ਛਪਰਾ (ਏਜੰਸੀ)- ਬਿਹਾਰ ਦੇ ਸਾਰਨ ਜ਼ਿਲ੍ਹੇ ਦੇ ਪਾਨਾਪੁਰ ਥਾਣਾ ਖੇਤਰ ਦੇ ਪਕੜੀ ਨਰੋਤਮ ਪਿੰਡ ਦੇ ਨਿਵਾਸੀ ਨੀਰਜ ਕੁਮਾਰ ਸਿੰਘ ਨੇ ਅਮਰੀਕਾ ਦੀ ਵੱਕਾਰੀ ਯੂਨੀਵਰਸਿਟੀ ਆਫ਼ ਮੈਸੇਚਿਉਸੇਟਸ 'ਚ ਵਿਦਿਅਕ ਲੀਡਰਸ਼ਿਪ 'ਚ ਪੀਐੱਚਡੀ ਲਈ ਖੋਜ ਸ਼ੁਰੂ ਕੀਤੀ ਹੈ ਅਤੇ ਉਸ ਨੂੰ ਲਗਭਗ 2.6 ਕਰੋੜ ਰੁਪਏ ਦੀ ਪੂਰੀ ਸਕਾਲਰਸ਼ਿਪ ਮਿਲੀ ਹੈ। ਨੀਰਜ ਨੇ 24 ਅਗਸਤ 2026 ਨੂੰ ਯੂਨੀਵਰਸਿਟੀ ਆਫ਼ ਮੈਸੇਚਿਉਸੇਟਸ ਦੇ ਲੋਵੇਲ ਕੈਂਪਸ 'ਚ ਵਿਦਿਅਕ ਲੀਡਰਸ਼ਿਪ 'ਤੇ ਆਪਣਾ ਖੋਜ-ਪ੍ਰਬੰਧ ਸ਼ੁਰੂ ਕੀਤਾ। ਉਹ ਸਾਲ 2026 'ਚ ਇਸ ਪ੍ਰੋਗਰਾਮ ਲਈ ਚੁਣਿਆ ਗਿਆ ਭਾਰਤ ਦਾ ਇਕਲੌਤਾ ਵਿਦਿਆਰਥੀ ਹੈ।
ਇਸ ਸੋਧ ਪ੍ਰੋਗਰਾਮ 'ਚ ਕੁੱਲ 60 ਖੋਜ ਵਿਦਵਾਨ ਸ਼ਾਮਲ ਹਨ। ਨੀਰਜ ਨੇ ਪੇਂਡੂ ਖੇਤਰ ਤੋਂ ਇਕ ਵੱਕਾਰੀ ਅਮਰੀਕੀ ਯੂਨੀਵਰਸਿਟੀ ਤੱਕ ਦਾ ਸਫ਼ਰ ਤੈਅ ਕੀਤਾ ਹੈ। ਪ੍ਰੋਫੈਸਰ ਬਣਨ ਦਾ ਸੁਪਨਾ ਦੇਖਣ ਵਾਲੇ ਨੀਰਜ ਦੀ ਇਹ ਪ੍ਰਾਪਤੀ ਉਸ ਦੇ ਪਿੰਡ ਅਤੇ ਜ਼ਿਲ੍ਹੇ ਲਈ ਮਾਣ ਵਾਲੀ ਗੱਲ ਮੰਨੀ ਜਾਂਦੀ ਹੈ। ਨੀਰਜ ਨੂੰ ਯੂਨੀਵਰਸਿਟੀ ਵੱਲੋਂ ਲਗਭਗ 2.6 ਕਰੋੜ ਰੁਪਏ ਦੀ ਪੂਰੀ ਸਕਾਲਰਸ਼ਿਪ ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਇਸ 'ਚ ਪੂਰੀ ਟਿਊਸ਼ਨ ਫੀਸ ਮੁਆਫ਼ੀ, ਸਿਹਤ ਬੀਮਾ ਅਤੇ ਇਕ ਨਿਯਮਿਤ ਸਕਾਲਰਸ਼ਿਪ ਸ਼ਾਮਲ ਹੈ। ਇਹ ਉਸ ਦੇ ਰਹਿਣ, ਭੋਜਨ ਅਤੇ ਖੋਜ ਖਰਚਿਆਂ ਨੂੰ ਕਵਰ ਕਰੇਗੀ।
ਨੀਰਜ ਨੂੰ 2026-27 ਅਕਾਦਮਿਕ ਸਾਲ ਲਈ ਇਕ ਅਧਿਆਪਨ ਸਹਾਇਕ ਵਜੋਂ ਵੀ ਨਿਯੁਕਤ ਕੀਤਾ ਗਿਆ ਹੈ। ਉਹ ਅੰਡਰਗ੍ਰੈਜੁਏਟ ਅਤੇ ਪੋਸਟ ਗ੍ਰੈਜੂਏਟ ਵਿਦਿਆਰਥੀਆਂ ਨੂੰ ਪੜ੍ਹਾਏਗਾ ਅਤੇ ਉਨ੍ਹਾਂ ਦੀਆਂ ਅਕਾਦਮਿਕ ਗਤੀਵਿਧੀਆਂ ਦਾ ਸਮਰਥਨ ਕਰੇਗਾ। ਯੂਨੀਵਰਸਿਟੀ ਦੇ ਸਕੂਲ ਆਫ਼ ਐਜੂਕੇਸ਼ਨ ਨੇ ਉਸ ਨੂੰ ਸੋਧ ਲਈ ਇਕ ਵਿਸ਼ੇਸ਼ ਕਾਰਜ ਸਥਾਨ ਵੀ ਉਪਲੱਬਧ ਕਰਵਾਇਆ ਹੈ। ਨੀਰਜ ਦੀ ਖੋਜ ਬਹੁ-ਭਾਸ਼ਾਈ ਸਿੱਖਿਆ, ਵਿਦਿਅਕ ਸਮਾਨਤਾ ਅਤੇ ਸਮਾਵੇਸ਼ੀ ਸਿੱਖਿਆ ਵਰਗੇ ਮਹੱਤਵਪੂਰਨ ਵਿਸ਼ਿਆਂ 'ਤੇ ਕੇਂਦ੍ਰਿਤ ਹੈ। ਉਹ ਇਕ ਅਜਿਹੇ ਵਿਦਿਅਕ ਮਾਡਲ ਦੀ ਕਲਪਨਾ ਕਰਨ ਲਈ ਕੰਮ ਕਰ ਰਹੇ ਹਨ ਜਿਸ 'ਚ ਕੋਈ ਵੀ ਬੱਚਾ ਭਾਸ਼ਾ ਜਾਂ ਸਮਾਜਿਕ ਸਥਿਤੀ ਦੇ ਕਾਰਨ ਵਿਦਿਅਕ ਮੌਕਿਆਂ ਤੋਂ ਵਾਂਝਾ ਨਾ ਰਹੇ।
ਨੀਰਜ ਨੇ ਪੀਐੱਚਡੀ ਸ਼ੁਰੂ ਕਰਨ ਤੋਂ ਪਹਿਲਾਂ ਸੰਯੁਕਤ ਰਾਜ ਅਮਰੀਕਾ 'ਚ ਪੈਨਸਿਲਵੇਨੀਆ ਯੂਨੀਵਰਸਿਟੀ, ਮੁੰਬਈ ਦੇ ਟਾਟਾ ਇੰਸਟੀਚਿਊਟ ਆਫ਼ ਸੋਸ਼ਲ ਸਾਇੰਸਿਜ਼, ਚੇਨਈ ਦੇ ਰਾਜੀਵ ਗਾਂਧੀ ਨੈਸ਼ਨਲ ਇੰਸਟੀਚਿਊਟ ਆਫ਼ ਯੂਥ ਡਿਵੈਲਪਮੈਂਟ ਅਤੇ ਜੈ ਪ੍ਰਕਾਸ਼ ਯੂਨੀਵਰਸਿਟੀ 'ਚ ਪੜ੍ਹਾਈ ਕੀਤੀ। ਉਹ ਆਪਣੀ ਪ੍ਰਾਪਤੀ ਦਾ ਸਿਹਰਾ ਆਪਣੇ ਪ੍ਰੋਫੈਸਰਾਂ, ਸਲਾਹਕਾਰਾਂ, ਦੋਸਤਾਂ ਅਤੇ ਸਹਿਯੋਗੀਆਂ ਦੇ ਨਾਲ-ਨਾਲ ਉਨ੍ਹਾਂ ਸਾਰਿਆਂ ਨੂੰ ਦਿੰਦਾ ਹੈ ਜਿਨ੍ਹਾਂ ਨੇ ਉਸ ਦੀ ਉੱਚ ਸਿੱਖਿਆ ਯਾਤਰਾ ਦੌਰਾਨ 'ਚ ਮਾਰਗਦਰਸ਼ਨ, ਸਮਰਥਨ ਅਤੇ ਹੌਂਸਲਾ ਵਧਾਇਆ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਡਿਊਟੀ 'ਤੇ ਤਾਇਨਾਤ ਪੁਲਸ ਜਵਾਨ ਨੇ ਸਰਕਾਰੀ ਰਾਈਫਲ ਨਾਲ ਆਪ ਨੂੰ ਮਾਰੀ ਗੋਲੀ, ਮੌਤ
NEXT STORY 
