ਵੈੱਬ ਡੈਸਕ- ਸਨਾਤਨ ਧਰਮ 'ਚ ਕੱਚ ਦੀਆਂ ਚੂੜੀਆਂ ਚੰਗੀ ਕਿਸਮਤ ਅਤੇ ਸ਼ੁਭਤਾ ਦਾ ਪ੍ਰਤੀਕ ਹਨ। ਇਸ ਲਈ ਜਦੋਂ ਕੋਈ ਚੂੜੀ ਅਚਾਨਕ ਹੱਥ ਤੋਂ ਡਿੱਗ ਕੇ ਜਾਂ ਪਹਿਨਦੇ ਸਮੇਂ ਟੁੱਟ ਜਾਂਦੀ ਹੈ, ਤਾਂ ਔਰਤਾਂ ਨੂੰ ਕਿਸੇ ਅਣਸੁਖਾਵੀਂ ਘਟਨਾ ਬਾਰੇ ਕਈ ਤਰ੍ਹਾਂ ਦੇ ਸ਼ੱਕ ਹੋਣ ਲੱਗ ਪੈਂਦੇ ਹਨ।
ਹਿੰਦੂ ਪਰੰਪਰਾ 'ਚ ਸੁਹਾਗਨ ਔਰਤਾਂ ਦੇ 16 ਸ਼ਿੰਗਾਰ ਦਾ ਵਿਸ਼ੇਸ਼ ਮਹੱਤਵ ਹੈ। ਇਨ੍ਹਾਂ 'ਚ ਰੰਗੀਨ ਕੱਚ ਦੀਆਂ ਚੂੜੀਆਂ ਸ਼ਾਮਲ ਹਨ, ਜਿਨ੍ਹਾਂ ਨੂੰ ਵਿਆਹੁਤਾ ਖੁਸ਼ੀ ਅਤੇ ਚੰਗੀ ਕਿਸਮਤ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ। ਇਸੇ ਕਰਕੇ, ਜਦੋਂ ਕੋਈ ਚੂੜੀ ਅਚਾਨਕ ਟੁੱਟ ਜਾਂਦੀ ਹੈ, ਤਾਂ ਬਹੁਤ ਸਾਰੀਆਂ ਔਰਤਾਂ ਇਸ ਬਾਰੇ ਚਿੰਤਤ ਹੋ ਜਾਂਦੀਆਂ ਹਨ ਕਿ ਕੀ ਸ਼ੁੱਭ ਹੈ ਜਾਂ ਅਸ਼ੁੱਭ। ਕੀ ਇਹ ਸੱਚਮੁੱਚ ਕਿਸੇ ਅਸ਼ੁੱਭ ਘਟਨਾ ਨਾਲ ਸਬੰਧਤ ਹੈ? ਆਓ ਜਾਣਦੇ ਹਾਂ ਕਿ ਕੱਚ ਦੀ ਚੂੜੀ ਦੇ ਟੁੱਟਣ ਪਿੱਛੇ ਕਿਹੜੀਆਂ ਮਾਨਤਾਵਾਂ ਹਨ।
ਜੋਤਸ਼ੀ ਕੀ ਕਹਿੰਦੇ ਹਨ?
ਜੋਤਸ਼ੀਆਂ ਦੇ ਅਨੁਸਾਰ, ਕੱਚ ਦੀ ਚੂੜੀ ਟੁੱਟਣਾ ਹਮੇਸ਼ਾ ਅਸ਼ੁੱਭ ਨਹੀਂ ਹੁੰਦਾ। ਇਸ ਘਟਨਾ ਇਸ ਗੱਲ ਸੰਕੇਤ ਮੰਨੀ ਜਾਂਦੀ ਹੈ ਕਿ ਸੰਭਾਵੀ ਸੰਕਟ ਜਾਂ ਨਕਾਰਾਤਮਕ ਊਰਜਾ ਦੇ ਪ੍ਰਭਾਵ ਨੂੰ ਚੂੜੀ ਨੇ ਆਪਣੇ ਉੱਪਰ ਲੈ ਲਿਆ ਅਤੇ ਖੁਦ ਟੁੱਟ ਗਈ। ਅਜਿਹੇ 'ਚ ਕਿਸੇ ਵੱਡੀ ਆਫ਼ਤ ਦਾ ਸੰਕੇਤ ਮੰਨੇ ਜਾਣ ਦੀ ਬਜਾਏ, ਇਸ ਨੂੰ ਟਲੀਆਂ ਆਫ਼ਤਾਂ ਦੇ ਸੰਕੇਤ ਵਜੋਂ ਵੀ ਦੇਖਿਆ ਜਾਂਦਾ ਹੈ। ਕੁਝ ਪਰੰਪਰਾਗਤ ਮਾਨਤਾਵਾਂ 'ਚ ਸੁਹਾਗ ਦੀ ਚੂੜੀ ਦਾ ਟੁੱਟਣਾ ਅਸ਼ੁੱਭ ਮੰਨਿਆ ਗਿਆ ਹੈ। ਇਹ ਮੰਨਿਆ ਜਾਂਦਾ ਹੈ ਕਿ ਇਹ ਵਿਆਹਿਕ ਜੀਵਨ 'ਚ ਤਣਾਅ, ਪਰਿਵਾਰਕ ਸਮੱਸਿਆਵਾਂ ਜਾਂ ਨਕਾਰਾਤਮਕ ਊਰਜਾ 'ਚ ਵਾਧੇ ਦਾ ਸੰਕੇਤ ਹੋ ਸਕਦਾ ਹੈ।
ਵਿਗਿਆਨਕ ਨਜ਼ਰੀਆ
ਵਿਗਿਆਨਕ ਨਜ਼ਰੀਏ ਨਾਲ ਦੇਖੀਆ ਤਾਂ ਕੱਚ ਇਕ ਬਹੁਤ ਹੀ ਨਾਜ਼ੁਕ ਸਮੱਗਰੀ ਹੈ। ਘਰੇਲੂ ਕੰਮ ਕਰਦੇ ਸਮੇਂ ਥੋੜ੍ਹਾ ਜਿਹਾ ਦਬਾਅ, ਕਿਸੇ ਚੀਜ਼ ਨਾਲ ਟਕਰਾਉਣ ਜਾਂ ਤਾਪਮਾਨ 'ਚ ਤਬਦੀਲੀ ਵਰਗੇ ਕਾਰਕਾਂ ਕਾਰਨ ਚੂੜੀ ਟੁੱਟ ਸਕਦੀ ਹੈ। ਇਸ ਲਈ, ਇਸ ਨੂੰ ਇਕ ਆਮ ਘਟਨਾ ਵਜੋਂ ਮੰਨਣਾ ਵਧੇਰੇ ਵਿਹਾਰਕ ਮੰਨਿਆ ਜਾਂਦਾ ਹੈ।
ਨੋਟ- ਇਹ ਜਾਣਕਾਰੀ ਧਾਰਮਿਕ ਮਾਨਤਾਵਾਂ ਅਤੇ ਜੋਤਿਸ਼ ਵਿਗਿਆਨ 'ਤੇ ਅਧਾਰਤ ਹੈ। ਜਗਬਾਣੀ ਇਸ ਦੀ ਕੋਈ ਪੁਸ਼ਟੀ ਨਹੀਂ ਕਰਦਾ।
ਓਮ ਬਿਰਲਾ ਨੇ ਸੰਸਦ 'ਚ ਰਚਨਾਤਮਕ ਗੱਲਬਾਤ 'ਤੇ ਸਹਿਯੋਗ ਦੀ ਅਪੀਲ ਕੀਤੀ
NEXT STORY 
