣ ਦੀ ਯੋਜਨਾ ਬਣਾ ਰਿਹਾ ਹੈ। ਇਹ ਰਾਕੇਟ ਨਾ ਸਿਰਫ਼ ਇਨਸਾਨਾਂ ਨੂੰ ਸਗੋਂ ਭਾਰੀ ਕਾਰਗੋ ਅਤੇ ਵਿਗਿਆਨਕ ਉਪਕਰਣਾਂ ਨੂੰ ਵੀ ਡੂੰਘੇ ਪੁਲਾੜ ਵਿੱਚ ਭੇਜਣ ਦੇ ਸਮਰੱਥ ਹੈ।
ਪੇਰੂ 'ਚ ਆਇਆ 6.0 ਤੀਬਰਤਾ ਦਾ ਭੂਚਾਲ: ਤੇਜ਼ ਝਟਕਿਆਂ ਨਾਲ ਕੰਬੀ ਧਰਤੀ, ਦਹਿਸ਼ਤ ਮਾਰੇ ਘਰਾਂ 'ਚੋਂ ਬਾਹਰ ਭੱਜੇ ਲੋਕ
NEXT STORY 
