ਇੰਟਰਨੈਸ਼ਨਲ ਡੈਸਕ : ਗੂਗਲ ਨੇ ਆਪਣੇ ਲਗਭਗ 200 ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਹੈ। ਇਹ ਸਾਰੇ ਕੰਪਨੀ ਦੀ ਗਲੋਬਲ ਬਿਜ਼ਨਸ ਯੂਨਿਟ 'ਚ ਕੰਮ ਕਰਦੇ ਸਨ, ਜੋ ਕਿ ਵਿਕਰੀ ਤੇ ਭਾਈਵਾਲੀ ਨਾਲ ਸਬੰਧਤ ਕੰਮ ਲਈ ਜ਼ਿੰਮੇਵਾਰ ਹੈ। ਇਹ ਕਦਮ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਅਤੇ ਕਲਾਉਡ ਬੁਨਿਆਦੀ ਢਾਂਚੇ ਵੱਲ ਹੋ ਰਹੇ ਤੇਜ਼ ਬਦਲਾਅ ਦੇ ਮੱਦੇਨਜ਼ਰ ਕੰਪਨੀ ਦੇ ਚੱਲ ਰਹੇ ਸੰਚਾਲਨ ਸੁਧਾਰਾਂ ਦਾ ਹਿੱਸਾ ਹੈ।
ਇਹ ਵੀ ਪੜ੍ਹੋ...ਬਿਜਲੀ ਕੁਨੈਕਸ਼ਨ ਦੀ ਉਡੀਕ 'ਚ ਸੂਬੇ ਦੇ 1.50 ਲੱਖ ਬਿਨੈਕਾਰ, ਸਭ ਤੋਂ ਵੱਧ ਕਿਸਾਨਾਂ ਦੀਆਂ ਅਰਜ਼ੀਆਂ
ਦਿ ਇਨਫਰਮੇਸ਼ਨ ਦੀ ਰਿਪੋਰਟ ਅਨੁਸਾਰ ਗੂਗਲ ਨੇ ਆਪਣੀ ਗਲੋਬਲ ਬਿਜ਼ਨਸ ਯੂਨਿਟ 'ਚ ਲਗਭਗ 200 ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਹੈ। ਇਹ ਯੂਨਿਟ ਵਿਕਰੀ ਤੇ ਭਾਈਵਾਲੀ ਵਰਗੇ ਮਹੱਤਵਪੂਰਨ ਕੰਮਾਂ ਨੂੰ ਸੰਭਾਲਦਾ ਹੈ। ਰਿਪੋਰਟ 'ਚ ਇੱਕ ਸਰੋਤ ਦੇ ਹਵਾਲੇ ਨਾਲ ਕਿਹਾ ਗਿਆ ਹੈ ਕਿ ਇਹ ਕਟੌਤੀ ਮੰਗਲਵਾਰ ਨੂੰ ਕੀਤੀ ਗਈ ਸੀ। ਗੂਗਲ ਦੀ ਮੂਲ ਕੰਪਨੀ ਅਲਫਾਬੇਟ ਨੇ ਇਸ ਕਦਮ ਨੂੰ ਡਾਟਾ ਸੈਂਟਰਾਂ ਤੇ ਏਆਈ ਵਿਕਾਸ 'ਚ ਨਿਵੇਸ਼ ਵਧਾਉਣ ਤੇ ਹੋਰ ਖੇਤਰਾਂ ਵਿੱਚ ਖਰਚ ਘਟਾਉਣ ਦੀ ਆਪਣੀ ਰਣਨੀਤੀ ਦੇ ਹਿੱਸੇ ਵਜੋਂ ਦੱਸਿਆ ਹੈ।
ਜ਼ਿਕਰਯੋਗ ਹੈ ਕਿ ਪਿਛਲੇ ਮਹੀਨੇ ਗੂਗਲ ਨੇ ਆਪਣੇ ਪਲੇਟਫਾਰਮ ਤੇ ਡਿਵਾਈਸ ਯੂਨਿਟ, ਜਿਸ ਵਿੱਚ ਐਂਡਰਾਇਡ ਪਲੇਟਫਾਰਮ, ਪਿਕਸਲ ਫੋਨ ਅਤੇ ਕਰੋਮ ਬ੍ਰਾਊਜ਼ਰ ਸਮੇਤ ਹੋਰ ਐਪਲੀਕੇਸ਼ਨਾਂ ਸ਼ਾਮਲ ਹਨ, ਜਿਸ 'ਚ ਸੈਂਕੜੇ ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਹੈ। ਜਨਵਰੀ 2023 'ਚ ਗੂਗਲ-ਪੇਰੈਂਟ ਅਲਫਾਬੇਟ ਨੇ 12,000 ਨੌਕਰੀਆਂ, ਜਾਂ ਇਸਦੇ ਵਿਸ਼ਵਵਿਆਪੀ ਕਾਰਜਬਲ ਦਾ 6%, ਘਟਾਉਣ ਦੀਆਂ ਯੋਜਨਾਵਾਂ ਦਾ ਐਲਾਨ ਕੀਤਾ। ਫਰਵਰੀ 'ਚ ਇੱਕ ਫਾਈਲਿੰਗ ਦੇ ਅਨੁਸਾਰ 31 ਦਸੰਬਰ, 2024 ਤੱਕ ਇਸ ਵਿੱਚ 183,323 ਕਰਮਚਾਰੀ ਸਨ।
ਇਹ ਵੀ ਪੜ੍ਹੋ...ਮੌਸਮ ਨੂੰ ਲੈ ਕੇ ਵੱਡੀ ਚਿਤਾਵਨੀ, ਇਨ੍ਹਾਂ ਜ਼ਿਲ੍ਹਿਆਂ 'ਚ ਮੀਂਹ ਤੇ ਤੇਜ਼ ਹਨੇਰੀ ਦਾ Alert
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
USINDOPACOM 'ਆਪ੍ਰੇਸ਼ਨ ਸਿੰਦੂਰ' ਤੋਂ ਬਾਅਦ ਸਥਿਤੀ 'ਤੇ ਬਹੁਤ ਨੇੜਿਓਂ ਰੱਖ ਰਿਹਾ ਨਜ਼ਰ
NEXT STORY 
