ਫਰੀਦਾਬਾਦ : ਹਰਿਆਣਾ 'ਚ ਇਸ ਸਮੇਂ ਜਿੱਥੇ ਚੋਣ ਪ੍ਰਚਾਰ ਸਿਖਰਾਂ 'ਤੇ ਹੈ, ਉਥੇ ਹੀ ਫਰੀਦਾਬਾਦ ਪੁਲਸ ਵੀ ਚੋਣਾਂ ਦੌਰਾਨ ਚੌਕਸ ਨਜ਼ਰ ਆ ਰਹੀ ਹੈ। ਫਰੀਦਾਬਾਦ ਪੁਲਸ ਨੇ ਸ਼ਹਿਰ ਦੇ ਵੱਖ-ਵੱਖ ਇਲਾਕਿਆਂ 'ਚ ਕਈ ਨਾਕੇ ਲਗਾਏ ਹਨ, ਜਿਨ੍ਹਾਂ 'ਚ ਪੁਲਸ ਹਰ ਸ਼ੱਕੀ ਵਾਹਨ ਦੀ ਜਾਂਚ ਅਤੇ ਚੈਕਿੰਗ ਕਰ ਰਹੀ ਹੈ। ਇਸੇ ਲੜੀ ਤਹਿਤ ਫਰੀਦਾਬਾਦ ਦੇ ਸਰਾਏ ਖਵਾਜਾ ਟੋਲ ਨੇੜੇ ਚੈਕਿੰਗ ਦੌਰਾਨ ਸਰਾਏ ਪੁਲਸ ਨੇ ਦੋ ਵੱਖ-ਵੱਖ ਵਾਹਨਾਂ 'ਚੋਂ 2 ਕਰੋੜ 70 ਲੱਖ ਰੁਪਏ ਦੀ ਨਕਦੀ ਬਰਾਮਦ ਕੀਤੀ, ਜਿਸ 'ਚ ਇਕ ਕਾਰ 'ਚ 2.5 ਕਰੋੜ ਰੁਪਏ ਲਿਜਾਏ ਜਾ ਰਹੇ ਸਨ, ਜਦਕਿ ਦੂਜੀ ਗੱਡੀ 'ਚ ਵੀ 20 ਲੱਖ ਰੁਪਏ ਸਨ। ਸਥਾਨਕ ਪੁਲਸ ਨੇ ਚੈਕਿੰਗ ਦੌਰਾਨ ਸਾਰੀ ਨਕਦੀ ਨੂੰ ਆਪਣੇ ਕਬਜ਼ੇ ਵਿਚ ਲੈ ਲਿਆ।
ਇਹ ਵੀ ਪੜ੍ਹੋ - Online ਗੇਮ 'ਚ ਗਵਾ 'ਤੇ 96 ਲੱਖ, ਹੁਣ ਪਰਿਵਾਰ ਨੇ ਵੀ ਮੋੜ ਲਿਆ ਮੂੰਹ, ਨੌਜਵਾਨ ਨੇ ਰੋ-ਰੋ ਦੱਸੀ ਹੱਡੀ ਬੀਤੀ
ਇਸ ਮਾਮਲੇ ਦੇ ਸਬੰਧ ਵਿਚ ਜਦੋਂ ਪੁਲਸ ਨੇ ਢਾਈ ਕਰੋੜ ਰੁਪਏ ਲੈ ਕੇ ਜਾ ਰਹੇ ਡਰਾਈਵਰ ਤੋਂ ਪੁੱਛ-ਪੜਤਾਲ ਕੀਤੀ ਤਾਂ ਉਸ ਨੇ ਦੱਸਿਆ ਕਿ ਇਹ ਨੋਇਡਾ ਦੀ ਇੱਕ ਕੰਸਟਰੱਕਸ਼ਨ ਕੰਪਨੀ ਦਾ ਪੈਸਾ ਹੈ। ਪਰ ਇਹ ਪੈਸਾ ਕਿੱਥੇ ਅਤੇ ਕਿਸ ਕੋਲ ਜਾ ਰਿਹਾ ਸੀ, ਇਸ ਬਾਰੇ ਫਿਲਹਾਲ ਸਥਾਨਕ ਪੁਲਸ ਜਾਂਚ ਕਰ ਰਹੀ ਹੈ। ਕਾਰ ਵਿਚੋਂ ਬਰਾਮਦ ਹੋਏ ਪੈਸੇ ਗਿਣਨ ਲਈ ਪੁਲਸ ਨੇ ਨੋਟ ਗਿਣਨ ਵਾਲੀ ਮਸ਼ੀਨ ਮੰਗਵਾਈ ਅਤੇ ਇਸ ਸਾਰੇ ਪੈਸੇ ਦੀ ਜਾਣਕਾਰੀ ਇਨਕਮ ਟੈਕਸ ਵਿਭਾਗ ਨੂੰ ਦਿੱਤੀ। ਫਿਲਹਾਲ ਪੁਲਸ ਨੇ ਸਾਰੇ ਪੈਸੇ ਜ਼ਬਤ ਕਰਕੇ ਇਨਕਮ ਟੈਕਸ ਵਿਭਾਗ ਨੂੰ ਸੌਂਪ ਦਿੱਤੇ ਹਨ, ਜਿਸ ਵਿਚ ਪੈਸੇ ਦੇ ਸਾਰੇ ਵੇਰਵੇ ਉਸਾਰੀ ਕੰਪਨੀ ਅਤੇ ਹੋਰ ਲੋਕਾਂ ਨੂੰ ਦੇਣੇ ਪੈਣਗੇ। ਹੁਣ ਦੇਖਣ ਵਾਲੀ ਗੱਲ ਇਹ ਹੈ ਕਿ ਇਹ ਲੋਕ ਇੰਨੀ ਨਕਦੀ ਕਿੱਥੋਂ ਅਤੇ ਕਿਸ ਕੋਲ ਲੈ ਰਹੇ ਸਨ।
ਇਹ ਵੀ ਪੜ੍ਹੋ - 20 ਸਤੰਬਰ ਨੂੰ ਸਿਰਫ਼ 99 ਰੁਪਏ 'ਚ ਦੇਖੋ Movie, ਇੰਝ ਬੁੱਕ ਕਰੋ ਟਿਕਟ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
iPhone 16 ਖ਼ਰੀਦਣ ਲਈ 21 ਘੰਟੇ ਲਾਈਨ 'ਚ ਖੜ੍ਹਾ ਰਿਹਾ ਵਿਅਕਤੀ, ਕਿਹਾ- ਸ਼ਾਨਦਾਰ ਆਫਰਸ ਨੇ ਕੀਤਾ ਆਕਰਸ਼ਿਤ
NEXT STORY 
