ਨੈਸ਼ਨਲ ਡੈਸਕ : ਕੇਂਦਰ ਸਰਕਾਰ ਦੀ ਪ੍ਰਧਾਨ ਮੰਤਰੀ ਆਵਾਸ ਯੋਜਨਾ-ਸ਼ਹਿਰੀ (PMAY-U) 2.0 ਦੇ ਤਹਿਤ 1 ਕਰੋੜ ਨਵੇਂ ਸ਼ਹਿਰੀ ਪਰਿਵਾਰਾਂ ਨੂੰ ਪੱਕਾ ਘਰ ਮੁਹੱਈਆ ਕਰਵਾਉਣ ਦੀ ਵੱਡੀ ਤਿਆਰੀ ਕੀਤੀ ਗਈ ਹੈ। ਇਸ ਯੋਜਨਾ ਦਾ ਮੁੱਖ ਉਦੇਸ਼ ਉਨ੍ਹਾਂ ਆਰਥਿਕ ਤੌਰ 'ਤੇ ਕਮਜ਼ੋਰ ਅਤੇ ਮੱਧ ਵਰਗੀ ਪਰਿਵਾਰਾਂ ਦੀ ਮਦਦ ਕਰਨਾ ਹੈ ਜੋ ਅਜੇ ਵੀ ਕਿਰਾਏ ਦੇ ਮਕਾਨਾਂ 'ਚ ਰਹਿ ਰਹੇ ਹਨ। ਆਵਾਸ ਤੇ ਸ਼ਹਿਰੀ ਕਾਰਜ ਮੰਤਰਾਲੇ ਨੇ ਇਸ ਸਬੰਧੀ ਜਾਣਕਾਰੀ ਸਾਂਝੀ ਕਰਦਿਆਂ ਲੋਕਾਂ ਨੂੰ ਜਲਦੀ ਅਪਲਾਈ ਕਰਨ ਦੀ ਅਪੀਲ ਕੀਤੀ ਹੈ।
ਅਪਲਾਈ ਕਰਨ ਦਾ ਤਰੀਕਾ
ਇਸ ਯੋਜਨਾ ਦਾ ਲਾਭ ਉਹ ਸ਼ਹਿਰੀ ਪਰਿਵਾਰ ਉਠਾ ਸਕਦੇ ਹਨ, ਜਿਨ੍ਹਾਂ ਕੋਲ ਆਪਣਾ ਕੋਈ ਪੱਕਾ ਮਕਾਨ ਨਹੀਂ ਹੈ। ਯੋਜਨਾ ਵਿੱਚ ਆਰਥਿਕ ਤੌਰ 'ਤੇ ਕਮਜ਼ੋਰ ਵਰਗ (EWS) ਅਤੇ ਘੱਟ ਆਮਦਨ ਵਰਗ (LIG) ਨੂੰ ਪਹਿਲ ਦਿੱਤੀ ਗਈ ਹੈ। ਬਿਨੈਕਾਰ ਦੋ ਤਰੀਕਿਆਂ ਨਾਲ ਅਪਲਾਈ ਕਰ ਸਕਦੇ ਹਨ: ਪਹਿਲਾ, ਅਧਿਕਾਰਤ ਪੋਰਟਲ pmay-urban.gov.in 'ਤੇ ਜਾ ਕੇ ਅਤੇ ਦੂਜਾ, ਵਿਭਾਗ ਵੱਲੋਂ ਜਾਰੀ QR ਕੋਡ ਨੂੰ ਸਕੈਨ ਕਰਕੇ। ਜੇਕਰ ਕਿਸੇ ਨੂੰ ਅਪਲਾਈ ਕਰਨ ਵਿੱਚ ਮੁਸ਼ਕਲ ਆਉਂਦੀ ਹੈ, ਤਾਂ ਉਹ ਆਪਣੇ ਇਲਾਕੇ ਦੀ ਸ਼ਹਿਰੀ ਸਥਾਨਕ ਇਕਾਈ (ULB) ਜਾਂ ਸਬੰਧਤ ਦਫ਼ਤਰ ਤੋਂ ਮਦਦ ਲੈ ਸਕਦੇ ਹਨ।
ਯੋਜਨਾ ਦੇ ਚਾਰ ਮੁੱਖ ਹਿੱਸੇ ਤੇ ਵਿੱਤੀ ਸਹਾਇਤਾ
ਇਹ ਯੋਜਨਾ ਚਾਰ ਵੱਖ-ਵੱਖ ਮਾਡਲਾਂ ਰਾਹੀਂ ਲਾਭਪਾਤਰੀਆਂ ਨੂੰ ਸਹਾਇਤਾ ਪ੍ਰਦਾਨ ਕਰਦੀ ਹੈ:
•ਲਾਭਪਾਤਰੀ ਅਧਾਰਤ ਨਿਰਮਾਣ (BLC): ਜਿਨ੍ਹਾਂ EWS ਪਰਿਵਾਰਾਂ ਦੀ ਸਾਲਾਨਾ ਆਮਦਨ 3 ਲੱਖ ਰੁਪਏ ਤੱਕ ਹੈ, ਉਨ੍ਹਾਂ ਨੂੰ ਆਪਣੀ ਜ਼ਮੀਨ 'ਤੇ ਨਵਾਂ ਪੱਕਾ ਘਰ ਬਣਾਉਣ ਲਈ 2.5 ਲੱਖ ਰੁਪਏ ਤੱਕ ਦੀ ਵਿੱਤੀ ਮਦਦ ਦਿੱਤੀ ਜਾਵੇਗੀ।
•ਭਾਗੀਦਾਰੀ ਵਿੱਚ ਕਿਫਾਇਤੀ ਆਵਾਸ (AHP): ਸਰਕਾਰੀ ਜਾਂ ਨਿੱਜੀ ਏਜੰਸੀਆਂ ਵੱਲੋਂ ਬਣਾਏ ਗਏ ਘਰਾਂ ਨੂੰ ਖਰੀਦਣ ਲਈ EWS ਸ਼੍ਰੇਣੀ ਦੇ ਲਾਭਪਾਤਰੀਆਂ ਨੂੰ 2.5 ਲੱਖ ਰੁਪਏ ਤੱਕ ਦੀ ਸਹਾਇਤਾ ਮਿਲੇਗੀ।
•ਕਿਫਾਇਤੀ ਕਿਰਾਏ ਦੇ ਮਕਾਨ (ARH): ਇਹ ਸੁਵਿਧਾ ਉਨ੍ਹਾਂ ਸ਼ਹਿਰੀ ਪ੍ਰਵਾਸੀਆਂ, ਰੇਹੜੀ-ਫੜੀ ਵਾਲਿਆਂ ਅਤੇ ਮਜ਼ਦੂਰਾਂ ਲਈ ਹੈ ਜੋ ਮਕਾਨ ਖਰੀਦਣ ਦੀ ਸਮਰੱਥਾ ਨਹੀਂ ਰੱਖਦੇ ਪਰ ਸਸਤੇ ਕਿਰਾਏ 'ਤੇ ਰਹਿਣਾ ਚਾਹੁੰਦੇ ਹਨ। ਇਸ ਵਿੱਚ EWS (3 ਲੱਖ ਤੱਕ ਆਮਦਨ) ਅਤੇ LIG (6 ਲੱਖ ਤੱਕ ਆਮਦਨ) ਪਰਿਵਾਰ ਲਾਭ ਲੈ ਸਕਦੇ ਹਨ।
•ਵਿਆਜ ਸਬਸਿਡੀ ਯੋਜਨਾ (ISS): EWS, LIG ਅਤੇ 9 ਲੱਖ ਰੁਪਏ ਤੱਕ ਦੀ ਆਮਦਨ ਵਾਲੇ ਮੱਧ ਆਮਦਨ ਵਰਗ (MIG) ਦੇ ਪਰਿਵਾਰਾਂ ਨੂੰ ਘਰ ਬਣਾਉਣ ਜਾਂ ਖਰੀਦਣ ਲਈ ਲਏ ਗਏ ਹੋਮ ਲੋਨ 'ਤੇ ਸਬਸਿਡੀ ਦਿੱਤੀ ਜਾਵੇਗੀ। ਇਹ ਸਹੂਲਤ 1 ਸਤੰਬਰ 2024 ਜਾਂ ਉਸ ਤੋਂ ਬਾਅਦ ਮਨਜ਼ੂਰ ਹੋਏ ਕਰਜ਼ਿਆਂ 'ਤੇ ਲਾਗੂ ਹੋਵੇਗੀ।
ਲੋੜੀਂਦੇ ਦਸਤਾਵੇਜ਼
ਅਪਲਾਈ ਕਰਨ ਲਈ ਬਿਨੈਕਾਰ ਕੋਲ ਆਪਣਾ ਅਤੇ ਪਰਿਵਾਰਕ ਮੈਂਬਰਾਂ ਦਾ ਆਧਾਰ ਵੇਰਵਾ, ਇੱਕ ਚਾਲੂ ਬੈਂਕ ਖਾਤਾ, ਆਮਦਨ ਦਾ ਸਬੂਤ ਅਤੇ ਜ਼ਮੀਨ ਦੇ ਦਸਤਾਵੇਜ਼ ਹੋਣੇ ਲਾਜ਼ਮੀ ਹਨ।
ਜ਼ਰੂਰੀ ਨੋਟ:
ਨਾਗਰਿਕਾਂ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਉਹ ਕਿਸੇ ਇੱਕ ਹਿੱਸੇ (Component) ਦੀ ਚੋਣ ਕਰਨ ਤੋਂ ਪਹਿਲਾਂ ਸਾਰੇ ਵੇਰਵੇ ਧਿਆਨ ਨਾਲ ਪੜ੍ਹ ਲੈਣ, ਕਿਉਂਕਿ ਬਾਅਦ ਵਿੱਚ ਇਸ ਨੂੰ ਬਦਲਿਆ ਨਹੀਂ ਜਾ ਸਕਦਾ। ਇਹ ਵੀ ਸਪੱਸ਼ਟ ਕੀਤਾ ਗਿਆ ਹੈ ਕਿ ਸਿਰਫ਼ ਅਰਜ਼ੀ ਭਰਨ ਨਾਲ ਘਰ ਦਾ ਅਧਿਕਾਰ ਨਹੀਂ ਮਿਲ ਜਾਂਦਾ, ਜਦੋਂ ਤੱਕ ਕਿ ਸਬੰਧਤ ਅਧਿਕਾਰੀਆਂ ਵੱਲੋਂ ਪਾਤਰਤਾ ਦੀ ਪੁਸ਼ਟੀ ਨਹੀਂ ਕੀਤੀ ਜਾਂਦੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
BJP ਛੱਡਣ ਮਗਰੋਂ ਕੇ. ਅੰਨਾਮਲਾਈ ਦਾ ਵੱਡਾ ਧਮਾਕਾ: 'We The Leader' ਨਾਂ ਤੋਂ ਸ਼ੁਰੂ ਕਰਨਗੇ ਨਵੀਂ ਪਾਰਟੀ
NEXT STORY 
