ਤਿਰੁਪਤੀ- ਚੀਫ ਜਸਟਿਸ ਡੀ. ਵਾਈ. ਚੰਦਰਚੂੜ ਨੇ ਐਤਵਾਰ ਨੂੰ ਇੱਥੇ ਤਿਰੁਮਾਲਾ ਸਥਿਤ ਭਗਵਾਨ ਸ਼੍ਰੀ ਵੈਂਕਟੇਸ਼ਵਰ ਸਵਾਮੀ ਮੰਦਰ 'ਚ ਪੂਜਾ ਕੀਤੀ। ਜਸਟਿਸ ਚੰਦਰਚੂੜ ਨੇ ਆਪਣੀ ਟੀਮ ਦੇ ਨਾਲ ਵੈਕੁੰਠ ਕਤਾਰ ਕੰਪਲੈਕਸ ਤੋਂ ਮੰਦਰ ਵਿਚ ਦਾਖਲ ਹੋ ਕੇ ਪਾਵਨ ਅਸਥਾਨ ਵਿਚ ਪੂਜਾ ਕੀਤੀ। ਇਕ ਅਧਿਕਾਰਤ ਪ੍ਰੈਸ ਰਿਲੀਜ਼ ਵਿਚ ਕਿਹਾ ਗਿਆ ਹੈ ਚੀਫ਼ ਜਸਟਿਸ ਡੀ.ਵਾਈ. ਚੰਦਰਚੂੜ ਨੇ ਐਤਵਾਰ ਨੂੰ ਤਿਰੁਮਾਲਾ ਸ਼੍ਰੀਵਾਰੀ ਮੰਦਰ ਦਾ ਦੌਰਾ ਕੀਤਾ ਅਤੇ ਪੂਜਾ ਕੀਤੀ।
ਮੰਦਰ ਦਾ ਦੌਰਾ ਕਰਨ ਤੋਂ ਬਾਅਦ ਜਸਟਿਸ ਚੰਦਰਚੂੜ ਅਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਨੂੰ 'ਰੰਗਨਾਯਕੁਲਾ ਮੰਡਪਮ' ਵਿਖੇ ਮੰਦਰ ਦੇ ਪੁਜਾਰੀਆਂ ਨੇ ਆਸ਼ੀਰਵਾਦ ਦਿੱਤਾ। ਬਾਅਦ ਵਿਚ ਤਿਰੁਮਾਲਾ ਤਿਰੂਪਤੀ ਦੇਵਸਥਾਨਮ (ਟੀ. ਟੀ. ਡੀ) ਦੇ ਕਾਰਜਕਾਰੀ ਅਧਿਕਾਰੀ ਜੇ ਸ਼ਿਆਮਲਾ ਰਾਓ ਨੇ ਚੀਫ਼ ਜਸਟਿਸ ਨੂੰ ਦੇਵਤੇ ਅਤੇ ਤੀਰਥ ਪ੍ਰਸਾਦਮ ਦੀ ਇਕ ਤਸਵੀਰ ਭੇਂਟ ਕੀਤੀ।
ਆਪਣੇ ਹੱਕ ਲੈਣ ਲਈ ਇੰਦਰਾ ਫੈਲੋਸ਼ਿਪ ਨਾਲ ਜੁੜਨ ਔਰਤਾਂ : ਰਾਹੁਲ
NEXT STORY 
