ਬੈਂਗਲੁਰੂ (ਏਜੰਸੀ)- ਬੈਂਗਲੁਰੂ 'ਚ ਇਕ ਆਦਮੀ ਨੂੰ ਆਪਣੀ ਪਤਨੀ ਦੇ ਦੋਪਹੀਆ ਵਾਹਨ 'ਤੇ ਇਕੱਲੇ ਸਵਾਰੀ ਕਰਨ ਦੇ ਬਾਵਜੂਦ ਟ੍ਰੈਫਿਕ ਚਲਾਨ ਜਾਰੀ ਕੀਤਾ ਗਿਆ। ਏਆਈ-ਅਧਾਰਤ ਕੈਮਰੇ ਨੇ ਕਥਿਤ ਤੌਰ 'ਤੇ ਉਸ ਦੀ ਪਿੱਠ 'ਤੇ ਬੰਨ੍ਹੇ ਹੋਏ ਗਿਟਾਰ ਨੂੰ ਬਿਨਾਂ ਹੈਲਮੇਟ ਦੇ ਪਿੱਛੇ ਬੈਠੀ ਸਵਾਰੀ ਸਮਝ ਲਿਆ।
ਸੌਵਿਕ ਦੱਤਾ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਐਕਸ' 'ਤੇ ਇਕ ਪੋਸਟ 'ਚ ਕੈਮਰੇ ਦੁਆਰਾ ਲਈ ਗਈ ਇਕ ਫੋਟੋ ਸਾਂਝੀ ਕੀਤੀ, ਜਿਸ 'ਚ ਉਹ ਸਕੂਟਰੀ 'ਤੇ ਹੈਲਮੇਟ ਪਾਏ ਅਤੇ ਪਿੱਠ 'ਤੇ ਗਿਟਾਰ ਬੰਨ੍ਹੇ ਹੋਏ ਨਜ਼ਰ ਆ ਰਿਹਾ ਹੈ। ਇਹ ਘਟਨਾ 15 ਸਤੰਬਰ 2026 ਨੂੰ ਵਾਪਰੀ ਸੀ। ਇਸ ਤੋਂ ਬਾਅਦ, ਉਸ ਦੀ ਪਤਨੀ ਨੂੰ 500 ਰੁਪਏ ਦਾ ਚਲਾਨ ਜਾਰੀ ਕੀਤਾ ਗਿਆ, ਜਿਸ 'ਚ ਪਿੱਛੇ ਬੈਠੀ ਸਵਾਰੀ ਦੇ ਹੈਲਮੇਟ ਨਹੀਂ ਪਹਿਨਣ ਦਾ ਜ਼ਿਕਰ ਸੀ।
ਬੰਗਲੁਰੂ ਟ੍ਰੈਫਿਕ ਪੁਲਸ ਨੂੰ ਟੈਗ ਕਰਦੇ ਹੋਏ ਦੱਤਾ ਨੇ ਏਆਈ-ਅਧਾਰਤ ਟ੍ਰੈਫਿਕ ਉਲੰਘਣਾ ਖੋਜ ਪ੍ਰਣਾਲੀ 'ਚ ਕਥਿਤ ਗਲਤੀ ਵੱਲ ਇਸ਼ਾਰਾ ਕੀਤਾ ਅਤੇ ਜੁਰਮਾਨੇ ਨੂੰ ਰੱਦ ਕਰਨ ਦੀ ਬੇਨਤੀ ਕੀਤੀ। ਦੱਤਾ ਨੇ 26 ਸਤੰਬਰ ਨੂੰ 'X' 'ਤੇ ਇਕ ਪੋਸਟ 'ਚ ਦੱਤਾ ਨੇ ਕਿਹਾ ਕਿ ਉਹ ਬੈਂਗਲੁਰੂ 'ਚ ਆਪਣੀ ਪਤਨੀ ਦੇ ਦੋਪਹੀਆ ਵਾਹਨ 'ਤੇ ਇਕੱਲੇ ਹੀ ਗਿਟਾਰ ਬੰਨ੍ਹ ਕੇ ਸਵਾਰ ਸੀ।
ਉਸ ਨੇ ਦੱਸਿਆ ਕਿ ਉਸ ਦੀ ਪਤਨੀ ਨੂੰ ਪਿੱਛੇ ਬੈਠੀ ਸਵਾਰੀ ਦੇ ਹੈਲਮੇਟ ਨਹੀਂ ਪਹਿਨਣ ਨੂੰ ਲੈ ਕੇ ਟ੍ਰੈਫਿਕ ਚਲਾਨ (ਨੋਟਿਸ ਨੰਬਰ 86202541) ਜਾਰੀ ਕੀਤਾ ਗਿਆ ਸੀ। ਉਸ ਨੇ ਏਆਈ-ਅਧਾਰਤ ਟ੍ਰੈਫਿਕ ਉਲੰਘਣਾ ਖੋਜ ਪ੍ਰਣਾਲੀ 'ਤੇ ਸਵਾਲ ਚੁੱਕੇ ਅਤੇ ਚਲਾਨ ਰੱਦ ਕਰਨ ਦੀ ਬੇਨਤੀ ਕੀਤੀ। ਬੈਂਗਲੁਰੂ ਟ੍ਰੈਫਿਕ ਪੁਲਸ ਨੇ ਉਸ ਦੀ ਪੋਸਟ ਦਾ ਜਵਾਬ ਦਿੱਤਾ, ਉਸ ਨੂੰ ਉਲੰਘਣਾ ਨੂੰ ਠੀਕ ਕਰਨ ਲਈ ਸੰਬੰਧਿਤ ਨੰਬਰਾਂ 'ਤੇ ਈਮੇਲ ਕਰਨ ਜਾਂ ਸੰਪਰਕ ਕਰਨ ਲਈ ਕਿਹਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਪਰਿਵਾਰਕ ਮੈਂਬਰਾਂ ਨੂੰ ਅਮਰੀਕਾ ਬੁਲਾਉਣ ਦੇ ਚਾਹਵਾਨਾਂ ਲਈ ਵੱਡੀ ਖ਼ਬਰ ! ਸੰਸਦ 'ਚ ਪੇਸ਼ ਹੋਇਆ 'ਬਿੱਲ'
NEXT STORY 
