ਫਰੀਦਾਬਾਦ: ਮੋਟੀ ਕਮਾਈ ਦਾ ਲਾਲਚ ਦੇ ਕੇ ਅਣਗਿਣਤ ਲੋਕਾਂ ਨੂੰ ਠੱਗਿਆ, 25 ਕਰੋੜ ਲੈ ਕੇ ਫਰਾਰ

Updated: 23 Aug, 2020 12:50 AM

hundreds of people duped by greed for big money absconding with 25 crores

ਫਰੀਦਾਬਾਦ - ਦਿੱਲੀ ਨਾਲ ਲੱਗਦੇ ਫਰੀਦਾਬਾਦ 'ਚ ਇੱਕ ਅਜਿਹਾ ਮਾਮਲਾ ਸਾਹਮਣੇ ਆਇਆ ਹੈ ਜਿਸ 'ਚ ਮੋਟੀ ਕਮਾਈ ਦਾ ਲਾਲਚ ਦੇ ਕੇ ਇੱਕ ਸ਼ਖਸ ਅਣਗਿਣਤ ਲੋਕਾਂ ਦੇ ਗਹਿਣੇ ਲੈ ਕੇ ਰਫੂ ਚੱਕਰ ਹੋ ਗਿਆ। ਦੋਸ਼ੀ ਸ਼ਖਸ ਨੇ ਗਹਿਣੇ ਆਪਣੇ ਕੋਲ ਰੱਖ ਕੇ ਲੋਕਾਂ ਨੂੰ ਕਮਾਈ ਦਾ ਲਾਲਚ ਦਿੱਤਾ ਸੀ।

ਠੱਗੀ ਦਾ ਸ਼ਿਕਾਰ ਹੋਣ ਵਾਲੇ ਲੋਕਾਂ ਦਾ ਕਹਿਣਾ ਹੈ ਕਿ ਦੋਸ਼ੀ ਲੱਗਭੱਗ 25 ਕਰੋੜ ਦੀ ਠੱਗੀ ਕਰ ਪਿਛਲੇ 4 ਮਹੀਨੇ ਤੋਂ ਫਰਾਰ ਹੈ। ਇਸ ਦੀ ਸ਼ਿਕਾਇਤ 'ਤੇ ਪੁਲਸ ਨੇ ਦੋਸ਼ੀ ਜਵੈਲਰ ਖਿਲਾਫ ਐੱਫ.ਆਈ.ਆਰ. ਦਰਜ ਕਰ ਲਈ ਹੈ ਪਰ ਅਜੇ ਤੱਕ ਦੋਸ਼ੀ ਪੁਲਸ ਦੀ ਗ੍ਰਿਫਤ ਤੋਂ ਬਾਹਰ ਹੈ। ਠੱਗੀ ਦਾ ਸ਼ਿਕਾਰ ਹੋਏ ਲੋਕਾਂ ਨੇ ਸ਼ਨੀਵਾਰ ਨੂੰ ਜਵੈਲਰ ਦੀ ਦੁਕਾਨ ਸਾਹਮਣੇ ਪ੍ਰਦਰਸ਼ਨ ਕਰ ਉਸ ਦੀ ਗ੍ਰਿਫਤਾਰੀ ਦੀ ਮੰਗ ਕੀਤੀ।

ਅਸਲ 'ਚ, ਫਰੀਦਾਬਾਦ ਦੇ ਸੈਕਟਰ 7 'ਚ ਸਥਿਤ ਜੈਨ ਸੰਸ ਜਵੈਲਰਜ਼ ਦੇ ਮਾਲਿਕ ਲੋਕੇਸ਼ ਜੈਨ 'ਤੇ 25 ਕਰੋੜ ਰੁਪਏ ਦੀ ਠੱਗੀ ਕਰਣ ਦਾ ਇਲਜ਼ਾਮ ਹੈ। ਪੀਡ਼ਤਾਂ ਦਾ ਦੋਸ਼ ਹੈ ਕਿ ਲੋਕੇਸ਼ ਜੈਨ ਉਨ੍ਹਾਂ ਦੇ ਸੋਨੇ ਦੇ ਗਹਿਣੇ ਨੂੰ ਆਪਣੇ ਕੋਲ ਰੱਖ ਮੋਟੀ ਕਮਾਈ ਦਾ ਲਾਲਚ ਦਿੰਦਾ ਸੀ। ਇੰਨਾ ਹੀ ਨਹੀਂ ਪੀੜਤ ਲੋਕਾਂ ਦਾ ਦੋਸ਼ ਹੈ ਕਿ ਲੋਕੇਸ਼ ਲੱਗਭੱਗ 100 ਲੋਕਾਂ ਦੀ ਕਮੇਟੀ ਵੀ ਚਲਾਉਂਦਾ ਸੀ।

ਅਜਿਹਾ ਕਰ ਉਸ ਨੇ ਕਰੀਬ ਡੇਢ ਸੌ ਲੋਕਾਂ ਨੂੰ ਚੂਨਾ ਲਗਾਇਆ ਅਤੇ 25 ਕਰੋੜ ਲੈ ਕੇ ਫਰਾਰ ਹੋ ਗਿਆ। ਇਸ ਦੀ ਸ਼ਿਕਾਇਤ ਉਨ੍ਹਾਂ ਨੇ ਪੁਲਸ ਨੂੰ ਕੀਤੀ। ਪੁਲਸ ਨੇ ਦੋਸ਼ੀ ਲੋਕੇਸ਼ ਜੈਨ ਖਿਲਾਫ ਐੱਫ.ਆਈ.ਆਰ. ਦਰਜ ਕਰ ਲਈ ਹੈ ਪਰ ਪਿਛਲੇ 4 ਮਹੀਨੇ ਤੋਂ ਲੋਕੇਸ਼ ਜੈਨ ਦੀ ਗ੍ਰਿਫਤਾਰੀ ਨਹੀਂ ਹੋਣ ਕਾਰਨ ਸ਼ਨੀਵਾਰ ਨੂੰ ਲੋਕਾਂ ਦਾ ਗੁੱਸਾ ਫੂਟ ਪਿਆ। ਠੱਗੀ ਦੇ ਸ਼ਿਕਾਰ ਲੋਕਾਂ ਨੇ ਇਕੱਠੇ ਹੋ ਕੇ ਜਵੈਲਰ ਸਾਪ 'ਤੇ ਪਹੁੰਚ ਗਏ ਅਤੇ ਦੋਸ਼ੀ ਲੋਕੇਸ਼ ਜੈਨ ਦੀ ਗ੍ਰਿਫਤਾਰੀ ਦੀ ਮੰਗ ਕਰਨ ਲੱਗੇ। ਉਥੇ ਹੀ ਪੁਲਸ ਇਸ ਮਾਮਲੇ 'ਚ ਟਾਲ ਮਟੋਲ ਕਰਦੀ ਨਜ਼ਰ ਆਈ।

ਭਾਰਤ 'ਚ ਕੋਰੋਨਾ ਵਾਇਰਸ ਟੀਕੇ ਨੂੰ ਲੈ ਕੇ ਸਿਹਤ ਮੰਤਰੀ ਦਾ ਵੱਡਾ ਬਿਆਨ