ਕਾਬੁਲ (ਰਾਇਟਰ)- ਅਫਗਾਨਿਸਤਾਨ ਦੇ ਰਾਸ਼ਟਰਪਤੀ ਅਸ਼ਰਫ ਗਨੀ ਨੇ ਸੋਮਵਾਰ ਨੂੰ ਕਾਬੁਲ ਵਿਚ ਮੌਲਵੀਆਂ ਦੇ ਸ਼ਾਂਤੀ ਕੈਂਪ 'ਤੇ ਹੋਏ ਆਤਮਘਾਤੀ ਹਮਲੇ ਦੀ ਸਖ਼ਤ ਨਿੰਦਿਆ ਕੀਤੀ ਅਤੇ ਉਨ੍ਹਾਂ ਵਲੋਂ (ਮੌਲਵੀਆਂ ਵਲੋਂ) ਅਜਿਹੇ ਹਮਲਿਆਂ ਦੇ ਜਾਰੀ ਫਤਵੇ ਦੀ ਹਮਾਇਤ ਕੀਤੀ ਹੈ। ਗਨੀ ਨੇ ਮੰਗਲਵਾਰ ਨੂੰ ਕਿਹਾ ਕਿ ਹਮਲਾਵਰਾਂ ਨੇ ਇਸਲਾਮ ਦੇ ਸਿਧਾਂਤਾਂ ਦੀ ਵੀ ਉਲੰਘਣਾ ਕੀਤੀ ਹੈ। ਉਨ੍ਹਾਂ ਨੇ ਵੀਡੀਓ 'ਤੇ ਆਪਣੇ ਸੰਬੋਧਨ ਵਿਚ ਕਿਹਾ ਕਿ ਪੂਰੇ ਦੇਸ਼ ਤੋਂ ਧਰਮ ਗੁਰੂਆਂ ਅਤੇ ਧਾਰਮਿਕ ਵਿਦਵਾਨਾਂ ਦੀ ਵੱਡੀ ਸਭਾ ਨੂੰ ਨਿਸ਼ਾਨਾ ਬਣਾਉਣ ਵਾਲਾ ਇਹ ਹਮਲਾ ਅਸਲ ਵਿਚ ਇਸਲਾਮ ਦੇ ਭਵਿੱਖ ਅਤੇ ਇਸਲਾਮ ਦੀਆਂ ਕਦਰਾਂ-ਕੀਮਤਾਂ ਖਿਲਾਫ ਹਮਲਾ ਸੀ।
ਉਨ੍ਹਾਂ ਨੇ ਆਖਿਆ ਬਦਕਿਸਮਤੀ ਨਾਲ ਹਰ ਦਿਨ ਅਫਗਾਨਿਸਤਾਨ ਵਿਚ ਥੋਪੀ ਗਈ ਜੰਗ ਵਿਚ ਸਾਡੇ ਨਿਰਦੋਸ਼ ਬੱਚਿਆਂ ਦੀ ਜਾਨ ਲੈਂਦਾ ਹੈ। ਜ਼ਿਕਰਯੋਗ ਹੈ ਕਿ ਇਸ ਆਤਮਘਾਤੀ ਹਮਲੇ ਵਿਚ 7 ਮੌਲਵੀਆਂ ਸਣੇ 14 ਲੋਕ ਮਾਰੇ ਗਏ ਸਨ। ਇਹ ਘਟਨਾ ਆਉਣ ਵਾਲੀ 20 ਅਕਤੂਬਰ ਨੂੰ ਪ੍ਰਸਤਾਵਿਤ ਸੰਸਦੀ ਅਤੇ ਜ਼ਿਲਾ ਕੌਂਸਲ ਦੀਆਂ ਚੋਣਾਂ ਤੋਂ ਪਹਿਲਾਂ ਸੁਰੱਖਿਆ ਵਿਵਸਥਾ ਵਿਚ ਗਿਰਾਵਟ ਨੂੰ ਵੀ ਦਰਸ਼ਾਉਂਦੀ ਹੈ। ਹਮਲੇ ਦੀ ਜ਼ਿੰਮੇਵਾਰੀ ਅੱਤਵਾਦੀ ਸੰਗਠਨ ਇਸਲਾਮਿਕ ਸਟੇਟ (ਆਈ.ਐਸ.) ਨੇ ਲਈ ਹੈ ਪਰ ਉਸ ਨੇ ਕੋਈ ਸਬੂਤ ਨਹੀਂ ਦਿੱਤਾ। ਪੂਰੇ ਦੇਸ਼ ਦੇ 2000 ਤੋਂ ਜ਼ਿਆਦਾ ਧਾਰਮਿਕ ਵਿਦਵਾਨ ਸਾਲਾਂ ਤੋਂ ਜਾਰੀ ਸੰਘਰਸ਼ ਦੀ ਨਿੰਦਿਆ ਕਰਨ ਲਈ ਐਤਵਾਰ ਅਤੇ ਸੋਮਵਾਰ ਨੂੰ ਲੋਇਆ ਜਿਰਗਾ (ਵਿਰਾਸ਼ ਕੌਂਸਲ) ਕੈਂਪ ਵਿਚ ਇਕੱਠੇ ਹੋਏ ਸਨ।
ਇਨ੍ਹਾਂ ਵਿਦਵਾਨਾਂ ਨੇ ਸ਼ਾਂਤੀ ਬਹਾਲ ਕਰਨ ਨੂੰ ਲੈ ਕੇ ਤਾਲੀਬਾਨ ਅੱਤਵਾਦੀਆਂ ਅਤੇ ਵਿਦੇਸ਼ੀ ਜਵਾਨਾਂ ਨੂੰ ਜਾਣ ਦੀ ਇਜਾਜ਼ਤ ਦੇਣ ਨੂੰ ਲੈ ਕੇ ਇਕ ਫਤਵਾ ਜਾਰੀ ਕੀਤਾ ਅਤੇ ਆਤਮਘਾਤੀ ਹਮਲਿਆਂ ਦੀ ਨਿੰਦਿਆ ਕੀਤੀ। ਅਮਰੀਕਾ ਹਮਾਇਤੀ ਜਵਾਨਾਂ ਵਲੋਂ 2001 ਵਿਚ ਤਾਲੀਬਾਨ ਨੂੰ ਸੱਤਾ ਤੋਂ ਲਾਂਬੇ ਕੀਤੇ ਜਾਣ ਤੋਂ ਬਾਅਦ ਇਹ ਸੰਗਠਨ ਫਿਰ ਤੋਂ ਦੇਸ਼ ਵਿਚ ਇਸਲਾਮਿਕ ਸ਼ਾਸਨ ਸਥਾਪਿਤ ਕਰਨ ਦੀ ਕੋਸ਼ਿਸ਼ ਵਿਚ ਹੈ। ਕਾਬੁਲ ਵਿਚ ਹਾਲ ਦੇ ਮਹੀਨਿਆਂ ਵਿਚ ਬੰਬ ਧਮਾਕਿਆਂ ਦੀਆਂ ਕਈ ਘਟਨਾਵਾਂ ਵਾਪਰ ਚੁੱਕੀਆਂ ਹਨ, ਜਿਸ ਵਿਚ ਕਈ ਲੋਕ ਮਾਰੇ ਜਾ ਚੁੱਕੇ ਹਨ ਅਤੇ ਮੁਸਲਮਾਨਾਂ ਦੇ ਪਵਿੱਤਰ ਰਮਜ਼ਾਨ ਦੌਰਾਨ ਵੀ ਅਜਿਹੀਆਂ ਘਟਨਾਵਾਂ ਤੋਂ ਮੁਕਤੀ ਦੇ ਆਸਾਰ ਨਜ਼ਰ ਨਹੀਂ ਆ ਰਹੇ ਹਨ।
ਬਾਰਿਸ਼ ਦੇ ਮੌਸਮ 'ਚ ਆਪਣੇ ਹੀਰੋ ਈਸ਼ਾਨ ਨੂੰ ਮਿਲਣ ਪਹੁੰਚੀ ਜਾਨਹਵੀ ਕਪੂਰ
NEXT STORY 
