ਨਵੀਂ ਦਿੱਲੀ - ਇਨ੍ਹੀਂ ਦਿਨੀਂ ਪੂਰੀ ਅਯੁੱਧਿਆ ਰਾਮ ਭਗਤਾਂ ਨਾਲ ਭਰੀ ਹੋਈ ਹੈ। ਇਥੇ ਰਾਮ ਭਗਤਾਂ ਦੀ ਰਿਹਾਇਸ਼ ਅਤੇ ਖਾਣ-ਪੀਣ ਤੋਂ ਲੈ ਕੇ ਸੁਰੱਖਿਆ ਤੱਕ ਦਾ ਖੁੱਲ੍ਹਾ ਇੰਤਜ਼ਾਮ ਹੈ। ਅਯੁੱਧਿਆ ਵਿਚ ਰਾਮ ਭਗਤਾਂ ਲਈ 500 ਤੋਂ ਵੱਧ ਛੋਟੀਆਂ-ਵੱਡੀਆਂ ਰਸੋਈਆਂ ਚੱਲ ਰਹੀਆਂ ਹਨ। ਇਨ੍ਹਾਂ ਰਸੋਈਆਂ ਵਿੱਚ ਹਰ ਰੋਜ਼ 2 ਲੱਖ ਤੋਂ ਵੱਧ ਸ਼ਰਧਾਲੂਆਂ ਲਈ ਭੋਜਨ ਤਿਆਰ ਹੋ ਰਿਹਾ ਹੈ। ਮਾਤਾ ਸੀਤਾ ਦੀ ਰਸੋਈ ਭੋਜਨ ਦੀ ਗੁਣਵੱਤਾ ਅਤੇ ਸੁਆਦ ਲਈ ਜਾਣੀ ਜਾਂਦੀ ਹੈ। ਅਯੁੱਧਿਆ 'ਚ ਚੱਲ ਰਹੀਆਂ ਇਨ੍ਹਾਂ ਰਸੋਈਆਂ 'ਚ ਸ਼ਰਧਾਲੂਆਂ ਲਈ 500 ਤੋਂ ਵੱਧ ਪਕਵਾਨ ਉਪਲਬਧ ਹਨ। ਪੰਜਾਬ ਦੇ ਅੰਮ੍ਰਿਤਸਰੀ ਕੁਲਚੇ, ਛੋਲੇ ਭਟੂਰੇ, ਰਾਜਮਾ ਚੌਲਾਂ ਤੋਂ ਲੈ ਕੇ ਦੱਖਣ ਦੀ ਇਡਲੀ, ਡੋਸਾ, ਉਤਪਮ ਤੱਕ ਸ਼ਰਧਾਲੂਆਂ ਲਈ ਬਣਾਏ ਜਾ ਰਹੇ ਹਨ।
ਇਹ ਵੀ ਪੜ੍ਹੋ : ਅਡਾਨੀ-ਅੰਬਾਨੀ ਨਹੀਂ ਇਸ 'ਰਾਮ ਭਗਤ' ਨੇ ਦਿੱਤੀ ਮੰਦਿਰ ਲਈ ਹੁਣ ਤੱਕ ਦੀ ਸਭ ਤੋਂ ਵੱਡੀ ਦਾਨ ਭੇਟਾ
ਟਰੱਸਟ ਪ੍ਰਾਣ ਪ੍ਰਤਿਸ਼ਠਾ ਤੋਂ ਬਾਅਦ ਵੀ ਹਰ ਰੋਜ਼ 2 ਲੱਖ ਤੋਂ ਵੱਧ ਸ਼ਰਧਾਲੂਆਂ ਨੂੰ ਭੋਜਨ ਛਕਾਉਣ ਦੀ ਤਿਆਰੀ ਕਰ ਰਿਹਾ ਹੈ। ਇਹ ਸਿਲਸਿਲਾ 31 ਮਾਰਚ ਤੱਕ ਜਾਰੀ ਰਹਿਣ ਵਾਲਾ ਹੈ। ਟਰੱਸਟ ਨਾਲ ਜੁੜੇ ਲੋਕਾਂ ਦਾ ਕਹਿਣਾ ਹੈ ਕਿ ਇਸ ਤੋਂ ਬਾਅਦ ਵੀ ਭੰਡਾਰੇ ਜਾਰੀ ਰਹਿਣਗੇ। ਇੱਥੇ 5 ਹਜ਼ਾਰ ਤੋਂ ਵੱਧ ਕਾਰੀਗਰ ਸੇਵਾ ਕਰ ਰਹੇ ਹਨ।
ਲਗਭਗ 20 ਸਾਲਾਂ ਤੋਂ ਅਮਰਨਾਥ ਯਾਤਰਾ 'ਤੇ ਭੰਡਾਰਾ ਲਗਾਉਣ ਦੀ ਸੇਵਾ ਕਰ ਰਹੇ ਇਕ ਕਾਰੀਗਰ ਨੇ ਦੱਸਿਆ ਕਿ ਸਾਡੇ ਨਾਲ 40 ਲੋਕਾਂ ਦੀ ਟੀਮ ਆਈ ਹੈ। ਅਸੀਂ ਹਰ ਦੋ ਘੰਟਿਆਂ ਵਿੱਚ ਮੀਨੂ ਬਦਲਦੇ ਹਾਂ।
ਇਹ ਵੀ ਪੜ੍ਹੋ : ਸਦੀਆਂ ਤੱਕ ਇੰਝ ਹੀ ਖੜ੍ਹਾ ਰਹੇਗਾ ਭਗਵਾਨ ਸ਼੍ਰੀ ਰਾਮ ਦਾ ਇਹ ਮੰਦਰ, ਨਹੀਂ ਹੋਵੇਗਾ ਭੂਚਾਲ ਦਾ ਅਸਰ
ਦੇਸ਼ ਭਰ ਸ਼ਰਧਾਲੂ ਭੇਜ ਰਹੇ ਰਸਦ
ਦੇਸ਼ ਭਰ ਤੋਂ ਲੋਕ ਆਟਾ, ਚਾਵਲ, ਦਾਲਾਂ, ਸਬਜ਼ੀਆਂ, ਫਲ, ਪਾਣੀ, ਮਸਾਲੇ ਅਤੇ ਇੱਥੋਂ ਤੱਕ ਕਿ ਘਿਓ ਵੀ ਪਹੁੰਚਾ ਰਹੇ ਹਨ। ਰਾਮ ਭਗਤਾਂ ਨੇ ਗੋਆ ਤੋਂ ਮਸਾਲੇ ਭੇਜੇ ਹਨ। ਚਾਹ ਆਸਾਮ ਤੋਂ ਆਈ ਹੈ। ਕਸ਼ਮੀਰ ਦੇ ਮੁਸਲਿਮ ਭਾਈਚਾਰੇ ਨੇ ਦੋ ਕਿੱਲੋ ਵਧੀਆ ਕਿਸਮ ਦਾ ਕੇਸਰ ਭੇਜਿਆ ਹੈ। ਟਰੱਸਟ ਦੇ ਗੋਦਾਮ 'ਚ 10 ਕਿਲੋ ਤੋਂ ਜ਼ਿਆਦਾ ਕੇਸਰ ਪਿਆ ਹੈ। ਪਿਛਲੇ ਕੁਝ ਦਿਨਾਂ ਤੋਂ ਦੇਸ਼ ਭਰ ਤੋਂ ਹਰ ਰੋਜ਼ ਔਸਤਨ 50 ਟਰੱਕ ਸਮੱਗਰੀ ਲੈ ਕੇ ਆ ਰਹੇ ਹਨ। 40 ਦਿਨਾਂ ਵਿੱਚ ਛੱਤੀਸਗੜ੍ਹ ਦੇ ਕਿਸਾਨਾਂ ਨੇ ਸਬਜ਼ੀਆਂ ਦੇ 200 ਤੋਂ ਵੱਧ ਟਰੱਕ ਭੇਜੇ ਹਨ। ਪੱਛਮੀ ਯੂਪੀ ਤੋਂ ਖੰਡ ਅਤੇ ਗੁੜ ਦੇ ਟਰੱਕ ਆਏ ਹਨ। ਟਰੱਸਟ ਨੇ ਦੱਸਿਆ ਕਿ ਰਸਦ ਰੱਖਣ ਲਈ ਬਣਾਇਆ ਸਟੋਰ ਹੁਣ ਭਰਦਾ ਜਾ ਰਿਹਾ ਹੈ।
SBI ਦੀ ਰਿਪੋਰਟ
ਪ੍ਰਾਣ ਪ੍ਰਤਿਸ਼ਠਾ ਤੋਂ ਬਾਅਦ ਵੱਡੀ ਗਿਣਤੀ 'ਚ ਸ਼ਰਧਾਲੂਆਂ ਦੇ ਅਯੁੱਧਿਆ ਪਹੁੰਚਣ ਦੀ ਉਮੀਦ ਹੈ। ਐਸਬੀਆਈ ਦੀ ਖੋਜ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਰਾਮ ਮੰਦਰ ਅਤੇ ਹੋਰ ਕਦਮਾਂ ਨਾਲ ਵਿੱਤੀ ਸਾਲ 2025 ਵਿੱਚ ਸੂਬੇ ਨੂੰ 25,000 ਕਰੋੜ ਰੁਪਏ ਮਿਲਣਗੇ। ਵਾਧੂ ਕਮਾਈ ਰੁਪਏ ਹੋਣ ਦਾ ਅਨੁਮਾਨ ਹੈ। 2022 ਵਿੱਚ ਯੂਪੀ ਦੇ ਅਯੁੱਧਿਆ ਵਿੱਚ 32 ਕਰੋੜ ਘਰੇਲੂ ਸੈਲਾਨੀ ਆਏ, ਜੋ ਕਿ 2021 ਦੇ ਮੁਕਾਬਲੇ ਲਗਭਗ 200% ਵੱਧ ਹੈ।
ਇਹ ਵੀ ਪੜ੍ਹੋ : ਖਾਲਿਸਤਾਨੀ ਅੱਤਵਾਦੀ ਪੰਨੂ ਦੇ 3 ਸਾਥੀ ਗ੍ਰਿਫਤਾਰ, ਪੰਜਾਬ ਦੇ CM ਨੂੰ ਜਾਨੋਂ ਮਾਰਨ ਦੀ ਦਿੱਤੀ ਸੀ ਧਮਕੀ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਸਦੀਆਂ ਤੱਕ ਇੰਝ ਹੀ ਖੜ੍ਹਾ ਰਹੇਗਾ ਭਗਵਾਨ ਸ਼੍ਰੀ ਰਾਮ ਦਾ ਇਹ ਮੰਦਰ, ਨਹੀਂ ਹੋਵੇਗਾ ਭੂਚਾਲ ਦਾ ਅਸਰ
NEXT STORY 
