ਨਵੀਂ ਦਿੱਲੀ — ਦਿੱਲੀ ਸਰਕਾਰ ਦੇ 1030 ਸਕੂਲਾਂ ’ਚ ਜਮਾਤ ਛੇਵੀਂ ਤੋਂ 10ਵੀਂ ਤਕ ਦੇ ਅਧਿਆਪਕਾਂ ਦੇ 3,825 ਅਹੁਦੇ ਖਾਲੀ ਹਨ। ਇਨ੍ਹਾਂ ਜਮਾਤਾਂ ਲਈ ਮਨਜ਼ੂਰ ਅਧਿਆਪਕਾਂ ਦੀ ਗਿਣਤੀ 33,397 ਹੈ , ਜਿਸ ’ਚ ਸਥਾਈ ਅਧਿਆਪਕ ਸਿਰਫ 17,695 ਹਨ, ਜਦੋਂਕਿ 11,877 ਮਹਿਮਾਨ ਅਧਿਆਪਕਾਂ ਸਕੂਲਾਂ ’ਚ ਪੜ੍ਹਾ ਰਹੇ ਹਨ। ਜਰਫ ਐਜੂਕੇਸ਼ਨਲ ਐਂਡ ਵੈੱਲਫੇਅਰ ਸੋਸਾਇਟੀ ਦੇ ਪ੍ਰਧਾਨ ਮੰਜਰ ਅਲੀ ਵਲੋਂ ਦਰਜ ਆਰ. ਟੀ. ਆਈ. ਦੇ ਜਵਾਬ ’ਚ ਸਿੱਖਿਆ ਵਿਭਾਗ ਨੇ ਦੱਸਿਆ ਹੈ ਕਿ ਸਰਕਾਰੀ ਸਕੂਲਾਂ ’ਚ ਵੱਖ-ਵੱਖ ਅਹਿਮ ਵਿਸ਼ਿਆਂ ਦੇ ਅਧਿਆਪਕਾਂ ਦੀ ਕਮੀ ਦੇ ਨਾਲ-ਨਾਲ ਪ੍ਰਿੰਸੀਪਲਾਂ ਅਤੇ ਉਪ ਪ੍ਰਿੰਸੀਪਲਾਂ ਦੇ ਕਾਫ਼ੀ ਅਹੁਦੇ ਵੀ ਖਾਲੀ ਪਏ ਹਨ।
ਆਰ. ਟੀ. ਆਈ. ਦੇ ਜਵਾਬ ’ਚ ਸਿੱਖਿਆ ਵਿਭਾਗ ਨੇ ਦੱਸਿਆ ਕਿ 25 ਸਤੰਬਰ 2019 ਤੱਕ ਅੰਗਰੇਜ਼ੀ ਵਿਸ਼ੇ ਦੇ ਟੀ. ਜੀ. ਟੀ. ਦੇ ਅਧਿਆਪਕਾਂ ਦੇ 704 ਅਹੁਦੇ ਖਾਲੀ ਹਨ, ਜਦੋਂਕਿ ਕੁਲ ਮਨਜ਼ੂਰ ਅਹੁਦਿਆਂ ਦੀ ਗਿਣਤੀ 5462 ਹੈ। ਦਿਲਚਸਪ ਹੈ ਕਿ 5462 ਅਹੁਦਿਆਂ ’ਚੋਂ ਸਥਾਈ ਅਧਿਆਪਕ ਕੇਵਲ 2614 ਹਨ ਅਤੇ ਮਹਿਮਾਨ ਅਧਿਆਪਕਾਂ ਦੀ ਗਿਣਤੀ 2144 ਹੈ। ਆਰ. ਟੀ. ਆਈ. ਦੇ ਮੁਤਾਬਕ ਇਹੀ ਹਾਲ ਹਿਸਾਬ ਦੇ ਵਿਸ਼ੇ ਦਾ ਹੈ। ਇਸ ਅਹਿਮ ਵਿਸ਼ੇ ਦੇ 696 ਅਹੁਦੇ ਖਾਲੀ ਪਏ ਹਨ। ਇਸ ਵਿਸ਼ੇ ਲਈ ਸਥਾਈ ਅਧਿਆਪਕਾਂ ਦੇ 5848 ਅਹੁਦੇ ਮਨਜ਼ੂਰ ਹਨ ਪਰ ਸਥਾਈ ਅਧਿਆਪਕ ਕੇਵਲ 3282 ਹਨ। ਉਥੇ ਹੀ ਮਹਿਮਾਨ ਅਧਿਆਪਕ 1870 ਹਨ।
ਹਿੰਦੀ ਵਿਸ਼ੇ ਲਈ ਕੁਲ ਮਨਜ਼ੂਰ ਅਹੁਦਿਆਂ ਦੀ ਗਿਣਤੀ 5048 ਹੈ, ਜਿਸ ’ਚ 3063 ਸਥਾਈ ਅਧਿਆਪਕ ਹਨ ਅਤੇ 1821 ਮਹਿਮਾਨ ਅਧਿਆਪਕ ਹਨ। ਇਸ ਵਿਸ਼ੇ ਲਈ 164 ਅਧਿਆਪਕਾਂ ਦੀ ਕਮੀ ਹੈ। ਟੀ. ਜੀ. ਟੀ. ਸੰਸਕ੍ਰਿਤ ਦੇ 162 ਅਤੇ ਟੀ. ਜੀ. ਟੀ. ਉਰਦੂ ਦੇ 675 ਅਹੁਦੇ ਖਾਲੀ ਹਨ। ਸੰਸਕ੍ਰਿਤ ਲਈ ਕੁਲ ਮਨਜ਼ੂਰ ਅਹੁਦੇ 4174 ਹਨ, ਜਿਸ ’ਚੋਂ 2231 ਸਥਾਈ ਅਧਿਆਪਕ ਹਨ ਅਤੇ 1781 ਮਹਿਮਾਨ ਅਧਿਆਪਕ ਇਸ ਭਾਸ਼ਾ ਨੂੰ ਪੜ੍ਹਾ ਰਹੇ ਹਨ। ਉਥੇ ਹੀ ਉਰਦੂ ਲਈ 1031 ਅਹੁਦੇ ਮਨਜ਼ੂਰ ਹਨ ਅਤੇ ਸਥਾਈ ਅਧਿਆਪਕ 74 ਹਨ, 282 ਮਹਿਮਾਨ ਅਧਿਆਪਕ ਹਨ ਅਤੇ 675 ਅਧਿਆਪਕਾਂ ਦੀ ਕਮੀ ਹੈ।
ਸਿੱਖਿਆ ਵਿਭਾਗ ਨੇ ਆਰ. ਟੀ. ਆਈ. ਦੇ ਜਵਾਬ ’ਚ ਦੱਸਿਆ ਹੈ ਕਿ ਸਹਾਇਕ ਅਧਿਆਪਕ (ਨਰਸਰੀ) ਦੇ 925 ਅਹੁਦੇ ਮਨਜ਼ੂਰ ਹਨ, ਜਿਸ ’ਚ ਸਥਾਈ ਅਧਿਆਪਕ 460 ਹਨ ਅਤੇ ਖਾਲੀ ਅਹੁਦਿਆਂ ਦੀ ਗਿਣਤੀ 465 ਹੈ। ਸਹਾਇਕ ਅਧਿਆਪਕ (ਪ੍ਰਾਇਮਰੀ) ਦੇ 4061 ਅਹੁਦਿਆਂ ’ਚੋਂ 2027 ਸਥਾਈ ਅਧਿਆਪਕ ਹਨ ਅਤੇ ਅਧਿਆਪਕਾਂ ਦੇ 2034 ਅਹੁਦੇ ਖਾਲੀ ਹਨ। ਡਰਾਇੰਗ, ਲਾਇਬ੍ਰੇਰੀ ਅਤੇ ਘਰ ਵਿਗਿਆਨ ਦੇ ਲੜੀਵਾਰ : 439, 202 ਅਤੇ 399 ਅਹੁਦੇ ਖਾਲੀ ਪਏ ਹਨ।
ਆਰ. ਟੀ. ਆਈ. ਅਨੁਸਾਰ ਉੱਥੇ ਹੀ 11ਵੀਂ ਅਤੇ 12ਵੀਂ ਜਮਾਤ ਨੂੰ ਪੜ੍ਹਾਉਣ ਵਾਲੇ ਪੀ. ਜੀ. ਟੀ. ਅਧਿਆਪਕਾਂ ਦੀ ਗੱਲ ਕਰੀਏ ਤਾਂ 26 ਸਤੰਬਰ 2019 ਤੱਕ ਅੰਗਰੇਜ਼ੀ ਦੇ ਪੀ. ਟੀ. ਜੀ. ਅਧਿਆਪਕਾਂ ਦੇ 42 ਅਹੁਦੇ ਖਾਲੀ ਪਏ ਹਨ, ਜਦੋਂਕਿ ਇਸ ਭਾਸ਼ਾ ਲਈ ਅਹੁਦਿਆਂ ਦੀ ਗਿਣਤੀ 1822 ਹੈ, ਜਿਸ ’ਚ ਸਥਾਈ ਅਧਿਆਪਕ 1399 ਹਨ ਅਤੇ ਮਹਿਮਾਨ ਅਧਿਆਪਕ 381 ਹਨ। ਹਿਸਾਬ ਦੇ 823 ਅਹੁਦੇ ਮਨਜ਼ੂਰ ਹਨ, ਜਿਸ ’ਚੋਂ 494 ਸਥਾਈ ਅਧਿਆਪਕ ਅਤੇ 226 ਮਹਿਮਾਨ ਅਧਿਆਪਕ ਇਸ ਵਿਸ਼ੇ ਨੂੰ ਪੜ੍ਹਾ ਰਹੇ ਹਨ।
ਵੱਖ-ਵੱਖ ਸਕੂਲਾਂ ’ਚ ਕਾਮਰਸ ਦੇ 129 ਅਧਿਆਪਕਾਂ ਦੀ ਕਮੀ ਹੈ। ਇਸ ਵਿਸ਼ੇ ਲਈ 1056 ਅਹੁਦੇ ਮਨਜ਼ੂਰ ਹਨ, ਜਿਸ ’ਚੋਂ 663 ਸਥਾਈ ਅਧਿਆਪਕ ਅਤੇ 264 ਮਹਿਮਾਨ ਅਧਿਆਪਕ ਨਿਯੁਕਤ ਹਨ। ਜਮਾਤ 11ਵੀਂ ਅਤੇ 12ਵੀਂ ’ਚ ਅਰਥ ਸ਼ਾਸਤਰ ਪੜ੍ਹਾਉਣ ਵਾਲੇ 21 ਅਧਿਆਪਕਾਂ ਦੀ ਕਮੀ ਹੈ। ਰਾਜਨੀਤੀ ਵਿਗਿਆਨ ਦੇ 9, ਕਮਿਸਟਰੀ ਦੇ 33, ਫਿਜ਼ੀਕਸ ਦੇ 47, ਬਾਇਓਲੋਜੀ ਲਈ 46 ਅਧਿਆਪਕਾਂ ਦੀ ਕਮੀ ਹੈ।
ਆਰ. ਟੀ. ਆਈ. ਮੁਤਾਬਕ ਸਿੱਖਿਆ ਵਿਭਾਗ ’ਚ 31 ਅਗਸਤ 2019 ਤੱਕ ਪ੍ਰਿੰਸੀਪਲ ਦੇ 711 ਅਤੇ ਉਪ ਪ੍ਰਿੰਸੀਪਲ ਦੇ 419 ਅਹੁਦੇ ਖਾਲੀ ਪਏ ਹਨ, ਹਾਲਾਂਕਿ ਸਿੱਖਿਆ ਵਿਭਾਗ ਨੇ ਦੱਸਿਆ ਕਿ ਉਸ ਨੇ ਸਿੱਧੀ ਭਰਤੀ ਕੋਟੇ ਦੇ ਤਹਿਤ ਟੀ. ਜੀ. ਟੀ./ਟੀ. ਜੀ. ਟੀ. (ਐੱਮ. ਆਈ. ਐੱਲ. ਕੇ.) 9981 ਅਹੁਦਿਆਂ ’ਤੇ ਭਰਤੀ ਲਈ ਦਿੱਲੀ ਸਟਾਫ ਸਿਲੈਕਸ਼ਨ ਬੋਰਡ (ਡੀ. ਐੱਸ. ਐੱਸ. ਬੀ) ਨੂੰ ਇਕ ਪੱਤਰ ਭੇਜਿਆ ਗਿਆ ਹੈ। ਸਾਲ 2017-18 ਅਤੇ 2018-19 ਲਈ ਵਿਭਾਗ ਤਰੱਕੀ ਕੋਟੇ ਦੇ ਤਹਿਤ ਟੀ. ਜੀ. ਟੀ./ਟੀ. ਜੀ. ਟੀ. (ਐੱਮ. ਆਈ. ਐੱਲ.) ਦੇ 1760 ਅਹੁਦੇ ਖਾਲੀ ਹਨ।
ਵਿਭਾਗ ਫੀਡਰ ਕੇਡਰ ਵਲੋਂ ਅਰਜ਼ੀ ਦੇਣ ਲਈ 2 ਸਤੰਬਰ 2019 ਨੂੰ ਪਹਿਲਾਂ ਹੀ ਨੋਟੀਫਿਕੇਸ਼ਨ ਜਾਰੀ ਕਰ ਚੁੱਕਾ ਹੈ। ਇਸ ਸਬੰਧ ’ਚ ਦਿੱਲੀ ਸਰਕਾਰ ਦੇ ਬੁਲਾਰੇ ਅਤੇ ਸਿੱਖਿਆ ਮੰਤਰੀ ਦਾ ਅਹੁਦਾ ਸੰਭਾਲ ਰਹੇ ਉਪ ਮੁੱਖ ਮੰਤਰੀ ਮਨੀਸ਼ ਸਿਸੋਦੀਆ ਨਾਲ ਗੱਲ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ। ਸਿਸੋਦੀਆ ਨੂੰ ਈ-ਮੇਲ ’ਤੇ ਸਵਾਲ ਭੇਜੇ ਗਏ। ਹਾਲਾਂਕਿ ਹੁਣ ਤੱਕ ਉਨ੍ਹਾਂ ਦਾ ਜਵਾਬ ਨਹੀਂ ਮਿਲਿਆ ਹੈ।
ਜੰਮੂ-ਕਸ਼ਮੀਰ : ਹਿਰਾਸਤ 'ਚ ਰੱਖੇ ਗਏ ਆਗੂਆਂ ਕੋਲੋਂ 11 ਮੋਬਾਇਲ ਫੋਨ ਬਰਾਮਦ
NEXT STORY