ਗਲਾਸਗੋ/ਲੂਟਨ (ਮਨਦੀਪ ਖੁਰਮੀ ਹਿੰਮਤਪੁਰਾ)-ਸ਼ੁੱਕਰਵਾਰ ਨੂੰ ਲੂਟਨ ਏਅਰਪੋਰਟ ਦੇ ਰਵਾਨਗੀ ਲੌਂਜ ’ਚ ਝਗੜਾ ਹੋਣ ਤੋਂ ਬਾਅਦ ਤਿੰਨ ਯਾਤਰੀਆਂ ਨੂੰ ਗੰਭੀਰ ਜ਼ਖਮੀ ਹਾਲਤ ਵਿੱਚ ਹਸਪਤਾਲ ਲਿਜਾਇਆ ਗਿਆ ਅਤੇ 17 ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਵੀ ਕੀਤਾ ਗਿਆ ਹੈ। ਏਅਰਪੋਰਟ ’ਚ ਇਹ ਝਗੜਾ ‘ਏਅਰਸਾਈਡ’ ਜ਼ੋਨ ’ਚ ਸਵੇਰੇ 8 ਵਜੇ ਸ਼ੁਰੂ ਹੋਇਆ ਅਤੇ ਮੁਸਾਫਿਰ ਇੱਕ-ਦੂਜੇ ਨਾਲ ਝੜਪ ਪਏ। ਇਸ ਝਗੜੇ ਬਾਰੇ ਇੱਕ ਵੇਖਣ ਵਾਲੇ ਮੁਸਾਫਿਰ ਵੱਲੋਂ ਬਣਾਈ ਗਈ ਵੀਡੀਓ ’ਚ ਉੱਤਰੀ ਲੰਡਨ ਟਰਮੀਨਲ ਦੇ ਫਰਸ਼ ’ਤੇ ਖੂਨ ਦੇ ਨਿਸ਼ਾਨ ਦਿਖਾਏ ਗਏ ਸਨ। ਇਸ ਝਗੜੇ ’ਚ ਘੱਟੋ-ਘੱਟ ਇੱਕ ਦਰਜਨ ਲੋਕ ਸ਼ਾਮਿਲ ਸਨ, ਜਦਕਿ ਕਈ ਦੂਜਿਆਂ ਨੂੰ ਚੀਕਦੇ ਅਤੇ ਇੱਕ-ਦੂਜੇ ਨੂੰ ਰੋਕਣ ਦੀ ਬੇਨਤੀ ਕਰਦਿਆਂ ਸੁਣਿਆ ਗਿਆ। ਹਵਾਈ ਅੱਡੇ ਦੇ ਅਧਿਕਾਰੀਆਂ ਨੇ ਇਸ ਘਟਨਾ ’ਤੇ ਹੈਰਾਨਗੀ ਪ੍ਰਗਟ ਕੀਤੀ ਹੈ, ਜਦਕਿ ਬ੍ਰੈਡਫੋਰਡਸ਼ਾਇਰ ਪੁਲਸ ਵੱਲੋਂ ਇਸ ਝਗੜੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਇਟਲੀ : ਪਾਕਿਸਤਾਨੀ ਆਸ਼ਿਕ ਨੇ ਕੀਤਾ ਘਿਨੌਣਾ ਕਾਰਾ, ਇਟਾਲੀਅਨ ਪ੍ਰੇਮਿਕਾ ਦੇ ਨੌਜਵਾਨ ਪੁੱਤ ਦੀ ਕੀਤੀ ਹੱਤਿਆ
NEXT STORY 
