ਨਵੀਂ ਦਿੱਲੀ - ਰੂਸ ਨੇ ਵਿਦੇਸ਼ੀ ਨਾਗਰਿਕਾਂ ਲਈ ਆਪਣੀ ਏਕੀਕ੍ਰਿਤ (ਯੂਨੀਫਾਈਡ) ਈ-ਵੀਜ਼ਾ ਪ੍ਰਣਾਲੀ ਨੂੰ ਹੋਰ ਸਰਲ ਬਣਾਇਆ ਹੈ। ਯੋਗ ਦੇਸ਼ਾਂ ਦੇ ਨਾਗਰਿਕ ਹੁਣ ਬਿਨਾਂ ਇਨਵੀਟੇਸ਼ਨ ਲੈਟਰ, ਹੋਟਲ ਬੁਕਿੰਗ ਜਾਂ ਯਾਤਰਾ ਦੇ ਉਦੇਸ਼ ਨਾਲ ਜੁੜੇ ਵਾਧੂ ਦਸਤਾਵੇਜ਼ ਜਮ੍ਹਾਂ ਕੀਤੇ ਬਿਨਾਂ ਈ-ਵੀਜ਼ਾ ਲਈ ਅਰਜ਼ੀ ਦੇ ਸਕਦੇ ਹਨ। ਇਹ ਈ-ਵੀਜ਼ਾ ਜਾਰੀ ਹੋਣ ਦੀ ਮਿਤੀ ਤੋਂ 120 ਦਿਨਾਂ ਤੱਕ ਜਾਇਜ਼ ਰਹੇਗਾ, ਜਦਕਿ ਰੂਸ ਵਿਚ ਵੱਧ ਤੋਂ ਵੱਧ 30 ਦਿਨਾਂ ਤੱਕ ਰਹਿਣ ਦੀ ਇਜਾਜ਼ਤ ਹੋਵੇਗੀ। ਹਾਲਾਂਕਿ, ਇਹ ਸਿਰਫ ‘ਸਿੰਗਲ ਐਂਟਰੀ’ ਵੀਜ਼ਾ ਹੋਵੇਗਾ।
ਸੈਰ-ਸਪਾਟਾ, ਕਾਰੋਬਾਰ ਅਤੇ ਸੱਭਿਆਚਾਰਕ ਆਯੋਜਨਾਂ ਲਈ ਮਾਨਤਾ ਪ੍ਰਾਪਤ
ਰੂਸੀ ਵਿਦੇਸ਼ ਮੰਤਰਾਲਾ ਅਨੁਸਾਰ ਇਹ ਈ-ਵੀਜ਼ਾ ਸੈਰ-ਸਪਾਟਾ (ਟੂਰਿਜ਼ਮ), ਨਿੱਜੀ ਯਾਤਰਾ, ਵਪਾਰਕ ਦੌਰੇ, ਵਿਗਿਆਨਕ, ਸੱਭਿਆਚਾਰਕ, ਸਮਾਜਿਕ-ਰਾਜਨੀਤਿਕ, ਆਰਥਿਕ ਅਤੇ ਖੇਡ ਆਯੋਜਨਾਂ ਵਿਚ ਭਾਗ ਲੈਣ ਵਰਗੇ ਉਦੇਸ਼ਾਂ ਲਈ ਮਾਨਤਾ ਪ੍ਰਾਪਤ ਹੋਵੇਗਾ।
ਜੇਕਰ ਯਾਤਰਾ ਦਾ ਉਦੇਸ਼ ਇਨ੍ਹਾਂ ਸ਼੍ਰੇਣੀਆਂ ਤੋਂ ਵੱਖਰਾ ਹੈ ਤਾਂ ਆਵੇਦਕ ਨੂੰ ਰੈਗੂਲਰ ਵੀਜ਼ੇ ਲਈ ਰੂਸੀ ਦੂਤਘਰ ਜਾਂ ਵਣਜ ਦੂਤਘਰ (ਕੌਂਸਲੇਟ) ਵਿਚ ਅਰਜ਼ੀ ਦੇਣੀ ਹੋਵੇਗੀ। ਈ-ਵੀਜ਼ਾ ਧਾਰਕਾਂ ਨੂੰ ਰੂਸ ਦੇ ਜ਼ਿਆਦਾਤਰ ਹਿੱਸਿਆਂ ਵਿਚ ਯਾਤਰਾ ਕਰਨ ਦੀ ਇਜਾਜ਼ਤ ਹੋਵੇਗੀ, ਹਾਲਾਂਕਿ ਕੁਝ ਪਾਬੰਦੀਸ਼ੁਦਾ ਖੇਤਰਾਂ ਵਿਚ ਵਿਸ਼ੇਸ਼ ਇਜਾਜ਼ਤ ਦੀ ਲੋੜ ਪਵੇਗੀ।
ਅਰਜ਼ੀ 4 ਦਿਨ ਪਹਿਲਾਂ ਤੱਕ, 4 ਦਿਨਾਂ ਵਿਚ ਹੋਵੇਗਾ ਫ਼ੈਸਲਾ
ਈ-ਵੀਜ਼ਾ ਲਈ ਅਰਜ਼ੀ ਪ੍ਰਸਤਾਵਿਤ ਯਾਤਰਾ ਤੋਂ 86 ਦਿਨ ਪਹਿਲਾਂ ਤੋਂ ਲੈ ਕੇ ਘੱਟੋ-ਘੱਟ 4 ਦਿਨ ਪਹਿਲਾਂ ਤੱਕ ਦਿੱਤੀ ਜਾ ਸਕਦੀ ਹੈ। ਆਵੇਦਨ ਰੂਸੀ ਵਿਦੇਸ਼ ਮੰਤਰਾਲਾ ਦੀ ਅਧਿਕਾਰਤ ਵੈੱਬਸਾਈਟ ਜਾਂ ਮੋਬਾਈਲ ਐਪ ਰਾਹੀਂ ਜਮ੍ਹਾਂ ਕੀਤਾ ਜਾਵੇਗਾ।
ਅਰਜ਼ੀ ’ਤੇ ਵੱਧ ਤੋਂ ਵੱਧ ਚਾਰ ਕੈਲੰਡਰ ਦਿਨਾਂ ਵਿਚ ਫ਼ੈਸਲਾ ਲਿਆ ਜਾਵੇਗਾ। ਜੇਕਰ ਅਰਜ਼ੀ ਵਿਚ ਕੋਈ ਗਲਤੀ ਪਾਈ ਜਾਂਦੀ ਹੈ ਤਾਂ ਉਸ ਨੂੰ ਸੁਧਾਰ ਲਈ ਵਾਪਸ ਭੇਜਿਆ ਜਾਵੇਗਾ ਅਤੇ ਆਵੇਦਕ ਨੂੰ ਲੋੜੀਂਦਾ ਸੁਧਾਰ ਕਰ ਕੇ ਦੁਬਾਰਾ ਜਮ੍ਹਾਂ ਕਰਵਾਉਣਾ ਹੋਵੇਗਾ।
ਪਾਸਪੋਰਟ, ਬੀਮਾ ਅਤੇ ਵੱਖਰੀ ਅਰਜ਼ੀ ਲਾਜ਼ਮੀ
ਈ-ਵੀਜ਼ਾ ਲਈ ਮਸ਼ੀਨ-ਰੀਡੇਬਲ ਪਾਸਪੋਰਟ ਹੋਣਾ ਜ਼ਰੂਰੀ ਹੈ, ਜਿਸ ਦੀ ਜਾਇਜ਼ਤਾ ਅਰਜ਼ੀ ਦੀ ਤਰੀਕ ਤੋਂ ਘੱਟੋ-ਘੱਟ 6 ਮਹੀਨੇ ਹੋਣੀ ਚਾਹੀਦੀ ਹੈ। ਰੂਸ ਵਿਚ ਪੂਰੀ ਠਹਿਰ ਦੌਰਾਨ ਮਾਨਤਾ ਪ੍ਰਾਪਤ ਮੈਡੀਕਲ ਬੀਮਾ ਵੀ ਲਾਜ਼ਮੀ ਰਹੇਗਾ।
ਬੱਚਿਆਂ ਲਈ ਵੱਖਰੀ ਈ-ਵੀਜ਼ਾ ਅਰਜ਼ੀ ਦੇਣੀ ਹੋਵੇਗੀ, ਜਦਕਿ 6 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਤੋਂ ਕੌਂਸਲਰ ਫੀਸ ਨਹੀਂ ਲਈ ਜਾਵੇਗੀ। ਅਧਿਕਾਰੀਆਂ ਨੇ ਸਪੱਸ਼ਟ ਕੀਤਾ ਹੈ ਕਿ ਅਰਜ਼ੀ ਵਿਚ ਗਲਤ ਜਾਣਕਾਰੀ ਮਿਲਣ ’ਤੇ ਵੀਜ਼ਾ ਰੱਦ ਵੀ ਕੀਤਾ ਜਾ ਸਕਦਾ ਹੈ।
3-4 ਸਾਲਾਂ ਵਿਚ ਲਸ਼ਕਰ-ਏ-ਤੋਇਬਾ ਦੇ 30 ਮੈਂਬਰ ਮਾਰੇ ਗਏ: ਰਿਜ਼ਵਾਨ ਹਨੀਫ਼
NEXT STORY 
