ਵਾਸ਼ਿੰਗਟਨ - ਅਮਰੀਕੀ ਸੰਸਦ ਦੀ ਇਕ ਕਮੇਟੀ ਦੇ ਸਾਹਮਣੇ ਡੋਨਾਲਡ ਟਰੰਪ ਖਿਲਾਫ ਮਹਾਦੋਸ਼ ਦੀ ਸੁਣਵਾਈ 'ਚ ਸਟੈਨਫੋਰਡ ਯੂਨੀਵਰਸਿਟੀ ਦੀ ਇਕ ਪ੍ਰੋਫੈਸਰ ਨੇ ਆਪਣੀ ਗਵਾਹੀ ਦੌਰਾਨ ਰਾਸ਼ਟਰਪਤੀ ਦੇ ਨਾਬਾਲਿਗ ਬੇਟੇ ਬੈਰਨ ਦਾ ਨਾਂ ਲਿਆ, ਜਿਸ 'ਤੇ ਟਰੰਪ ਦੀ ਪਤਨੀ ਮੇਲਾਨੀਆ ਟਰੰਪ ਨੇ ਸਖਤ ਪ੍ਰਤੀਕਿਰਿਆ ਵਿਅਕਤ ਕੀਤੀ। ਹਾਲਾਂਕਿ, ਪ੍ਰੋਫੈਸਰ ਨੇ ਆਪਣੀਆਂ ਟਿੱਪਣੀਆਂ ਲਈ ਬਾਅਦ 'ਚ ਮੁਆਫੀ ਮੰਗ ਲਈ। 'ਫਾਕਲੈਟੀ ਆਫ ਲਾਅ' ਦੀ ਪ੍ਰੋਫੈਸਰ ਪਾਮੇਲਾ ਐੱਸ. ਕਾਰਲਾਨ ਨੇ ਬੁੱਧਵਾਰ ਨੂੰ ਸਦਨ ਦੀ ਨਿਆਇਕ ਕਮੇਟੀ ਵੱਲੋਂ ਮਹਾਦੋਸ਼ ਕਾਰਵਾਈ ਦੌਰਾਨ ਸੰਵਿਧਾਨ ਦੇ ਤਹਿਤ ਰਾਸ਼ਟਰਪਤੀ ਦੇ ਅਧਿਕਾਰੀਆਂ ਦੀ ਜਾਣਕਾਰੀ ਦੇਣ ਦੌਰਾਨ ਸਬੰਧਿਤ ਟਿੱਪਣੀ ਕੀਤੀ।
ਡੈਮੋਕ੍ਰੇਟਿਕ ਪਾਰਟੀ ਤੋਂ ਸੰਸਦ ਮੈਂਬਰ ਸ਼ੀਲਾ ਜੈਕਸਨ ਲੀ ਦੇ ਇਕ ਸਵਾਲ ਦੇ ਜਵਾਬ 'ਚ ਇਹ ਸਭ ਸ਼ੁਰੂ ਹੋਇਆ। ਕਾਰਲਾਨ ਨੇ ਰਾਜਾ ਅਤੇ ਰਾਸ਼ਟਰਪਤੀ ਵਿਚਾਲੇ ਫਰਕ 'ਤੇ ਜ਼ੋਰ ਦੇਣ ਲਈ ਟਰੰਪ ਦੇ 13 ਸਾਲਾ ਪੁੱਤਰ ਦਾ ਨਾਂ ਲੈਂਦੇ ਹੋਏ ਆਖਿਆ ਕਿ ਰਾਸ਼ਟਰਪਤੀ ਟਰੰਪ ਨੇ ਜੋ ਕੁਝ ਕਿਹਾ, ਉਸ ਦੇ ਉਲਟ ਧਾਰਾ-2 ਉਨ੍ਹਾਂ ਨੂੰ ਆਪਣੀ ਮਨਮਰਜ਼ੀ ਮੁਤਾਬਕ ਕੁਝ ਵੀ ਕਰਨ ਦੀ ਇਜਾਜ਼ਤ ਨਹੀਂ ਦਿੰਦਾ ਹੈ ਅਤੇ ਮੈਂ ਤੁਹਾਨੂੰ ਇਕ ਉਦਾਹਰਣ ਦਿੰਦੀ ਹਾਂ ਜੋ ਤੁਹਾਨੂੰ ਇਹ ਦੱਸੇਗੀ ਕਿ ਉਨ੍ਹਾਂ 'ਚ (ਰਾਸ਼ਟਰਪਤੀ) ਅਤੇ ਰਾਜਾ 'ਚ ਕੀ ਫਰਕ ਹੈ। ਰਾਸ਼ਟਰਪਤੀ ਭਾਂਵੇ ਹੀ ਆਪਣੇ ਪੁੱਤਰ ਬੈਰਨ ਦਾ ਨਾਂ ਲੈ ਸਕਦੇ ਹਨ ਪਰ ਉਹ ਉਸ ਨੂੰ ਜਗੀਰੂ ਨਹੀਂ ਬਣਾ ਸਕਦੇ। ਉਨ੍ਹਾਂ ਦੀ ਇਸ ਟਿੱਪਣੀ 'ਤੇ ਕਮਰੇ 'ਚ ਮੌਜੂਦ ਲੋਕ ਹੱਸ ਪਏ।
ਫਲੋਰੀਡਾ ਤੋਂ ਰਿਪਬਲਿਕਨ ਸੰਸਦ ਮੈਂਬਰ ਮੈਟ ਗਾਇਤਜ਼ ਨੇ ਸੁਣਵਾਈ ਦੌਰਾਨ ਬੈਰਨ ਦੇ ਨਾਂ ਦਾ ਜ਼ਿਕਰ ਕਰਨ ਨੂੰ ਲੈ ਕੇ ਕਾਰਲਾਨ ਦਾ ਵਿਰੋਧ ਕੀਤਾ। ਉਨ੍ਹਾਂ ਆਖਿਆ ਕਿ ਜਦੋਂ ਤੁਸੀਂ ਇਥੇ ਰਾਸ਼ਟਰਪਤੀ ਦਾ ਨਾਂ ਲੈ ਰਹੇ ਹੋ ਉਦੋਂ ਤੁਸੀਂ ਟਰੰਪ ਦਾ ਜ਼ਿਕਰ ਕਰ ਇਕ ਮਜ਼ਾਕ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹੋ, ਜਿਹੜੀ ਤੁਹਾਡੀ ਦਲੀਲ ਨੂੰ ਭਰੋਸੇਯੋਗ ਨਹੀਂ ਬਣਾਉਂਦੀ। ਗਾਇਤਜ਼ ਨੇ ਆਖਿਆ ਕਿ ਇਸ ਨਾਲ ਲੱਗਦਾ ਹੈ ਕਿ ਤੁਸੀਂ ਕਿਸੇ ਦੇ ਪਰਿਵਾਰ, ਅਮਰੀਕੀ ਰਾਸ਼ਟਰਪਤੀ ਦੇ ਨਾਬਾਲਿਗ ਪੁੱਤਰ 'ਤੇ ਨਿਸ਼ਾਨਾ ਵਿੰਨ੍ਹ ਰਹੇ ਹੋ। ਟਰੰਪ ਦੀ ਪਤਨੀ ਮੇਲਾਨੀਆ ਨੇ ਵੀ ਮਹਾਦੋਸ਼ ਸੁਣਵਾਈ 'ਚ ਆਪਣੇ ਪੁੱਤਰ ਦਾ ਨਾਂ ਲੈਣ ਨੂੰ ਲੈ ਕੇ ਕਰਲਾਨ ਦੀ ਨਿੰਦਾ ਕੀਤੀ।
ਸੂਰਜ ਦੇ ਭੇਤ ਤੋਂ ਪਰਦਾ ਚੁੱਕਣ ਵਾਲੇ ਅੰਕੜੇ ਭੇਜੇ ਹਨ ਪੁਲਾੜੀ ਜਹਾਜ਼ ਨੇ
NEXT STORY 
