'ਗਣਪਤੀ ਬੱਪਾ ਮੋਰੀਆ' ਦੇ ਜੈਕਾਰਿਆਂ ਨਾਲ ਗੂੰਜੀ ਮੁੰਬਈ; 11 ਦਿਨਾਂ ਗਣੇਸ਼ ਉਤਸਵ ਸ਼ੁਰੂ

ਮੁੰਬਈ : ਮੁੰਬਈ ਵਿੱਚ 11 ਦਿਨਾਂ ਦੇ ਗਣੇਸ਼ਉਤਸਵ ਦੀ ਸ਼ੁਰੂਆਤ ਹੋ ਗਈ, ਜਿਸ ਕਾਰਨ ਸੋਮਵਾਰ ਨੂੰ ਇੱਥੋਂ ਦੀਆਂ ਗਲੀਆਂ "ਗਣਪਤੀ ਬੱਪਾ ਮੋਰਿਆ" ਦੇ ਜੈਕਾਰਿਆਂ ਨਾਲ ਗੂੰਜ ਉੱਠੀਆਂ। ਢੋਲ-ਨਗਾੜੇ ਦੇ ਵਿਚਕਾਰ ਵੱਡੀ ਗਿਣਤੀ ਵਿਚ ਸ਼ਰਧਾਲੂ ਭਗਵਾਨ ਗਣੇਸ਼ ਦੀਆਂ ਛੋਟੀਆਂ-ਵੱਡੀਆਂ ਮੂਰਤੀਆਂ ਨੂੰ ਆਪਣੇ ਘਰਾਂ ਅਤੇ ਮੁਹੱਲੇ ਦੇ ਪੰਡਾਲਾਂ ਵਿੱਚ ਲੈ ਕੇ ਜਾਂਦੇ ਹੋਏ ਨਜ਼ਰ ਆਏ। ਮੁੰਬਈ ਦੀਆਂ ਤੰਗ ਗਲੀਆਂ ਤੋਂ ਲੈ ਕੇ ਮਨਮੋਹਕ ਕਲਾਕ੍ਰਿਤੀਆਂ ਨਾਲ ਸਜੇ ਵਿਸ਼ਾਲ ਮੁਹੱਲਾ ਪੰਡਾਲਾਂ ਤੱਕ, ਭਗਵਾਨ ਗਣੇਸ਼ ਦੇ ਸਵਾਗਤ ਦੀਆਂ ਤਿਆਰੀਆਂ ਹਰ ਪਾਸੇ ਦਿਖਾਈ ਦੇ ਰਹੀਆਂ ਹਨ।

ਇਹ ਵੀ ਪੜ੍ਹੋ : ਸਿਰਫ਼ 1 ਰੁਪਏ ਤੇ 5 ਕੱਪੜਿਆਂ 'ਚ ਹੋਵੇਗਾ ਵਿਆਹ ! ਬਰਾਤ 'ਚ ਜਾਣਗੇ 51 ਬੰਦੇ, ਮਹਾਪੰਚਾਇਤ ਨੇ ਸੁਣਾਇਆ ਫ਼ੈਸਲਾ

ਭਗਵਾਨ ਗਣੇਸ਼ ਜੀ ਦੇ ਆਗਮਨ ਨਾਲ ਪੂਰਾ ਸ਼ਹਿਰ ਸ਼ਰਧਾ, ਭਗਤੀ ਅਤੇ ਅਤੇ ਜਸ਼ਨ ਦੇ ਧਾਗੇ ਵਿੱਚ ਬੰਨ੍ਹ ਦਿੱਤਾ ਹੈ। ਗਣੇਸ਼ਉਤਸਵ ਅਨੰਤ ਚਤੁਰਦਸ਼ੀ (25 ਸਤੰਬਰ) ਨੂੰ ਸਮਾਪਤ ਹੋਵੇਗਾ। ਇਸ ਦਿਨ ਸ਼ਰਧਾਲੂ ਵਿਸ਼ਾਲ ਸ਼ੋਭਾ ਯਾਤਰਾ ਰਾਹੀਂ ਗਣਪਤੀ ਮੂਰਤੀਆਂ ਨੂੰ ਸ਼ਹਿਰ ਦੇ ਸਮੁੰਦਰੀ ਕੰਢਿਆਂ 'ਤੇ ਲੈ ਕੇ ਜਾਣਗੇ ਅਤੇ ਪੂਰੀ ਸ਼ਰਧਾ ਨਾਲ ਉਨ੍ਹਾਂ ਦਾ ਵਿਸਰਜਨ ਕਰਨਗੇ। ਵੱਡੇ ਗਣੇਸ਼ ਮੰਡਲਾਂ ਨੇ ਜਿਥੇਂ ਪਿਛਲੇ ਕੁਝ ਹਫ਼ਤਿਆਂ ਤੋਂ ਪੰਡਾਲਾਂ ਵਿੱਚ ਆਪਣੀਆਂ ਵੱਡੀਆਂ ਮੂਰਤੀਆਂ ਸਥਾਪਿਤ ਕੀਤੀਆਂ ਸਨ, ਉਥੇ ਛੋਟੇ ਮੰਡਲਾਂ ਅਤੇ ਪਰਿਵਾਰਾਂ ਨੇ ਐਤਵਾਰ ਰਾਤ ਨੂੰ ਭਗਤੀ ਗੀਤਾਂ, ਮੰਤਰਾਂ, ਢੋਲ-ਨਗਾੜਿਆਂ ਅਤੇ ਗੁਲਾਲ ਦੇ ਵਿਚਕਾਰ ਆਪਣੀ ਮੂਰਤੀ ਘਰ ਲਿਆਉਣ ਦੀ ਪਰੰਪਰਾ ਨੂੰ ਜਾਰੀ ਰੱਖਿਆ।

ਇਹ ਵੀ ਪੜ੍ਹੋ : ਕਾਂਗਰਸ ਆਗੂ ਹਰੀਸ਼ ਰਾਵਤ ਨੇ ਪਾਰਟੀ ਦੇ ਸਾਰੇ ਅਹੁਦਿਆਂ ਤੋਂ ਅਸਤੀਫਾ ਦੇਣ ਦਾ ਕੀਤਾ ਐਲਾਨ, ਜਾਣੋ ਵਜ੍ਹਾ

ਤਿਉਹਾਰ ਦੀ ਸ਼ੁਰੂਆਤ ਅਧਿਕਾਰਤ ਤੌਰ 'ਤੇ "ਪ੍ਰਾਣ ਪ੍ਰਤਿਸ਼ਠਾ" ਸਮਾਰੋਹ ਨਾਲ ਹੋਈ। ਪਰਿਵਾਰਾਂ ਅਤੇ ਆਂਢ-ਗੁਆਂਢ ਦੇ ਸਮੂਹਾਂ ਨੇ ਭਗਵਾਨ ਗਣੇਸ਼ ਦੀਆਂ ਮੂਰਤੀਆਂ ਨੂੰ ਪ੍ਰਾਰਥਨਾ, ਆਰਤੀ ਅਤੇ ਮੰਤਰਾਂ ਦੇ ਜਾਪ ਨਾਲ ਰਸਮੀ ਤੌਰ 'ਤੇ ਪਵਿੱਤਰ ਕੀਤਾ। ਲਾਲਬਾਗ, ਪਰੇਲ, ਗਿਰਗਾਓਂ, ਅੰਧੇਰੀ, ਚੈਂਬੂਰ ਅਤੇ ਕਿਲ੍ਹਾ ਵਰਗੇ ਪ੍ਰਮੁੱਖ ਖੇਤਰ ਰੰਗ-ਬਿਰੰਗੀਆਂ ਲਾਈਟਾਂ ਨਾਲ ਜਗਮਗਾ ਰਹੇ ਹਨ। ਦਾਦਰ, ਕ੍ਰਾਫੋਰਡ ਮਾਰਕੀਟ ਅਤੇ ਲੋਹਾਰ ਚਾਵਲ ਦੇ ਬਾਜ਼ਾਰਾਂ ਵਿੱਚ ਵੀ ਤਿਉਹਾਰਾਂ ਦਾ ਮਾਹੌਲ ਸਾਫ਼ ਦਿਖਾਈ ਦੇ ਰਿਹਾ ਹੈ, ਜਿੱਥੇ ਸ਼ਰਧਾਲੂਆਂ ਦੀ ਵੱਡੀ ਭੀੜ ਖਰੀਦਦਾਰੀ ਲਈ ਆ ਰਹੀ ਹੈ। ਲੋਕ ਰਵਾਇਤੀ 'ਮੱਖਰ' (ਦੇਵਤਿਆਂ ਲਈ ਆਸਣ), ਫੁੱਲਾਂ ਦੇ ਹਾਰ, ਮਠਿਆਈਆਂ ਅਤੇ ਰਸਮੀ ਸਮਾਨ ਖਰੀਦ ਰਹੇ ਹਨ। ਲਾਲਬਾਗ ਗਣੇਸ਼ਉਤਸਵ ਲਈ ਇੱਕ ਪ੍ਰਮੁੱਖ ਕੇਂਦਰ ਬਣਿਆ ਹੋਇਆ ਹੈ।

ਇਹ ਵੀ ਪੜ੍ਹੋ : 1 ਕਰੋੜ ਔਰਤਾਂ ਦੇ ਖਾਤੇ 'ਚ ਆਉਣਗੇ 1-1 ਲੱਖ ਰੁਪਏ; ਚੋਣਾਂ ਤੋਂ ਪਹਿਲਾਂ ਯੋਗੀ ਸਰਕਾਰ ਦਾ ਵੱਡਾ ਐਲਾਨ

ਲਾਲਬਾਗ ਦਾ ਰਾਜਾ, ਚਿੰਚਪੋਕਲੀ, ਗਣੇਸ਼ ਗਲੀ ਅਤੇ ਤੇਜੁਕਾਇਆ ਵਰਗੇ ਮਸ਼ਹੂਰ ਪੰਡਾਲਾਂ ਵਿੱਚ ਗਣਪਤੀ ਦੇ ਦਰਸ਼ਨ ਕਰਨ ਲਈ ਵੱਡੀ ਗਿਣਤੀ ਵਿੱਚ ਸ਼ਰਧਾਲੂ ਪਹੁੰਚ ਰਹੇ ਹਨ। ਮਾਟੁੰਗਾ ਦੇ ਜੀਐਸਬੀ ਸੇਵਾ ਮੰਡਲ ਨੇ ਇੱਕ ਵਾਰ ਫਿਰ ਭਗਵਾਨ ਗਣੇਸ਼ ਦੀ ਮੂਰਤੀ ਨੂੰ ਕੀਮਤੀ ਸੋਨੇ ਦੇ ਗਹਿਣਿਆਂ ਨਾਲ ਸਜਾਇਆ ਹੈ। ਇਨ੍ਹਾਂ ਕੀਮਤੀ ਗਹਿਣਿਆਂ ਅਤੇ ਭੇਟਾਂ ਦੀ ਰੱਖਿਆ ਲਈ ਮੰਡਲ ਨੇ ਕਰੋੜਾਂ ਰੁਪਏ ਦਾ ਬੀਮਾ ਵੀ ਲਿਆ ਹੈ। ਪੂਜਾ ਰਸਮਾਂ ਵਿੱਚ ਹਿੱਸਾ ਲੈਣ ਲਈ ਸ਼ਰਧਾਲੂਆਂ ਦੀਆਂ ਲੰਬੀਆਂ ਕਤਾਰਾਂ ਲੱਗ ਰਹੀਆਂ ਹਨ। ਹੋਰ ਪ੍ਰਮੁੱਖ ਆਕਰਸ਼ਣਾਂ ਵਿੱਚ ਤਿਲਕ ਨਗਰ ਵਿੱਚ ਸਹਿਯਾਦਰੀ ਮੰਡਲ, ਦੱਖਣੀ ਮੁੰਬਈ ਵਿੱਚ ਕਿਲ੍ਹਾ ਵਿਭਾਗ ਸਰਵਜਨਿਕ ਗਣੇਸ਼ ਉਤਸਵ ਮੰਡਲ, ਅੰਧੇਰੀ ਵਿੱਚ ਆਜ਼ਾਦ ਨਗਰ ਸਰਵਜਨਿਕ ਉਤਸਵ ਸਮਿਤੀ ਅਤੇ ਗਿਰਗਾਓਂ ਵਿੱਚ ਖੇਤਵਾੜੀ ਗਣਪਤੀ ਮੰਡਲ ਸ਼ਾਮਲ ਹਨ। ਗਣੇਸ਼ਉਤਸਵ ਦੌਰਾਨ ਸੁਰੱਖਿਆ ਅਤੇ ਕਾਨੂੰਨ ਵਿਵਸਥਾ ਬਣਾਈ ਰੱਖਣ ਲਈ ਮੁੰਬਈ ਵਿੱਚ 16,800 ਤੋਂ ਵੱਧ ਪੁਲਸ ਕਰਮਚਾਰੀ ਤਾਇਨਾਤ ਕੀਤੇ ਗਏ ਹਨ। ਇਨ੍ਹਾਂ ਵਿੱਚ ਸੀਨੀਅਰ ਅਧਿਕਾਰੀ ਅਤੇ ਰੈਪਿਡ ਰਿਸਪਾਂਸ ਟੀਮਾਂ ਸ਼ਾਮਲ ਹਨ।

ਇਹ ਵੀ ਪੜ੍ਹੋ : ਪੰਜਾਬ ਲਿਆਂਦਾ ਗਿਆ ਅੰਮ੍ਰਿਤਪਾਲ, ਕੇਂਦਰੀ ਏਜੰਸੀਆਂ ਅਤੇ ਪੰਜਾਬ ਪੁਲਸ ਨੇ ਕੀਤੀ ਕਾਰਵਾਈ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e