ਸਟਾਕਹੋਲਮ (ਬਿਊਰੋ)— ਆਮਤੌਰ 'ਤੇ ਰੈਸਟੋਰੈਂਟ ਇਨਸਾਨਾਂ ਲਈ ਹੁੰਦੇ ਹਨ। ਪਰ ਕੀ ਤੁਸੀਂ ਕਦੇ ਮਧੂਮੱਖੀਆਂ ਲਈ ਕੋਈ ਰੈਸਟੋਰੈਂਟ ਖੁੱਲ੍ਹਣ ਬਾਰੇ ਸੁਣਿਆ ਹੈ। ਤੁਹਾਨੂੰ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਸਵੀਡਨ ਵਿਚ ਮੈਕਡੋਨਾਲਡ ਨੇ ਖਾਸ ਤੌਰ 'ਤੇ ਮਧੂਮੱਖੀਆਂ ਲਈ ਇਕ ਰੈਸਟੋਰੈਂਟ ਖੋਲ੍ਹਿਆ ਹੈ। ਇਹ ਮੈਕਡੋਨਾਲਡ ਦਾ ਸਭ ਤੋਂ ਛੋਟਾ ਆਊਟਲੈਟ ਹੈ ਜਿਸ ਨੂੰ ਮੈਕਹਾਈਵ (McHive) ਕਿਹਾ ਜਾਂਦਾ ਹੈ। ਇਸ ਆਊਟਲੈਟ ਨੂੰ ਬਣਾ ਕੇ ਰੁੱਖ-ਬੂਟਿਆਂ ਨਾਲ ਘਿਰੇ ਮੈਦਾਨ ਵਿਚ ਰੱਖਿਆ ਗਿਆ ਹੈ।
ਮੈਕਡੋਨਾਲਡ ਦੇ ਇਸ ਰੈਸਟੋਰੈਂਟ ਨੂੰ ਇਕ ਪ੍ਰੌਫੈਸ਼ਨਲ ਡਿਜ਼ਾਈਨਰ ਨੇ ਡਿਜ਼ਾਈਨ ਕੀਤਾ ਹੈ। ਇਸ ਨੂੰ ਮਧੂਮੱਖੀਆਂ ਦੀ ਸਹੂਲਤ ਮੁਤਾਬਕ ਤਿਆਰ ਕੀਤਾ ਗਿਆ ਹੈ। ਸਵੀਡਨ ਵਿਚ ਮੈਕਡੋਨਾਲਡ ਦੇ ਮਾਰਕੀਟਿੰਗ ਡਾਇਰੈਕਟਰ ਕ੍ਰਿਸਟ੍ਰੋਫਰ ਰੌਨਬਲਾਡ ਦਾ ਕਹਿਣਾ ਹੈ ਕਿ ਇਹ ਹੁਣ ਤੱਕ ਦੀ ਸਭ ਤੋਂ ਅਨੋਖੀ ਰਚਨਾ ਹੈ।
ਕ੍ਰਿਸਟੋਫਰ ਰੌਨਬਲਾਡ ਦੱਸਦੇ ਹਨ ਕਿ ਇਸ ਰੈਸਟੋਰੈਂਟ ਦੇ ਬਣ ਜਾਣ ਨਾਲ ਸਵੀਡਨ ਵਿਚ ਮਧੂਮੱਖੀਆਂ ਨੂੰ ਆਪਣਾ ਘਰ ਬਣਾਉਣ ਵਿਚ ਪਰੇਸ਼ਾਨੀ ਨਹੀਂ ਹੋਵੇਗੀ। ਇੱਥੇ ਦੱਸ ਦਈਏ ਕਿ ਸਵੀਡਨ ਵਿਚ ਮਧੂਮੱਖੀਆਂ ਨੂੰ ਇਨਸਾਨੀ ਖਤਰਿਆਂ ਤੋਂ ਬਚਾਉਣ ਲਈ ਇਸ ਤਰ੍ਹਾਂ ਦੀ ਪਹਿਲ ਕੀਤੀ ਗਈ ਹੈ।
ਅਸਲ ਵਿਚ ਯੂਰਪੀ ਯੂਨੀਅਨ ਨੇ ਹਾਲ ਹੀ ਵਿਚ ਨਿਓਨੀਕੋਟੀਨਾਇਡਸ ਨਾਮ ਦੇ ਕੀਟਨਾਸ਼ਕ 'ਤੇ ਪਾਬੰਦੀ ਲਗਾਈ ਹੈ। ਇਹ ਕੀਟਨਾਸ਼ਕ ਫਸਲਾਂ ਨੂੰ ਬਚਾਉਣ ਵਿਚ ਤਾਂ ਉਪਯੋਗੀ ਹੈ ਪਰ ਮਧੂਮੱਖੀਆਂ ਲਈ ਖਤਰਨਾਕ ਹੈ। ਉਹ ਜਿਵੇਂ ਹੀ ਰੁੱਖ-ਬੂਟਿਆਂ ਅਤੇ ਫਸਲਾਂ 'ਤੇ ਬੈਠਦੀਆਂ ਹਨ, ਕੀਟਨਾਸ਼ਕ ਦੇ ਪ੍ਰਭਾਵ ਨਾਲ ਮਰ ਜਾਂਦੀਆਂ ਹਨ। ਮਧੂਮੱਖੀਆਂ ਨੂੰ ਬਚਾਉਣ ਲਈ ਇਸ ਰੈਸਟੋਰੈਂਟ ਨੂੰ ਖੋਲ੍ਹਿਆ ਗਿਆ ਹੈ।
ਈਰਾਨ ਤਣਾਅ 'ਤੇ ਗੱਲਬਾਤ ਕਰਨ ਲਈ ਸਾਊਦੀ ਨੇ ਕਤਰ ਨੂੰ ਦਿੱਤਾ ਸੱਦਾ
NEXT STORY