ਗਲਾਸਗੋ/ਲੰਡਨ (ਮਨਦੀਪ ਖੁਰਮੀ ਹਿੰਮਤਪੁਰਾ): ਯੂਕੇ ਵਿੱਚ ਇਸ ਹਫਤੇ ਇੱਕ ‘ਸਮੂਹਕ ਟੀਕਾਕਰਨ’ ਪ੍ਰਕਿਰਿਆ ਦੌਰਾਨ ਸੈਂਕੜੇ ਸ਼ਰਨਾਰਥੀਆਂ ਨੂੰ ਟੀਕਾਕਰਨ ਦੇ ਚਾਰ ਤਰਜੀਹੀ ਸਮੂਹਾਂ ਵਿੱਚ ਨਾ ਹੋਣ ਦੇ ਬਾਵਜੂਦ ਕੋਰੋਨਾ ਟੀਕਾ ਲਗਾਇਆ ਗਿਆ ਹੈ। ਲਗਭਗ 320 ਪ੍ਰਵਾਸੀ ਪਨਾਹਗੀਰ ਇਸ ਸਮੇਂ ਹੀਥਰੋ ਹਵਾਈ ਅੱਡੇ ਦੇ ਨੇੜੇ ਚਾਰ ਸਿਤਾਰਾ ਕ੍ਰਾਊਨ ਪਲਾਜ਼ਾ ਵਿਖੇ ਰਹਿ ਰਹੇ ਹਨ, ਜਿਹਨਾਂ ਵਿੱਚੋਂ ਬਹੁਤ ਸਾਰੇ ਆਪਣੀ ਪਨਾਹ ਦੇ ਦਾਅਵਿਆਂ ਦੇ ਫ਼ੈਸਲੇ ਦੀ ਉਡੀਕ ਵੀ ਕਰ ਰਹੇ ਹਨ।
ਇਹਨਾਂ ਦੀ ਟੀਕਾਕਰਨ ਪ੍ਰਕਿਰਿਆ ਸੰਬੰਧੀ ਇਹ ਮੰਨਿਆ ਜਾਂਦਾ ਹੈ ਕਿ ਇਹ ਫੈਸਲਾ ਸਥਾਨਕ ਜੀ ਪੀ ਸੰਸਥਾ ਦੁਆਰਾ ਆਪਣੇ ਐਨ ਐਚ ਐਸ ਟਰੱਸਟ ਜਾਂ ਗ੍ਰਹਿ ਦਫਤਰ ਦੀ ਜਾਣਕਾਰੀ ਤੋਂ ਬਿਨਾਂ ਕੀਤਾ ਸੀ। ਇਹਨਾਂ ਪਨਾਹਗੀਰਾਂ ਵਿੱਚੋਂ ਸੁਡਾਨ ਦੇ ਇੱਕ 27 ਸਾਲਾ ਵਿਅਕਤੀ ਨੇ ਦੱਸਿਆ ਕਿ ਉਸ ਨੂੰ ਇਹ ਟੀਕਾ ਹੋਰਾਂ ਦੇ ਨਾਲ ਉਮਰ ਦੀ ਪਰਵਾਹ ਕੀਤੇ ਬਿਨਾਂ ਲਗਾਇਆ ਗਿਆ ਸੀ ਅਤੇ ਇਸ ਲਈ ਕੁੱਝ ਵੀ ਅਦਾ ਨਹੀ ਕਰਨਾ ਪਿਆ। ਇਹ ਟੀਕਾ ਲਗਵਾਉਣ ਵਾਲੇ 320 ਪ੍ਰਵਾਸੀਆਂ ਵਿਚੋਂ ਸਿਰਫ 80 ਲੋਕਾਂ ਦੀ ਉਮਰ 70 ਸਾਲ ਤੋਂ ਵੱਧ ਸੀ, ਜਿਸ ਕਰਕੇ ਉਨ੍ਹਾਂ ਨੂੰ ਸਰਕਾਰ ਦੇ ਦਿਸ਼ਾ ਨਿਰਦੇਸ਼ਾਂ ਹੇਠ ਉੱਚ ਤਰਜੀਹ ਦਿੱਤੀ।
ਪੜ੍ਹੋ ਇਹ ਅਹਿਮ ਖਬਰ - ਬ੍ਰਿਟੇਨ 'ਚ ਖਾਲਸਾ ਟੀਵੀ 'ਤੇ 50 ਲੱਖ ਰੁਪਏ ਦਾ ਜੁਰਮਾਨਾ, ਲੱਗੇ ਇਹ ਦੋਸ਼
ਹਾਲਾਂਕਿ, ਬਹੁਤ ਸਾਰੇ ਪਨਾਹਗੀਰ ਜੋ ਸਰਕਾਰ ਦੇ ਪ੍ਰਮੁੱਖ ਚਾਰ ਤਰਜੀਹ ਸਮੂਹਾਂ ਵਿੱਚ ਫਿੱਟ ਨਹੀਂ ਬੈਠਦੇ ਉਹਨਾਂ ਨੂੰ ਵੀ ਇਹ ਟੀਕਾ ਲਗਾਇਆ ਗਿਆ ਸੀ ਜਦਕਿ ਦੇਸ਼ ਅੰਦਰ ਬਹੁਤ ਸਾਰੇ ਕਮਜ਼ੋਰ ਲੋਕਾਂ ਨੂੰ ਅਜੇ ਵੀ ਟੀਕਿਆਂ ਦੀ ਜਰੂਰਤ ਹੈ।ਇਸ ਦੇ ਇਲਾਵਾ ਟੀਕਾਕਰਨ ਨਾਲ ਸੰਬੰਧਿਤ ਇੱਕ ਸਰਕਾਰੀ ਬੁਲਾਰੇ ਅਨੁਸਾਰ ਉਹਨਾਂ ਨੇ ਜੇ.ਸੀ.ਵੀ.ਆਈ. (ਟੀਕਾਕਰਨ ਦੀ ਸੰਯੁਕਤ ਕਮੇਟੀ) ਦੀ ਸਲਾਹ ਦਾ ਪਾਲਣ ਕੀਤਾ ਹੈ ਅਤੇ ਇਸ ਦੀ ਪਹਿਲੀ ਤਰਜੀਹ ਸਮਾਜ ਦੇ ਸਭ ਤੋਂ ਕਮਜ਼ੋਰ ਲੋਕਾਂ ਦਾ ਟੀਕਾਕਰਨ ਹੈ ਅਤੇ ਕਿਸੇ ਵੀ ਵਿਅਕਤੀ ਲਈ ਆਪਣੇ ਨਿਯਮ ਤੈਅ ਕਰਨ ਦੇ ਨਾਲ ਦਿਸ਼ਾ ਨਿਰਦੇਸ਼ਾਂ ਨੂੰ ਨਜ਼ਰ ਅੰਦਾਜ਼ ਕਰਨਾ ਪੂਰੀ ਤਰ੍ਹਾਂ ਅਸਵੀਕਾਰਯੋਗ ਹੈ। ਲੰਡਨ ਵਿੱਚ ਐਨ ਐਚ ਐਸ ਦੇ ਖੇਤਰੀ ਨਿਰਦੇਸ਼ਕ ਡੇਵਿਡ ਸਲੋਮਨ ਅਨੁਸਾਰ, ਟੀਕਾਕਰਨ ਬਾਰੇ ਜੀ ਪੀ ਦੁਆਰਾ ਲਏ ਗਏ ਇਸ ਸੁਤੰਤਰ ਫ਼ੈਸਲੇ ਸੰਬੰਧੀ ਗੱਲਬਾਤ ਕੀਤੀ ਜਾ ਰਹੀ ਹੈ ਤਾਂ ਜੋ ਇਸ ਤਰ੍ਹਾਂ ਦੁਬਾਰਾ ਨਾ ਹੋਵੇ, ਇਹ ਯਕੀਨੀ ਬਣਾਇਆ ਜਾ ਸਕੇ।
ਨੋਟ- ਬ੍ਰਿਟੇਨ 'ਚ ਸੈਂਕੜੇ ਸ਼ਰਨਾਰਥੀਆਂ ਨੂੰ ਲਗਾਇਆ ਗਿਆ ਕੋਰੋਨਾ ਵਾਇਰਸ ਦਾ ਟੀਕਾ, ਕੁਮੈਂਟ ਕਰ ਦਿਓ ਰਾਏ।
ਕੈਨੇਡੀਅਨ ਮਾਹਰਾਂ ਨੇ ਕੋਰੋਨਾ ਦੀ ਤੀਜੀ ਲਹਿਰ ਦੀ ਚਿਤਾਵਨੀ ਕੀਤੀ ਜਾਰੀ
NEXT STORY 
