ਖਾਲੜਾ, ਭਿੱਖੀਵਿੰਡ (ਭਾਟੀਆ, ਬਖਤਾਵਰ, ਲਾਲੂ ਘੁੰਮਣ) : ਥਾਣਾ ਖਾਲੜਾ ਦੀ ਪੁਲਸ ਨੇ ਵੱਡੀ ਸਫਲਤਾ ਹਾਸਲ ਕਰਦਿਆ ਪਿਛਲੇ ਦਿਨੀਂ ਇਕ ਜੈਨ ਕਾਰ ਵਿਚੋਂ ਬਰਾਮਦ ਹੋਈਆਂ ਭਾਰੀ ਮਾਤਰਾ ਵਿਚ ਨਸ਼ੀਲੀਆ ਗੋਲੀਆ, ਨਸ਼ੀਲੇ ਕੈਪਸੂਲ ਆਦਿ ਨਸ਼ੀਲੇ ਪਦਾਰਥਾ ਸਮੇਤ ਕਾਬੂ ਕੀਤੇ ਵਿਅਕਤੀ ਗੁਰਨਾਮ ਸਿੰਘ ਦੇ ਭਰਾ ਰਛਪਾਲ ਸਿੰਘ ਨੂੰ ਕਾਬੂ ਕਰਕੇ ਉਸਦੇ ਮੈਡੀਕਲ ਸਟੋਰ ਵਿਚੋਂ ਵੱਡੀ ਗਿਣਤੀ ਵਿਚ ਨਸ਼ੀਲੀਆਂ ਗੋਲੀਆਂ ਬਰਾਮਦ ਕਰਨ ਵਿਚ ਸਫਲਤਾ ਹਾਸਲ ਕੀਤੀ ਹੈ । ਇਸ ਸਬੰਧੀ ਥਾਣਾ ਮੁਖੀ ਗੁਰਚਰਨ ਸਿੰਘ ਨੇ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਮਿਤੀ 9 ਮਾਰਚ 2018 ਨੂੰ ਪੁਲਸ ਪਾਰਟੀ ਨੇ ਖਾਲੜਾ ਤੋਂ ਨਾਰਲੀ ਨੂੰ ਜਾਂਦੀ ਨਹਿਰ ਦੀ ਪੱਟੜੀ ਤੋਂ ਇਕ ਜੈਨ ਕਾਰ ਨੂੰ ਰੋਕ ਕੇ ਗੁਰਨਾਮ ਸਿੰਘ ਨੂੰ ਕਾਬੂ ਕਰਕੇ ਹਜ਼ਾਰਾਂ ਦੀ ਗਿਣਤੀ ਵਿਚ ਨਸ਼ੀਲੀਆਂ ਗੋਲੀਆਂ, ਕੈਪਸੂਲ ਬਰਾਮਦ ਕੀਤੇ ਸਨ ਜਦ ਕਿ ਉਸਦਾ ਸਾਥੀ ਉਸਦਾ ਭਰਾ ਰਛਪਾਲ ਸਿੰਘ ਪੁੱਤਰ ਮੁਖਤਾਰ ਸਿੰਘ ਵਾਸੀ ਤਾਰਾ ਸਿੰਘ ਮੌਕੇ ਤੋਂ ਭੱਜਣ ਵਿਚ ਸਫਲ ਹੋ ਗਿਆ ਸੀ। ਪੁਲਸ ਨੇ ਉਕਤ ਵਿਅਕਤੀ ਵੱਲੋਂ ਚਲਾਇਆ ਜਾ ਰਿਹਾ ਬੁੱਟਰ ਮੈਡੀਕਲ ਸਟੋਰ ਵਾਂ ਤਾਰਾ ਸਿੰਘ ਭਾਰੀ ਰਿਕਵਰੀ ਹੋਣ ਕਰਕੇ ਉਕਤ ਮੁਕੱਦਮੇ ਦੇ ਸਾਬੰਧ ਵਿਚ ਗੁਰਨਾਮ ਸਿੰਘ ਦੀ ਹਾਜ਼ਰੀ ਵਿਚ ਸੀਲ ਕਰ ਦਿੱਤਾ ਸੀ। ਇਸ ਸਾਬੰਧੀ ਮਿਤੀ 20 ਮਾਰਚ 2018 ਨੂੰ ਜ਼ਿਲਾ ਤਰਨਤਾਰਨ ਦੇ ਡਰੱਗ ਇੰਸਪੈਕਟਰ ਗੁਰਪ੍ਰੀਤ ਸਿੰਘ ਸੋਡੀ ਨੂੰ ਪੁਲਸ ਟੀਮ ਬੁੱਟਰ ਮੈਡੀਕਲ ਸਟੋਰ ਵਾਂ ਤਾਰਾ ਸਿੰਘ ਵਿਖੇ ਲੈ ਕੇ ਪੁੱਜੀ, ਜਿਥੇ ਰਛਪਾਲ ਸਿੰਘ ਦੇ ਘਰੋ ਕਿਸੇ ਵਿਅਕਤੀ ਨੂੰ ਬਲਾਉਣ ਲਈ ਸਨੇਹਾ ਭੇਜਿਆ ਗਿਆ, ਜਿਸ ਤੇ ਰਛਪਾਲ ਸਿੰਘ ਦੇ ਚਾਚੇ ਦਾ ਲੜਕਾ ਸਲੱਖਣ ਸਿੰਘ ਪੁੱਤਰ ਬਲਕਾਰ ਸਿੰਘ ਅਤੇ ਰਣਜੀਤ ਸਿੰਘ ਪੁੱਤਰ ਗੁਰਬਚਨ ਸਿੰਘ ਦੇ ਪੁੱਜਣ 'ਤੇ ਬੁੱਟਰ ਮੈਡੀਕਲ ਸਟੋਰ ਨੂੰ ਚੈੱਕ ਕੀਤਾ ਗਿਆ। ਚੈਕਿੰਗ ਦੌਰਾਨ ਮੈਡੀਕਲ ਸਟੋਰ ਦੇ ਕਾਊਟਰ ਵਿਚਲੇ ਦਰਾਜ ਵਿਚੋਂ ਡਰੱਗ ਇੰਸਪੈਕਟਰ ਵਲੋਂ 7 ਪੈਕਟਾਂ ਦੀ ਲੜੀ ਮੈਈਕਰੋਲਿਟ ਗੋਲੀਆਂ ਬਰਾਮਦ ਹੋਈਆਂ । 100, 100 ਗੋਲੀਆਂ ਦੇ ਹਰੇਕ ਪੈਕਟ ਤੇ ਬੈਚ ਨੰਬਰ ਬੀ. ਟੀ 1408014 ਅੰਕਤ ਸੀ। ਰਛਪਾਲ ਸਿੰਘ ਵਲੋਂ ਆਪਣੀ ਦੁਕਾਨ ਅੰਦਰ ਇਹ ਨਸ਼ੀਲੀਆਂ ਗੋਲੀਆਂ ਰੱਖ ਕੇ ਕੀਤੇ ਜੁਰਮ ਦੇ ਅਧਾਰ 'ਤੇ ਮੁਕੱਦਮਾ ਨੰਬਰ 13 ਅਧੀਨ ਧਾਰਾ ਐੱਨ. ਡੀ. ਪੀ. ਐੱਸ ਐਕਟ ਅਧੀਨ ਦਰਜ ਕੀਤਾ ਗਿਆ ਸੀ । ਦੋਹਾਂ ਮਾਮਲਿਆਂ ਦੇ ਸਾਬਮਧ ਵਿਚ ਲੋੜੀਂਦੇ ਰਛਪਾਲ ਸਿੰਘ ਪੁੱਤਰ ਮੁਖਤਿਆਰ ਸਿੰਘ ਨੂੰ ਥਾਣਾ ਖਾਲੜਾ ਦੀ ਪੁਲਸ ਨੇ ਕਾਬੂ ਕਰ ਲਿਆ ਹੈ, ਜਿਸ ਨੂੰ ਅਦਾਲਤ 'ਚ ਪੇਸ਼ ਕਰਕੇ ਰੀਮਾਡ ਹਾਸਲ ਕੀਤਾ ਜਾਵੇਗਾ, ਜਿਸ ਨਾਲ ਕਿ ਕਈ ਹੋਰ ਅਹਿਮ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ।
ਸੁਖਪਾਲ ਸਿੰਘ ਭੁੱਲਰ ਦੀ AICC ਮੈਂਬਰ ਵਜੋਂ ਨਿਯੁਕਤੀ ਨਾਲ ਪਾਰਟੀ ਹੋਵੇਗੀ ਮਜਬੂਤ : ਉਧੋਕੇ, ਕਾਜੀਚੱਕ, ਡਲੀਰੀ
NEXT STORY