ਨੈਸ਼ਨਲ ਡੈਸਕ : ਕ੍ਰੀਮ ਰੋਲ ਇੱਕ ਅਜਿਹੀ ਚੀਜ਼ ਹੈ, ਜੋ ਬੱਚਿਆਂ ਤੋਂ ਲੈ ਕੇ ਬਜ਼ੁਰਗਾਂ ਤੱਕ ਸਭ ਦੀ ਪਸੰਦ ਹੈ। ਪਰ ਹਾਲ ਹੀ ਵਿੱਚ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈ ਇੱਕ ਵੀਡੀਓ ਨੇ ਲੋਕਾਂ ਦੇ ਹੋਸ਼ ਉਡਾ ਦਿੱਤੇ ਹਨ। ਇਸ ਵੀਡੀਓ ਵਿੱਚ ਕ੍ਰੀਮ ਰੋਲ ਬਣਾਉਣ ਦੇ ਤਰੀਕੇ ਅਤੇ ਉੱਥੇ ਫੈਲੀ ਗੰਦਗੀ ਨੂੰ ਦੇਖ ਕੇ ਲੋਕਾਂ ਦਾ ਗੁੱਸਾ ਫੁੱਟ ਪਿਆ ਹੈ। ਕ੍ਰੀਮ ਰੋਲ ਬਣਾਉਣ ਦੀ ਗੰਦੀ ਵੀਡੀਓ ਵਾਇਰਲ ਹੁੰਦੇ ਸਾਰੇ ਬਹੁਤੇ ਲੋਕਾਂ ਨੇ ਇਸ ਨੂੰ ਹਮੇਸ਼ਾ ਲਈ ਛੱਡਣ ਦਾ ਫੈਸਲਾ ਕਰ ਲਿਆ।
ਇਹ ਵੀ ਪੜ੍ਹੋ - ਕਾਤਲ ਹਸੀਨਾ ਦਾ ਖ਼ੌਫ਼ਨਾਕ ਜਾਲ : ਪਹਿਲਾਂ ਲੁੱਟਿਆ, ਫਿਰ ਟੁਕੜੇ ਕਰ ਨਦੀ 'ਚ ਸੁੱਟੀ ਲਾਸ਼
ਵੀਡੀਓ ਵਿੱਚ ਕੀ ਦਿਖਿਆ?
ਕ੍ਰੀਮ ਰੋਲ ਬਣਾਉਣ ਦੀ ਵਾਇਰਲ ਹੋ ਰਹੀ ਵੀਡੀਓ ਵਿੱਚ ਇੱਕ ਵਿਅਕਤੀ ਬੇਹੱਦ ਗੰਦੀ ਜਗ੍ਹਾ 'ਤੇ ਬੈਠ ਕੇ ਰੋਲ ਦੇ ਅੰਦਰ ਕ੍ਰੀਮ ਭਰਦਾ ਨਜ਼ਰ ਆ ਰਿਹਾ ਹੈ। ਵੀਡੀਓ ਵਿਚ ਬਹੁਤ ਸਾਰੀਆਂ ਗੱਲਾਂ ਅਜਿਹੀਆਂ ਹਨ, ਜਿਨ੍ਹਾਂ ਨੇ ਲੋਕਾਂ ਨੂੰ ਪਰੇਸ਼ਾਨ ਕਰਕੇ ਰੱਖ ਦਿੱਤਾ। ਕ੍ਰੀਮ ਰੋਲ ਬਣਾਉਣ ਵਾਲੀ ਥਾਂ 'ਤੇ ਸਫਾਈ ਦੀ ਬਹੁਤ ਘਾਟ ਦਿਖਾਈ ਦਿੱਤੀ। ਜਿਸ ਮਸ਼ੀਨ ਨਾਲ ਕ੍ਰੀਮ ਭਰੀ ਜਾ ਰਹੀ ਹੈ, ਉਹ ਪੂਰੀ ਤਰ੍ਹਾਂ ਚਿਪਚਿਪੀ ਅਤੇ ਗੰਦੀ ਹੈ। ਕ੍ਰੀਮ ਰੋਲ ਬਣਾਉਣ ਲਈ ਗੰਦੀਆਂ ਟ੍ਰੇਆਂ ਦੀ ਵਰਤੋਂ ਕੀਤੀ ਗਈ। ਰੋਲ ਚੁੱਕਣ ਵਾਲੀਆਂ ਟ੍ਰੇਆਂ 'ਤੇ ਜੰਮੀ ਗੰਦਗੀ ਸਾਫ਼ ਦਿਖਾਈ ਦੇ ਰਹੀ ਹੈ।
ਇਹ ਵੀ ਪੜ੍ਹੋ - ਵੱਡੀ ਖ਼ਬਰ : ਦਿੱਲੀ ਦੇ ਕਈ ਨਾਮੀ ਸਕੂਲਾਂ 'ਚ ਬੰਬ! ਮਚੀ ਹਾਹਾਕਾਰ
ਇਸ ਦੌਰਾਨ ਵਿਅਕਤੀਆਂ ਵਲੋਂ ਨੰਗੇ ਹੱਥਾਂ ਦੀ ਵਰਤੋਂ ਕੀਤੀ ਜਾ ਰਹੀ ਹੈ। ਵਿਅਕਤੀ ਬਿਨਾਂ ਦਸਤਾਨਿਆਂ (Gloves) ਦੇ ਆਪਣੀਆਂ ਉਂਗਲਾਂ ਨਾਲ ਕ੍ਰੀਮ ਨੂੰ ਸੈੱਟ ਕਰਦੇ ਦਿਖਾਈ ਦੇ ਰਹੇ ਹਨ। ਕ੍ਰੀਮ ਰੋਲ ਬਣਾਉਣ ਤੋਂ ਬਾਅਦ ਉਨ੍ਹਾਂ ਨੂੰ ਬਹੁਤ ਹੀ ਗੰਦੇ ਤਰੀਕੇ ਨਾਲ ਜ਼ਮੀਨ 'ਤੇ ਸੁੱਟਿਆ ਗਿਆ ਹੈ। ਯਾਨੀ ਕਿ ਕ੍ਰੀਮ ਭਰਨ ਤੋਂ ਬਾਅਦ ਤਿਆਰ ਰੋਲਸ ਨੂੰ ਸਿੱਧਾ ਜ਼ਮੀਨ 'ਤੇ ਵਿਛੀ ਇੱਕ ਚਾਦਰ 'ਤੇ ਸੁੱਟਿਆ ਜਾ ਰਿਹਾ ਹੈ। ਕ੍ਰੀਮ ਰੋਲ ਬਣਾਉਣ ਦੀ ਇਹ ਵੀਡੀਓ ਦੇਖ ਲੋਕ ਕਚੀਚੀਆਂ ਲੈਣ ਲੱਗ ਪਏ।
ਇਹ ਵੀ ਪੜ੍ਹੋ - ਵਿਸ਼ਵ ਪ੍ਰਸਿੱਧ ਜੋਤਸ਼ੀ ਦੀ ਡਰਾਉਣੀ ਭਵਿੱਖਬਾਣੀ: ਅਗਲੇ ਕਈ ਸਾਲਾਂ ’ਚ ਹੋਰ ਜੰਗਾਂ ਦਾ ਕਰਨਾ ਪਵੇਗਾ ਸਾਹਮਣਾ!
ਸੋਸ਼ਲ ਮੀਡੀਆ (X) 'ਤੇ ਲੋਕਾਂ ਦਾ ਗੁੱਸਾ
ਕ੍ਰੀਮ ਰੋਲ ਬਣਾਉਣ ਦੀ ਜਿਵੇਂ ਹੀ ਇਹ ਵੀਡੀਓ ਐਕਸ (X) 'ਤੇ ਵਾਇਰਲ ਹੋਈ, ਚਾਰੇ ਪਾਸੇ ਹਾਹਾਕਾਰ ਮਚ ਗਈ। ਇਸ ਵੀਡੀਓ ਨੂੰ ਹੁਣ ਤੱਕ 1.26 ਲੱਖ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ। ਯੂਜ਼ਰਸ ਇਸ ਵੀਡੀਓ ਨੂੰ ਦੇਖ ਕੇ ਕਮੈਂਟ ਕਰਕੇ ਆਪਣੀ ਨਾਰਾਜ਼ਗੀ ਜ਼ਾਹਰ ਕਰ ਰਹੇ ਹਨ। ਇਸ ਦੌਰਾਨ ਇਕ ਯੂਜ਼ਰ ਨੇ ਕਿਹਾ, "ਬਾਜ਼ਾਰ ਦੀਆਂ ਬਹੁਤ ਸਾਰੀਆਂ ਚੀਜ਼ਾਂ ਅਜਿਹੀਆਂ ਗੰਦੀਆਂ ਥਾਵਾਂ 'ਤੇ ਬਣਦੀਆਂ ਹਨ। ਜੇਕਰ ਤੁਸੀਂ ਦੇਖ ਲਵੋਗੇ, ਤਾਂ ਬਾਹਰ ਦਾ ਖਾਣਾ ਹੀ ਛੱਡ ਦਿਓਗੇ।" ਇਕ ਹੋਰ ਯੂਜ਼ਰ ਨੇ ਕਿਹਾ, "ਬਚਪਨ ਵਿੱਚ ਮੈਂ ਬਹੁਤ ਖਾਂਦਾ ਸੀ ਪਰ ਇਹ ਵੀਡੀਓ ਦੇਖਣ ਤੋਂ ਬਾਅਦ ਹੁਣ ਕਦੇ ਨਹੀਂ ਖਾਵਾਂਗਾ, ਚਾਹੇ ਜਿੰਨੀ ਮਰਜ਼ੀ ਭੁੱਖ ਲੱਗੀ ਹੋਵੇ।" ਕੋਈ ਕਹਿੰਦਾ, "ਕੋਈ ਸੇਫਟੀ ਨਹੀਂ, ਕੋਈ ਹਾਈਜੀਨ ਨਹੀਂ। ਮੇਰੇ ਘਰ ਦੇ ਬੱਚੇ ਖਾਂਦੇ ਹਨ, ਮੈਂ ਅੱਜ ਹੀ ਉਨ੍ਹਾਂ ਨੂੰ ਇਹ ਵੀਡੀਓ ਦਿਖਾ ਕੇ ਮਨ੍ਹਾ ਕਰਾਂਗਾ।"
ਸਿਹਤ ਮਾਹਿਰਾਂ ਦੀ ਸਲਾਹ
ਇਸ ਤਰ੍ਹਾਂ ਗੰਦਗੀ ਵਿੱਚ ਬਣਿਆ ਖਾਣਾ ਕਈ ਤਰ੍ਹਾਂ ਦੀਆਂ ਪੇਟ ਦੀਆਂ ਬਿਮਾਰੀਆਂ ਅਤੇ ਇਨਫੈਕਸ਼ਨ ਦਾ ਕਾਰਨ ਬਣ ਸਕਦਾ ਹੈ। ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਲੋਕ ਹੁਣ ਸਥਾਨਕ ਫੂਡ ਸੇਫਟੀ ਵਿਭਾਗ ਤੋਂ ਅਜਿਹੀਆਂ ਫੈਕਟਰੀਆਂ ਵਿਰੁੱਧ ਕਾਰਵਾਈ ਦੀ ਮੰਗ ਕਰ ਰਹੇ ਹਨ।
ਇਹ ਵੀ ਪੜ੍ਹੋ - ਪਿਓ ਦੀ ਲਾਇਸੈਂਸੀ ਪਿਸਤੌਲ ਨਾਲ ਪੁੱਤ ਨੇ ਖੁਦ ਨੂੰ ਮਾਰੀ ਗੋਲੀ, ਮਰਨ ਤੋਂ ਪਹਿਲਾਂ ਜੋ ਕੀਤਾ ਸੁਣ ਉੱਡਣਗੇ ਹੋਸ਼
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
YouTuber 'ਤੇ ਹਮਲਾ ਕਰਨ ਵਾਲੇ ਦਾ ਹੋ ਗਿਆ ਐਨਕਾਊਂਟਰ ! UP ਪੁਲਸ ਨੇ ਮੁਕਾਬਲੇ 'ਚ ਕੀਤਾ ਢੇਰ
NEXT STORY 
