Fact Check By BOOM
ਸੋਸ਼ਲ ਮੀਡੀਆ 'ਤੇ ਖਚਾਖਚ ਭਰੀ ਹੋਈ ਟ੍ਰੇਨ ਦਾ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਲੋਕ ਟ੍ਰੇਨ ਦੀ ਛੱਤ 'ਤੇ ਬੈਠ ਕੇ ਸਫ਼ਰ ਕਰਦੇ ਨਜ਼ਰ ਆ ਰਹੇ ਹਨ। ਯੂਜ਼ਰਸ ਵੀਡੀਓ ਨੂੰ ਮਹਾਕੁੰਭ ਨਾਲ ਜੋੜ ਰਹੇ ਹਨ ਅਤੇ ਦਾਅਵਾ ਕਰ ਰਹੇ ਹਨ ਕਿ ਇਹ ਪ੍ਰਯਾਗਰਾਜ ਜਾਣ ਵਾਲੀ ਟ੍ਰੇਨ ਹੈ।
ਬੂਮ ਨੇ ਫੈਕਟ ਚੈੱਕ 'ਚ ਪਾਇਆ ਕਿ ਵਾਇਰਲ ਵੀਡੀਓ ਭਾਰਤ ਦਾ ਨਹੀਂ ਬਲਕਿ ਬੰਗਲਾਦੇਸ਼ ਦਾ ਹੈ। ਇਸ ਦਾ ਪ੍ਰਯਾਗਰਾਜ ਮਹਾਕੁੰਭ ਨਾਲ ਕੋਈ ਸਬੰਧ ਨਹੀਂ ਹੈ।
ਇੰਸਟਾਗ੍ਰਾਮ 'ਤੇ ਇਕ ਯੂਜ਼ਰ ਨੇ ਵਾਇਰਲ ਕਲਿੱਪ ਨੂੰ ਆਪਣੇ ਵੀਡੀਓ 'ਚ ਮਹਾਕੁੰਭ 'ਚ ਜਾ ਰਹੀ ਟ੍ਰੇਨ ਦੇ ਰੂਪ 'ਚ ਸ਼ੇਅਰ ਕੀਤਾ ਹੈ। ਇਕ ਹੋਰ ਇੰਸਟਾਗ੍ਰਾਮ ਯੂਜ਼ਰ ਨੇ ਇਸ ਨੂੰ ਮਹਾਰਾਸ਼ਟਰ ਤੋਂ ਪ੍ਰਯਾਗਰਾਜ ਜਾ ਰਹੀ ਟ੍ਰੇਨ ਦੱਸਿਆ ਹੈ।
ਫੈਕਟ ਚੈੱਕ
ਜਦੋਂ ਅਸੀਂ ਵਾਇਰਲ ਵੀਡੀਓ ਨੂੰ ਧਿਆਨ ਨਾਲ ਦੇਖਿਆ ਤਾਂ ਅਸੀਂ ਦੇਖਿਆ ਕਿ ਭੀੜ ਵਿਚ ਜ਼ਿਆਦਾਤਰ ਲੋਕ ਇਸਲਾਮੀ ਪਹਿਰਾਵੇ ਵਿਚ ਸਨ। ਇਸ ਤੋਂ ਇਲਾਵਾ ਟ੍ਰੇਨ ਦੇ ਉੱਪਰ ਬੈਠੇ ਲੋਕਾਂ ਦੇ ਹੱਥਾਂ ਵਿੱਚ ਹਰੀ ਝੰਡੀ ਸੀ। ਇਸ ਨਾਲ ਸਾਨੂੰ ਸ਼ੱਕ ਹੋਇਆ ਕਿ ਵਾਇਰਲ ਵੀਡੀਓ ਨੂੰ ਲੈ ਕੇ ਕੀਤਾ ਜਾ ਰਿਹਾ ਦਾਅਵਾ ਝੂਠਾ ਹੈ।
ਇਸਦੀ ਸੱਚਾਈ ਜਾਣਨ ਲਈ ਅਸੀਂ ਕੁਝ ਸਬੰਧਿਤ ਕੀਵਰਡਸ ਦੇ ਨਾਲ ਵੀਡੀਓ ਦੇ ਕੀਫ੍ਰੇਮ ਦੀ ਸਰਚ ਕੀਤੀ। ਇਸ ਜ਼ਰੀਏ ਸਾਨੂੰ rail_and_road_bangladesh ਨਾਂ ਦੇ ਇੰਸਟਾਗ੍ਰਾਮ ਹੈਂਡਲ 'ਤੇ 20 ਜਨਵਰੀ 2025 ਨੂੰ ਸ਼ੇਅਰ ਕੀਤਾ ਗਿਆ ਇਹੀ ਵੀਡੀਓ ਮਿਲਿਆ।
ਇਹ ਵੀਡੀਓ ਇਸ ਤੋਂ ਪਹਿਲਾਂ 13 ਅਗਸਤ 2024 ਨੂੰ ਵੀ ਇਸ ਹੈਂਡਲ 'ਤੇ ਸ਼ੇਅਰ ਕੀਤਾ ਗਿਆ ਸੀ। ਇਸ ਤੋਂ ਸਾਫ਼ ਹੋ ਗਿਆ ਸੀ ਕਿ ਵਾਇਰਲ ਵੀਡੀਓ 13 ਜਨਵਰੀ 2025 ਤੋਂ ਹੋਣ ਵਾਲੇ ਮਹਾਕੁੰਭ ਤੋਂ ਪਹਿਲਾਂ ਦਾ ਹੈ।
ਵੀਡੀਓ ਨਾਲ ਹੈਸ਼ਟੈਗ ਵਿੱਚ ਬੰਗਲਾਦੇਸ਼ ਅਤੇ ਢਾਕਾ ਦਾ ਜ਼ਿਕਰ ਕੀਤਾ ਗਿਆ ਹੈ। ਇਸ ਨੇ ਸਾਨੂੰ ਦੱਸਿਆ ਕਿ ਇਹ ਢਾਕਾ, ਬੰਗਲਾਦੇਸ਼ ਦਾ ਇੱਕ ਵੀਡੀਓ ਹੈ। ਇਸ ਹੈਂਡਲ 'ਤੇ ਬੰਗਲਾਦੇਸ਼ ਦੀਆਂ ਟਰੇਨਾਂ 'ਚ ਭਾਰੀ ਭੀੜ ਦਿਖਾਉਂਦੇ ਹੋਰ ਵੀਡੀਓ ਵੀ ਦੇਖੇ ਜਾ ਸਕਦੇ ਹਨ।
ਵੀਡੀਓ ਵਿੱਚ ਟ੍ਰੇਨ ਇੱਕ ਸਟੇਸ਼ਨ ਤੋਂ ਲੰਘ ਰਹੀ ਹੈ। ਇੰਸਟਾਗ੍ਰਾਮ ਪੋਸਟ ਤੋਂ ਸੰਕੇਤ ਲੈਂਦੇ ਹੋਏ ਅਸੀਂ ਵਾਇਰਲ ਵੀਡੀਓ ਦੀ ਸਥਿਤੀ ਜਾਣਨ ਲਈ ਢਾਕਾ ਡਵੀਜ਼ਨ ਦੇ ਜੰਕਸ਼ਨ ਅਤੇ ਸਟੇਸ਼ਨਾਂ ਦੀ ਖੋਜ ਕੀਤੀ।
ਇਸ ਪ੍ਰਕਿਰਿਆ ਵਿਚ ਅਸੀਂ ਢਾਕਾ ਦੇ ਟੋਂਗੀ ਜੰਕਸ਼ਨ ਪਹੁੰਚੇ। ਗੂਗਲ ਮੈਪ 'ਤੇ ਉਪਲਬਧ ਟੋਂਗੀ ਜੰਕਸ਼ਨ ਦੀ ਤਸਵੀਰ ਵਿਚ ਅਸੀਂ ਉਹੀ ਇਮਾਰਤ ਦੇਖੀ ਜੋ ਵਾਇਰਲ ਵੀਡੀਓ ਵਿਚ ਮੌਜੂਦ ਸੀ।
ਇਸ ਦੇ ਸਟ੍ਰੀਟ ਵਿਊ ਨੂੰ ਦੇਖ ਕੇ ਸਾਫ਼ ਹੋ ਗਿਆ ਕਿ ਵੀਡੀਓ ਢਾਕਾ ਦੇ ਟੋਂਗੀ ਜੰਕਸ਼ਨ ਦਾ ਹੈ। ਇੱਥੇ ਵਾਇਰਲ ਵੀਡੀਓ ਤੋਂ ਇਮਾਰਤ ਵੀ ਦੇਖੀ ਜਾ ਸਕਦੀ ਹੈ, ਜਿਸ 'ਤੇ 'Drug International TLD' ਲਿਖਿਆ ਹੋਇਆ ਹੈ। ਇਸ ਤੋਂ ਸਾਫ ਹੈ ਕਿ ਬੰਗਲਾਦੇਸ਼ ਦੀ ਵੀਡੀਓ ਨੂੰ ਮਹਾਕੁੰਭ ਨਾਲ ਜੋੜ ਕੇ ਗਲਤ ਤਰੀਕੇ ਨਾਲ ਸ਼ੇਅਰ ਕੀਤਾ ਜਾ ਰਿਹਾ ਹੈ।
(Disclaimer: ਇਹ ਫੈਕਟ ਚੈੱਕ ਮੂਲ ਤੌਰ 'ਤੇ BOOM ਵੱਲੋਂ ਕੀਤਾ ਗਿਆ ਹੈ, ਜਿਸ ਨੂੰ Shakti Collective ਦੀ ਮਦਦ ਨਾਲ ‘ਜਗ ਬਾਣੀ’ ਨੇ ਪ੍ਰਕਾਸ਼ਿਤ ਕੀਤਾ ਹੈ)
ਮੁਸਲਮਾਨ ਸਮਝ ਚਲਾ'ਤੀਆਂ 17 ਗੋਲੀਆਂ, ਜਦੋਂ ਖੁਲਾਸਾ ਹੋਇਆ ਤਾਂ...
NEXT STORY 
