ਨਵੀਂ ਦਿੱਲੀ (ਭਾਸ਼ਾ)— ਦੇਸ਼ ਦੇ ਸਾਰੇ ਪਿੰਡਾਂ ਤਕ ਬਿਜਲੀ ਜ਼ਰੂਰ ਪਹੁੰਚਾ ਦਿੱਤੀ ਗਈ ਹੋਵੇ ਪਰ ਭਾਰਤ ਦੇ ਕਰੀਬ 37 ਫੀਸਦੀ ਸਕੂਲਾਂ ਵਿਚ ਅਜੇ ਵੀ ਬਿਜਲੀ ਉਪਲੱਬਧ ਨਹੀਂ ਹੈ। ਇੰਟੀਗ੍ਰੇਟਿਡ ਜ਼ਿਲਾ ਸਿੱਖਿਆ ਸਿਸਟਮ ਸੂਚਨਾ 2017-18 ਦੀ ਰਿਪੋਰਟ ਮੁਤਾਬਕ ਦੇਸ਼ ਦੇ ਸਿਰਫ 63.14 ਸਕੂਲਾਂ 'ਚ ਬਿਜਲੀ ਮੌਜੂਦ ਸੀ, ਜਦਕਿ ਬਚੇ ਸਕੂਲਾਂ 'ਚ ਬਿਜਲੀ ਨਹੀਂ ਸੀ। ਇਸ ਵਿਸ਼ੇ 'ਤੇ ਮਨੁੱਖੀ ਸਾਧਨ ਵਿਕਾਸ ਮੰਤਰੀ ਰਮੇਸ਼ ਪੋਖਰਿਆਲ ਨਿਸ਼ੰਕ ਦਾ ਕਹਿਣਾ ਹੈ ਕਿ 'ਦੀਨ ਦਿਆਲ ਉਪਾਧਿਆਏ ਗ੍ਰਾਮ ਜੋਤੀ ਯੋਜਨਾ' ਤਹਿਤ ਪਿੰਡਾਂ/ਖੇਤਰਾਂ ਵਿਚ ਬਿਜਲੀ ਪਹੁੰਚਾਈ ਜਾਂਦੀ ਹੈ। ਅਜਿਹੇ ਸਕੂਲ ਜਿਨ੍ਹਾਂ ਨੂੰ ਬਿਜਲੀ ਕਨੈਕਸ਼ਨ ਦੀ ਲੋੜ ਹੈ, ਉਹ ਸੂਬੇ ਬਿਜਲੀ ਉਪਯੋਗਤਾ ਨਾਲ ਸੰਪਰਕ ਕਰ ਸਕਦੇ ਹਨ।
ਰਿਪੋਰਟ ਮੁਤਾਬਕ ਆਸਾਮ ਵਿਚ 24.28 ਫੀਸਦੀ ਸਕੂਲਾਂ 'ਚ ਬਿਜਲੀ ਹੈ, ਜਦਕਿ ਮੇਘਾਲਿਆ ਦੇ 26.34 ਫੀਸਦੀ, ਬਿਹਾਰ ਵਿਚ 45.82 ਫੀਸਦੀ, ਮੱਧ ਪ੍ਰਦੇਸ਼ 32.85 ਫੀਸਦੀ, ਮਣੀਪੁਰ 42.08 ਫੀਸਦੀ, ਓਡੀਸ਼ਾ 36.05 ਫੀਸਦੀ ਅਤੇ ਤ੍ਰਿਪੁਰਾ 31.11 ਫੀਸਦੀ ਸਕੂਲਾਂ ਵਿਚ ਬਿਜਲੀ ਕਨੈਕਸ਼ਨ ਹੈ। ਹਾਲਾਂਕਿ ਲਕਸ਼ਦੀਪ, ਚੰਡੀਗੜ੍ਹ ਅਤੇ ਦਾਦਰਾ-ਨਗਰ ਹਵੇਲੀ ਦੇ ਸਾਰੇ ਸਕੂਲਾਂ 'ਚ ਬਿਜਲੀ ਹੈ, ਜਦਕਿ ਦਿੱਲੀ 'ਚ 99.93 ਫੀਸਦੀ ਸਕੂਲਾਂ ਵਿਚ ਬਿਜਲੀ ਹੈ। ਆਂਧਰਾ ਪ੍ਰਦੇਸ਼ 'ਚ 92.8 ਫੀਸਦੀ, ਛੱਤੀਸਗੜ੍ਹ 'ਚ 70.38 ਫੀਸਦੀ, ਗੋਆ 'ਚ 99.54 ਫੀਸਦੀ, ਗੁਜਰਾਤ 'ਚ 99.91 ਫੀਸਦੀ, ਹਿਮਾਚਲ ਪ੍ਰਦੇਸ਼ 'ਚ 92.09 ਫੀਸਦੀ, ਕੇਰਲ 'ਚ 96.91 ਫੀਸਦੀ ਸਕੂਲਾਂ ਵਿਚ ਬਿਜਲੀ ਕਨੈਕਸ਼ਨ ਹਨ। ਰਿਪੋਰਟ ਮੁਤਾਬਕ ਮਹਾਰਾਸ਼ਟਰ 'ਚ 85. 83 ਫੀਸਦੀ ਸਕੂਲਾਂ 'ਚ ਬਿਜਲੀ ਕਨੈਕਸ਼ਨ ਹੈ, ਜਦਕਿ ਝਾਰਖੰਡ 'ਚ 47.46 ਫੀਸਦੀ, ਜੰਮੂ-ਕਸ਼ਮੀਰ 'ਚ 36.63, ਪੰਜਾਬ 'ਚ 99.95, ਰਾਜਸਥਾਨ 'ਚ 64.02, ਤਾਮਿਲਨਾਡੂ 'ਚ 99.55, ਤੇਲੰਗਾਨਾ 'ਚ 89.89, ਉੱਤਰ ਪ੍ਰਦੇਸ਼ 'ਚ 44.76, ਉੱਤਰਾਖੰਡ 'ਚ 75.28 ਅਤੇ ਪੱਛਮੀ ਬੰਗਾਲ 'ਚ 85.59 ਫੀਸਦੀ ਸਕੂਲਾਂ 'ਚ ਬਿਜਲੀ ਕਨੈਕਸ਼ਨ ਹੈ।
ਸਿੱਧੂ ਦੇ ਅਸਤੀਫੇ 'ਤੇ ਮਨਜਿੰਦਰ ਸਿੰਘ ਸਿਰਸਾ ਨੇ ਚੁੱਕੇ ਸਵਾਲ (ਵੀਡੀਓ)
NEXT STORY 
