ਵੈੱਬ ਡੈਸਕ- ਅਕਸਰ ਜਦੋਂ ਹਰ ਮਹੀਨੇ ਬਿਜਲੀ ਦਾ ਬਿੱਲ ਆਉਂਦਾ ਹੈ, ਤਾਂ ਜ਼ਿਆਦਾਤਰ ਲੋਕ ਇਹ ਦੇਖ ਕੇ ਹੈਰਾਨ ਰਹਿ ਜਾਂਦੇ ਹਨ ਕਿ ਬਿੱਲ ਇੰਨਾ ਜ਼ਿਆਦਾ ਕਿਵੇਂ ਆ ਗਿਆ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਤੁਹਾਡੇ ਘਰ ਲੱਗਿਆ ਬਿਜਲੀ ਦਾ ਮੀਟਰ ਖੁਦ ਤੁਹਾਨੂੰ ਇਨ੍ਹਾਂ ਗਲਤੀਆਂ ਬਾਰੇ ਸੁਚੇਤ ਕਰਦਾ ਹੈ? ਮੀਟਰ ਦੀ ਡਿਸਪਲੇਅ ਦੇ ਹੇਠਾਂ ਲੱਗੀਆਂ ਹਰੀਆਂ, ਪੀਲੀਆਂ ਅਤੇ ਲਾਲ ਰੰਗ ਦੀਆਂ ਛੋਟੀਆਂ LED ਲਾਈਟਾਂ ਅਸਲ 'ਚ ਖਾਸ ਸੰਕੇਤ ਹੁੰਦੇ ਹਨ, ਜਿਨ੍ਹਾਂ ਨੂੰ ਸਮਝ ਕੇ ਤੁਸੀਂ ਭਾਰੀ ਬਿੱਲ ਅਤੇ ਸ਼ਾਰਟ ਸਰਕਟ ਵਰਗੇ ਖਤਰਿਆਂ ਤੋਂ ਬਚ ਸਕਦੇ ਹੋ।
ਕਿਹੜੀ ਲਾਈਟ ਦਾ ਕੀ ਹੈ ਮਤਲਬ?
ਪਾਵਰ ਸਪਲਾਈ ਦੀ ਪਛਾਣ (ਹਰੀ ਜਾਂ ਲਾਲ ਲਾਈਟ): ਮੀਟਰ ''ਚ ਲਗਾਤਾਰ ਜਗਣ ਵਾਲੀ ਲਾਲ ਜਾਂ ਹਰੀ ਲਾਈਟ ਇਹ ਦੱਸਦੀ ਹੈ ਕਿ ਬਿਜਲੀ ਦੇ ਖੰਭੇ ਤੋਂ ਤੁਹਾਡੇ ਮੀਟਰ ਤੱਕ ਸਪਲਾਈ ਬਿਲਕੁਲ ਸਹੀ ਪਹੁੰਚ ਰਹੀ ਹੈ। ਜੇਕਰ ਬਿਜਲੀ ਕੱਟ ਲੱਗ ਜਾਵੇ, ਤਾਂ ਇਹ ਲਾਈਟ ਜਗਣੀ ਬੰਦ ਹੋ ਜਾਂਦੀ ਹੈ ।
ਬਿਜਲੀ ਦੀ ਖਪਤ ਦਾ ਸੰਕੇਤ (ਪਲਸ ਇੰਡੀਕੇਟਰ): ਮੀਟਰ 'ਚ ਇਕ ਲਾਲ ਜਾਂ ਨੀਲੇ ਰੰਗ ਦੀ ਲਾਈਟ ਹੁੰਦੀ ਹੈ ਜੋ ਲਗਾਤਾਰ ਝਪਕਦੀ (Blink) ਰਹਿੰਦੀ ਹੈ। ਜੇਕਰ ਤੁਹਾਡੇ ਘਰ 'ਚ AC, ਹੀਟਰ ਜਾਂ ਵਾਟਰ ਪੰਪ ਵਰਗੇ ਭਾਰੀ ਉਪਕਰਣ ਚੱਲ ਰਹੇ ਹਨ, ਤਾਂ ਇਹ ਲਾਈਟ ਬਹੁਤ ਤੇਜ਼ੀ ਨਾਲ ਝਪਕਦੀ ਹੈ, ਜਿਸਦਾ ਮਤਲਬ ਹੈ ਕਿ ਬਿਜਲੀ ਤੇਜ਼ੀ ਨਾਲ ਖਰਚ ਹੋ ਰਹੀ ਹੈ। ਜੇਕਰ ਇਹ ਹੌਲੀ-ਹੌਲੀ ਝਪਕੇ, ਤਾਂ ਬਿਜਲੀ ਦੀ ਖਪਤ ਆਮ ਹੈ। ਆਮ ਤੌਰ 'ਤੇ ਮੀਟਰ 'ਤੇ 3200 imp/kWh ਲਿਖਿਆ ਹੁੰਦਾ ਹੈ, ਜਿਸ ਦਾ ਮਤਲਬ ਹੈ ਕਿ 3200 ਵਾਰ ਲਾਈਟ ਝਪਕਣ 'ਤੇ 1 ਯੂਨਿਟ ਬਿਜਲੀ ਖਰਚ ਹੁੰਦੀ ਹੈ।
ਚਿਤਾਵਨੀ ਦਾ ਸੰਕੇਤ (ਪੀਲੀ ਲਾਈਟ): ਮੀਟਰ 'ਚ ਜਲਣ ਵਾਲੀ ਪੀਲੀ ਲਾਈਟ ਸਭ ਤੋਂ ਮਹੱਤਵਪੂਰਨ ਹੈ। ਇਹ ਉਦੋਂ ਜਗਦੀ ਹੈ ਜਦੋਂ ਤੁਹਾਡੇ ਘਰ ਦੀ ਇੰਟਰਨਲ ਵਾਇਰਿੰਗ 'ਚ ਕੋਈ ਨੁਕਸ, ਕਰੰਟ ਲੀਕੇਜ ਜਾਂ ਸ਼ਾਰਟ ਸਰਕਟ ਹੋਵੇ। ਜੇਕਰ ਘਰ ਦੇ ਸਾਰੇ ਉਪਕਰਣ ਬੰਦ ਹੋਣ ਦੇ ਬਾਵਜੂਦ ਇਹ ਲਾਈਟ ਜਗ ਰਹੀ ਹੈ, ਤਾਂ ਤੁਰੰਤ ਇਲੈਕਟ੍ਰੀਸ਼ੀਅਨ ਨੂੰ ਬੁਲਾਓ, ਕਿਉਂਕਿ ਇਸ ਨਾਲ ਅੱਗ ਲੱਗਣ ਦਾ ਖਤਰਾ ਹੋ ਸਕਦਾ ਹੈ ਅਤੇ ਫਾਲਤੂ ਬਿਜਲੀ ਬਿੱਲ ਵੀ ਵਧ ਸਕਦਾ ਹੈ।
ਟੈਂਪਰ ਲਾਈਟ (ਛੇੜਛਾੜ ਦਾ ਸੰਕੇਤ): ਕੁਝ ਮੀਟਰਾਂ 'ਚ ਲਾਲ ਜਾਂ ਪੀਲੇ ਰੰਗ ਦੀ ਇਕ 'ਟੈਂਪਰ ਲਾਈਟ' ਹੁੰਦੀ ਹੈ। ਇਸ ਦਾ ਮਤਲਬ ਹੈ ਕਿ ਮੀਟਰ ਨਾਲ ਕਿਸੇ ਤਰ੍ਹਾਂ ਦੀ ਛੇੜਛਾੜ ਕੀਤੀ ਗਈ ਹੈ। ਇਸ ਨੂੰ ਦੇਖ ਕੇ ਲਾਈਨਮੈਨ ਆਸਾਨੀ ਨਾਲ ਸਮਝ ਸਕਦਾ ਹੈ ਕਿ ਮੀਟਰ ਦੀ ਸੁਰੱਖਿਆ ਨਾਲ ਸਮਝੌਤਾ ਹੋਇਆ ਹੈ। ਬਿਜਲੀ ਵਿਭਾਗ (UPPCL) ਅਨੁਸਾਰ, ਇਨ੍ਹਾਂ ਲਾਈਟਾਂ ਵੱਲ ਧਿਆਨ ਦੇ ਕੇ ਉਪਭੋਗਤਾ ਨਾ ਸਿਰਫ ਆਪਣਾ ਬਿੱਲ ਘਟਾ ਸਕਦੇ ਹਨ, ਸਗੋਂ ਵੱਡੇ ਹਾਦਸਿਆਂ ਤੋਂ ਵੀ ਬਚ ਸਕਦੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਜੈਪੁਰ 'ਚ CM ਦੇ ਕਾਫ਼ਲੇ ਦੇ ਲਾਂਘੇ ਲਈ ਰੋਕੀਆਂ ਗੱਡੀਆਂ 'ਚ ਜਾ ਵੱਜੀ ਬੱਸ ! 8 ਕਾਰਾਂ ਦੇ ਉੱਡੇ ਪਰਖੱਚੇ, 6 ਜ਼ਖ਼ਮੀ
NEXT STORY 
