ਨਵੀਂ ਦਿੱਲੀ — 2 ਅਗਸਤ 2027 ਨੂੰ ਆਕਾਸ਼ ਵਿੱਚ ਇੱਕ ਅਜਿਹੀ ਖਗੋਲੀ ਘਟਨਾ ਵਾਪਰਨ ਜਾ ਰਹੀ ਹੈ, ਜਿਸ ਦਾ ਦੁਨੀਆ ਭਰ ਵਿੱਚ ਇੰਤਜ਼ਾਰ ਕੀਤਾ ਜਾ ਰਿਹਾ ਹੈ। ਇਸ ਦਿਨ ਪੂਰਨ ਸੂਰਜ ਗ੍ਰਹਿਣ ਲੱਗੇਗਾ, ਜਿਸ ਦੌਰਾਨ ਚੰਦਰਮਾ ਲਗਭਗ 6 ਮਿੰਟ 23 ਸੈਕੰਡ ਤੱਕ ਸੂਰਜ ਨੂੰ ਪੂਰੀ ਤਰ੍ਹਾਂ ਢੱਕ ਲਵੇਗਾ ਅਤੇ ਦਿਨ ਦੇ ਸਮੇਂ ਰਾਤ ਵਰਗਾ ਹਨ੍ਹੇਰਾ ਛਾ ਜਾਵੇਗਾ।
ਵਿਗਿਆਨੀਆਂ ਮੁਤਾਬਕ, ਇਹ 1991 ਤੋਂ ਬਾਅਦ ਜ਼ਮੀਨ ਤੋਂ ਦਿਖਾਈ ਦੇਣ ਵਾਲਾ ਸਭ ਤੋਂ ਲੰਬਾ ਪੂਰਨ ਸੂਰਜ ਗ੍ਰਹਿਣ ਹੋਵੇਗਾ। ਇਸ ਤੋਂ ਬਾਅਦ ਸਾਲ 2114 ਤੱਕ (ਯਾਨੀ ਅਗਲੇ 88 ਸਾਲਾਂ ਤੱਕ) ਧਰਤੀ 'ਤੇ ਇੰਨਾ ਲੰਬਾ ਪੂਰਨ ਸੂਰਜ ਗ੍ਰਹਿਣ ਹੋਰ ਕਿਤੇ ਵੀ ਦਿਖਾਈ ਨਹੀਂ ਦੇਵੇਗਾ।
ਕਿਹੜੇ ਦੇਸ਼ਾਂ ਵਿੱਚ ਦਿਖਾਈ ਦੇਵੇਗਾ ਪੂਰਨ ਸੂਰਜ ਗ੍ਰਹਿਣ?
ਇਹ ਪੂਰਨ ਸੂਰਜ ਗ੍ਰਹਿਣ ਸਪੇਨ, ਉੱਤਰੀ ਅਫਰੀਕਾ ਅਤੇ ਮੱਧ-ਪੂਰਬ (ਮਿਡਲ-ਈਸਟ) ਦੇ ਕੁਝ ਹਿੱਸਿਆਂ ਵਿੱਚ ਦਿਖਾਈ ਦੇਵੇਗਾ। ਇਸ ਦਾ ਮੁੱਖ ਰਸਤਾ ਦੱਖਣੀ ਸਪੇਨ ਅਤੇ ਜਿਬਰਾਲਟਰ ਤੋਂ ਹੁੰਦੇ ਹੋਏ ਮੋਰੱਕੋ, ਅਲਜੀਰੀਆ, ਟਿਊਨੀਸ਼ੀਆ, ਲੀਬੀਆ ਦੇ ਬੇਨਗਾਜ਼ੀ ਸ਼ਹਿਰ, ਮਿਸਰ, ਸਾਊਦੀ ਅਰਬ, ਯਮਨ ਅਤੇ ਸੋਮਾਲੀਆ ਤੱਕ ਜਾਵੇਗਾ। ਮਿਸਰ ਦਾ ਲਕਸਰ (Luxor) ਸ਼ਹਿਰ ਇਸ ਨੂੰ ਦੇਖਣ ਲਈ ਸਭ ਤੋਂ ਖਾਸ ਸਥਾਨ ਹੋਵੇਗਾ। ਜਦੋਂ ਚੰਦਰਮਾ ਸੂਰਜ ਨੂੰ ਪੂਰੀ ਤਰ੍ਹਾਂ ਢੱਕ ਲਵੇਗਾ, ਤਾਂ ਸੂਰਜ ਦਾ ਬਾਹਰੀ ਵਾਤਾਵਰਣ ਯਾਨੀ 'ਕਰੋਨਾ' (Corona) ਸਾਫ਼ ਨਜ਼ਰ ਆਵੇਗਾ।
ਭਾਰਤ ਵਿੱਚ ਇਹ ਪੂਰਨ ਸੂਰਜ ਗ੍ਰਹਿਣ ਨਹੀਂ ਬਲਕਿ 'ਆੰਸ਼ਿਕ ਸੂਰਜ ਗ੍ਰਹਿਣ' ਵਜੋਂ ਦਿਖਾਈ ਦੇਵੇਗਾ। ਇਹ ਦੁਪਹਿਰ ਤੋਂ ਬਾਅਦ ਲਗਭਗ 3:50 ਵਜੇ ਦੇਖਿਆ ਜਾ ਸਕੇਗਾ। ਦੱਖਣੀ ਭਾਰਤ ਵਿੱਚ ਇਹ ਵਧੇਰੇ ਨਜ਼ਰ ਆਵੇਗਾ, ਜਦਕਿ ਦਿੱਲੀ ਅਤੇ ਉੱਤਰ ਭਾਰਤ ਦੇ ਕਈ ਹਿੱਸਿਆਂ ਵਿੱਚ ਘੱਟ ਦਿਖਾਈ ਦੇਵੇਗਾ। 2027 ਤੋਂ ਬਾਅਦ ਅਗਲਾ ਪੂਰਨ ਸੂਰਜ ਗ੍ਰਹਿਣ 22 ਜੁਲਾਈ 2028 ਨੂੰ ਲੱਗੇਗਾ, ਜੋ ਆਸਟ੍ਰੇਲੀਆ ਅਤੇ ਨਿਊਜ਼ੀਲੈਂਡ ਦੇ ਕੁਝ ਹਿੱਸਿਆਂ ਵਿੱਚ ਦਿਖਾਈ ਦੇਵੇਗਾ।
ਅੱਖਾਂ ਦੀ ਸੁਰੱਖਿਆ ਬਾਰੇ ਚਿਤਾਵਨੀ
ਸੂਰਜ ਨੂੰ ਸਿੱਧਾ ਦੇਖਣ ਨਾਲ ਅੱਖਾਂ ਨੂੰ ਗੰਭੀਰ ਨੁਕਸਾਨ ਪਹੁੰਚ ਸਕਦਾ ਹੈ। ਇਸ ਲਈ ਸੂਰਜ ਗ੍ਰਹਿਣ ਦੇਖਣ ਲਈ ਵਿਸ਼ੇਸ਼ 'ਸੋਲਰ ਐਕਲਿਪਸ ਗਲਾਸ' ਜਾਂ ਸੋਲਰ ਵਿਊਅਰ ਦੀ ਹੀ ਵਰਤੋਂ ਕਰਨੀ ਚਾਹੀਦੀ ਹੈ; ਆਮ ਧੁੱਪ ਵਾਲੀਆਂ ਐਨਕਾਂ ਇਸ ਲਈ ਸੁਰੱਖਿਅਤ ਨਹੀਂ ਹਨ।
ਵ੍ਰਿੰਦਾਵਨ ਆਸ਼ਰਮ ਕਾਂਡ: ਪ੍ਰੇਮਾਨੰਦ ਦੇ ਚੇਲੇ ਦੀ ਮੌਤ ਦਾ ਮਾਮਲਾ NHRC ਕੋਲ ਪੁੱਜਾ, ਆਗਰਾ ਦੇ ADG ਨੂੰ ਜਾਂਚ ਦੇ ਹੁਕਮ
NEXT STORY 
