ਪਿਥੌਰਾਗੜ੍ਹ (ਏਜੰਸੀ)- ਉਤਰਾਖੰਡ ਦੇ ਪਿਥੌਰਾਗੜ੍ਹ ਜ਼ਿਲ੍ਹੇ 'ਚ ਆਦਿ ਕੈਲਾਸ਼ ਯਾਤਰਾ ਦਾ 15 ਸਤੰਬਰ ਤੋਂ ਸ਼ੁਰੂ ਹੋਣ ਵਾਲਾ ਦੂਜਾ ਪੜਾਅ ਪ੍ਰਤੀਕੂਲ ਮੌਸਮ ਅਤੇ ਸੜਕਾਂ ਬੰਦ ਹੋਣ ਕਾਰਨ 20 ਸਤੰਬਰ ਤੱਕ ਮੁਲਤਵੀ ਕਰ ਦਿੱਤਾ ਗਿਆ ਹੈ। ਅਧਿਕਾਰੀਆਂ ਨੇ ਸੋਮਵਾਰ ਨੂੰ ਇਹ ਜਾਣਾਕਰੀ ਦਿੱਤੀ। ਧਾਰਚੁਲਾ ਸਬ-ਡਿਵੀਜ਼ਨਲ ਮੈਜਿਸਟ੍ਰੇਟ (ਐੱਸਡੀਐੱਮ) ਅਸ਼ੀਸ਼ ਜੋਸ਼ੀ ਨੇ ਕਿਹਾ ਕਿ ਆਦਿ ਕੈਲਾਸ਼ ਜਾਣ ਵਾਲੇ ਸ਼ਰਧਾਲੂਆਂ ਲਈ 'ਇਨਰਲਾਈਨ ਪਰਮਿਟ' ਜਾਰੀ ਕਰਨਾ 20 ਸਤੰਬਰ ਤੋਂ ਸ਼ੁਰੂ ਹੋਵੇਗਾ, ਪਰ ਇਹ ਇਕ ਸੰਭਾਵਿਤ ਤਰੀਕ ਹੀ ਹੈ।
ਉਨ੍ਹਾਂ ਕਿਹਾ ਕਿ ਜੇਕਰ ਖੇਤਰ 'ਚ ਮੌਸਮ ਅਤੇ ਯਾਤਰਾ ਦੀਆਂ ਸਥਿਤੀਆਂ ਅਨੁਕੂਲ ਰਹਿੰਦੀਆਂ ਹਨ, ਤਾਂ 20 ਸਤੰਬਰ ਤੋਂ ਯਾਤਰਾ ਦੇ ਦੂਜੇ ਪੜਾਅ ਲਈ 'ਇਨਰਲਾਈਨ ਪਰਮਿਟ' ਜਾਰੀ ਕੀਤੇ ਜਾਣਗੇ। 'ਇਨਰਲਾਈਨ ਪਰਮਿਟ' ਇਕ ਅਧਿਕਾਰਤ ਯਾਤਰਾ ਦਸਤਾਵੇਜ਼ ਹੈ, ਜੋ ਭਾਰਤੀ ਨਾਗਰਿਕਾਂ ਨੂੰ ਸੀਮਿਤ ਸਮੇਂ ਲਈ ਵੱਖ-ਵੱਖ ਰਾਜਾਂ ਦੇ ਕੁਝ ਸੁਰੱਖਿਅਤ ਅਤੇ ਪਾਬੁੰਦੀਸ਼ੁਦਾ ਖੇਤਰਾਂ 'ਚ ਦਾਖਲ ਹੋਣ ਜਾਂ ਰਹਿਣ ਦੀ ਆਗਿਆ ਦਿੰਦਾ ਹੈ। ਅਧਿਕਾਰੀ ਦੇ ਅਨੁਸਾਰ, ਧਾਰਚੂਲਾ-ਗੁੰਜੀ ਰੂਟ 'ਤੇ ਕੁਲਗੜ ਨੇੜੇ ਬੇਲੀ ਪੁਲ 2 ਹਫ਼ਤਿਆਂ 'ਚ ਦੂਜੀ ਵਾਰ ਰੁੜ੍ਹ ਜਾਣ ਕਾਰਨ ਯਾਤਰਾ ਦੇ ਦੂਜੇ ਪੜਾਅ ਦੀ ਸ਼ੁਰੂਆਤ ਦੀ ਤਰੀਕ ਅੱਗੇ ਵਧਾਈ ਗਈ ਹੈ।
ਜੋਸ਼ੀ ਨੇ ਕਿਹਾ,"ਸਰਹੱਦੀ ਸੜਕ ਸੰਗਠਨ (ਬੀ.ਆਰ.ਓ.) ਨੇ ਪੁਲ ਦਾ ਨਿਰਮਾਣ ਸ਼ੁਰੂ ਕਰ ਦਿੱਤਾ ਹੈ, ਜਦੋਂ ਕਿ ਫੌਜ ਨੇ ਉੱਚੀਆਂ ਵਾਦੀਆਂ ਲਈ ਇਕ ਵਿਕਲਪਿਕ ਰਸਤਾ ਤਿਆਰ ਕੀਤਾ ਹੈ। ਇਸ ਲਈ, ਮੌਸਮ ਅਤੇ ਆਵਾਜਾਈ ਦੋਵਾਂ ਸਥਿਤੀਆਂ ਦੇ ਸੁਰੱਖਿਅਤ ਯਾਤਰਾ ਦਾ ਸੰਕੇਤ ਮਿਲਣ 'ਤੇ ਅਸੀਂ ਯਾਤਰਾ ਸ਼ੁਰੂ ਕਰਾਂਗੇ।"
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਦਿੱਲੀ 'ਚ ਨਸ਼ੇ ਖ਼ਿਲਾਫ਼ ਵੱਡਾ ਐਕਸ਼ਨ! 3.71 ਕਰੋੜ ਕੈਸ਼ ਤੇ ਸਮੈਕ ਬਰਾਮਦ, 10 ਕਾਬੂ
NEXT STORY 
