ਨੈਸ਼ਨਲ ਡੈਸਕ- ਆਧਾਰ ਕਾਰਡ ਅੱਜ ਦੇ ਸਮੇਂ ਵਿਚ ਭਾਰਤੀ ਨਾਗਰਿਕਾਂ ਲਈ ਇਕ ਜ਼ਰੂਰੀ ਦਸਤਾਵੇਜ਼ ਬਣ ਚੁੱਕਾ ਹੈ। ਕਈ ਸੇਵਾਵਾਂ ਦਾ ਲਾਭ ਲੈਣ ਅਤੇ ਵੱਖ-ਵੱਖ ਦਸਤਾਵੇਜ਼ਾਂ ਨੂੰ ਪ੍ਰਮਾਣਿਤ ਕਰਨ ਲਈ ਆਧਾਰ ਕਾਰਡ ਨੂੰ ਲਾਜ਼ਮੀ ਬਣਾਇਆ ਗਿਆ ਹੈ। ਇਸ ਦਾ ਇਸਤੇਮਾਲ ਵੱਖ-ਵੱਖ ਸਰਕਾਰੀ ਅਤੇ ਨਿੱਜੀ ਸੇਵਾਵਾਂ ਲਈ ਹੁੰਦਾ ਹੈ। ਇਸ ਲਈ ਤੁਹਾਡੇ ਆਧਾਰ ਕਾਰਡ 'ਤੇ ਤੁਹਾਡਾ ਮੋਬਾਈਲ ਨੰਬਰ ਅਪ-ਟੂ-ਡੇਟ ਹੋਣਾ ਬਹੁਤ ਜ਼ਰੂਰੀ ਹੈ। ਜੇਕਰ ਤੁਸੀਂ ਵੀ ਆਪਣੇ ਆਧਾਰ ਕਾਰਡ 'ਚ ਮੋਬਾਈਲ ਨੰਬਰ ਅਪਡੇਟ ਕਰਨਾ ਹੈ, ਤਾਂ ਇਸ ਲਈ ਤੁਹਾਨੂੰ ਹੇਠਾਂ ਦਿੱਤੇ ਕਦਮਾਂ ਦੀ ਪਾਲਣ ਕਰਨਾ ਹੋਵੇਗੀ।
ਆਨਲਾਈਨ ਢੰਗ ਨਾਲ ਮੋਬਾਈਲ ਨੰਬਰ ਬਦਲਣਾ:
- UIDAI ਵੈਬਸਾਈਟ 'ਤੇ ਜਾਓ।
- "My Aadhaar" ਸੈਕਸ਼ਨ ਵਿੱਚ ਜਾਓ ਅਤੇ "Update Your Aadhaar" 'ਤੇ ਕਲਿਕ ਕਰੋ।
- "Update your mobile number" ਵਿਕਲਪ ਦੀ ਚੋਣ ਕਰੋ।
- ਆਪਣਾ ਆਧਾਰ ਨੰਬਰ ਦਰਜ ਕਰੋ ਅਤੇ OTP ਦੀ ਸਹਾਇਤਾ ਨਾਲ ਲੌਗਇਨ ਕਰੋ।
- ਮੁੜ ਆਪਣਾ ਨਵਾਂ ਮੋਬਾਇਲ ਨੰਬਰ ਦਰਜ ਕਰੋ ਅਤੇ ਫੀਸ ਅਦਾਇਗੀ ਕਰੋ।
- ਇੱਕ OTP ਦੁਆਰਾ ਮੋਬਾਇਲ ਨੰਬਰ ਦੀ ਪੁਸ਼ਟੀ ਕਰੋ। ਇਸ ਪ੍ਰਕਿਰਿਆ ਨੂੰ ਪੂਰਾ ਕਰਨ 'ਤੇ, ਤੁਹਾਡਾ ਮੋਬਾਇਲ ਨੰਬਰ ਆਧਾਰ ਨਾਲ ਅਪਡੇਟ ਹੋ ਜਾਵੇਗਾ।
ਇਹ ਵੀ ਪੜ੍ਹੋ- Positive News: ਮਿੰਟਾਂ ''ਚ ਹੋਵੇਗਾ ਆਧਾਰ ਕਾਰਡ ''ਤੇ ਪਤਾ ਅਪਡੇਟ, ਬਸ ਕਰਨਾ ਹੋਵੇਗਾ ਇਹ ਕੰਮ
ਆਫਲਾਈਨ ਢੰਗ ਨਾਲ ਮੋਬਾਈਲ ਨੰਬਰ ਬਦਲਣਾ:
-ਆਧਾਰ ਸੇਵਾ ਕੇਂਦਰ 'ਤੇ ਜਾਓ: ਆਪਣੇ ਨਜ਼ਦੀਕੀ ਆਧਾਰ ਐਨਰੋਲਮੈਂਟ ਜਾਂ ਅਪਡੇਟ ਸੈਂਟਰ ਤੇ ਜਾਓ।
-ਆਧਾਰ ਅਪਡੇਟ ਫਾਰਮ ਭਰੋ: ਮੋਬਾਈਲ ਨੰਬਰ ਬਦਲਣ ਲਈ ਫਾਰਮ ਭਰੋ ਅਤੇ ਆਪਣਾ ਮੌਜੂਦਾ ਆਧਾਰ ਕਾਰਡ ਅਤੇ ਆਈਡੀ ਪਰੂਫ ਜਿਵੇਂ ਕਿ ਪੈਨ ਕਾਰਡ, ਪਾਸਪੋਰਟ, ਡਰਾਈਵਿੰਗ ਲਾਈਸੈਂਸ, ਵੋਟਰ ਆਈਡੀ ਕਾਰਡ ਨਾਲ ਲਾਓ।
-ਬਾਇਓਮੈਟ੍ਰਿਕ ਵੇਰੀਫਿਕੇਸ਼ਨ ਕਰੋ: ਬਾਇਓਮੈਟ੍ਰਿਕ ਵੇਰੀਫਿਕੇਸ਼ਨ ਦੀ ਪ੍ਰਕਿਰਿਆ ਪੂਰੀ ਕਰੋ ਅਤੇ ਫ਼ੀਸ ਦਾ ਭੁਗਤਾਨ ਕਰੋ।
ਰਸੀਦ ਪ੍ਰਾਪਤ ਕਰੋ: ਜਦੋਂ ਤੁਸੀਂ ਨੰਬਰ ਬਦਲਣ ਲਈ ਅਪਲਾਈ ਕਰਦੇ ਹੋ, ਤੁਹਾਨੂੰ ਇਕ ਰਸੀਦ ਮਿਲੇਗੀ ਜਿਸ 'ਤੇ Update Request Number (URN) ਲਿਖਿਆ ਹੋਵੇਗਾ। ਇਸ ਨੂੰ ਸੰਭਾਲ ਕੇ ਰੱਖੋ।
ਨਵਾਂ ਨੰਬਰ ਅਪਡੇਟ ਹੋਣ ਦਾ ਇੰਤਜ਼ਾਰ ਕਰੋ: ਮੋਬਾਈਲ ਨੰਬਰ ਅਪਡੇਟ ਕਰਨ 'ਚ 2 ਹਫ਼ਤੇ ਤੱਕ ਦਾ ਸਮਾਂ ਲੱਗ ਸਕਦਾ ਹੈ।
ਮਹੱਤਵਪੂਰਨ ਗੱਲ: ਤੁਸੀਂ UIDAI ਦੇ ਹੈਲਪਲਾਈਨ ਨੰਬਰ 1947 'ਤੇ ਕਾਲ ਕਰ ਕੇ ਵੀ ਆਪਣੀ ਆਧਾਰ ਸਬੰਧੀ ਜਾਣਕਾਰੀ ਅਪਡੇਟ ਕਰਾਉਣ ਬਾਰੇ ਜਾਣਕਾਰੀ ਪ੍ਰਾਪਤ ਕਰ ਸਕਦੇ ਹੋ।
ਕਿੰਨੀ ਲੱਗੇਗੀ ਫੀਸ
ਆਧਾਰ ਕਾਰਡ ਨਾਲ ਮੋਬਾਈਲ ਨੰਬਰ ਨੂੰ ਅਪਡੇਟ ਕਰਨ ਲਈ ਆਧਾਰ ਸੇਵਾ ਕੇਂਦਰ 'ਤੇ ਇਕ ਨਿਰਧਾਰਤ ਫੀਸ 50 ਰੁਪਏ (ਟੈਕਸ ਸਮੇਤ) ਹੈ। ਇਹ ਫੀਸ ਆਧਾਰ ਅਪਡੇਟ (ਮੋਬਾਈਲ ਨੰਬਰ ਜਾਂ ਹੋਰ ਡੈਮੋਗ੍ਰਾਫਿਕ ਵੇਰਵੇ) ਲਈ ਹੁੰਦੀ ਹੈ। ਜੇਕਰ ਤੁਸੀਂ UIDAI ਦੀ ਵੈਬਸਾਈਟ ਰਾਹੀਂ ਅਪਡੇਟ ਕਰਦੇ ਹੋ, ਤਾਂ ਕੁਝ ਕੇਸਾਂ ਵਿਚ ਆਨਲਾਈਨ ਅਪਡੇਟ ਕਰਨ 'ਤੇ ਵੀ ਇਹ ਫੀਸ ਲਾਗੂ ਹੋ ਸਕਦੀ ਹੈ।
ਪਾਰਟੀ ਚਾਹੇਗੀ ਤਾਂ ਅਗਲੀ ਮੁਲਾਕਾਤ ਮੁੱਖ ਮੰਤਰੀ ਵਜੋਂ ਹੋਵੇਗੀ : ਅਨਿਲ ਵਿਜ
NEXT STORY 
