ਨੈਸ਼ਨਲ ਡੈਸਕ : ਜੇਕਰ ਤੁਹਾਡੀ ਸੈਲਰੀ ਵਿੱਚੋਂ ਪੀਐਫ (PF) ਕੱਟਦਾ ਹੈ, ਤਾਂ ਇਹ ਖ਼ਬਰ ਤੁਹਾਡੇ ਲਈ ਬਹੁਤ ਮਹੱਤਵਪੂਰਨ ਹੈ। ਆਮ ਤੌਰ 'ਤੇ ਪੀਐਫ ਨੂੰ ਸਿਰਫ਼ ਬੁਢਾਪੇ ਦੀ ਲਾਠੀ ਜਾਂ ਬੱਚਤ ਦਾ ਜ਼ਰੀਆ ਮੰਨਿਆ ਜਾਂਦਾ ਹੈ ਪਰ ਬਹੁਤ ਘੱਟ ਲੋਕ ਜਾਣਦੇ ਹਨ ਕਿ ਇਹ ਖਾਤਾ ਤੁਹਾਨੂੰ 7 ਲੱਖ ਰੁਪਏ ਤੱਕ ਦਾ ਮੁਫ਼ਤ ਜੀਵਨ ਬੀਮਾ ਵੀ ਪ੍ਰਦਾਨ ਕਰਦਾ ਹੈ। ਇਹ ਸਹੂਲਤ ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ (EPFO) ਦੀ EDLI (Employees’ Deposit-Linked Insurance) ਸਕੀਮ ਤਹਿਤ ਦਿੱਤੀ ਜਾਂਦੀ ਹੈ।
ਬਿਨਾਂ ਕੋਈ ਪੈਸਾ ਦਿੱਤੇ ਮਿਲਦਾ ਹੈ ਸੁਰੱਖਿਆ ਕਵਚ
ਇਸ ਸਕੀਮ ਦੀ ਸਭ ਤੋਂ ਖਾਸ ਗੱਲ ਇਹ ਹੈ ਕਿ ਇਸ ਦੇ ਲਈ ਕਰਮਚਾਰੀ ਨੂੰ ਆਪਣੀ ਜੇਬ ਵਿੱਚੋਂ ਇੱਕ ਵੀ ਪੈਸਾ ਨਹੀਂ ਦੇਣਾ ਪੈਂਦਾ। ਇਸ ਬੀਮੇ ਦਾ ਪੂਰਾ ਪ੍ਰੀਮੀਅਮ ਕੰਪਨੀ ਜਾਂ ਮਾਲਕ (Employer) ਵੱਲੋਂ ਭਰਿਆ ਜਾਂਦਾ ਹੈ। ਜਿਵੇਂ ਹੀ ਕਿਸੇ ਕਰਮਚਾਰੀ ਦਾ ਪੀਐਫ ਖਾਤਾ ਖੁੱਲ੍ਹਦਾ ਹੈ, ਉਹ ਆਪਣੇ ਆਪ ਇਸ ਸਕੀਮ ਦਾ ਹਿੱਸਾ ਬਣ ਜਾਂਦਾ ਹੈ ਅਤੇ ਉਸ ਨੂੰ ਅਲੱਗ ਤੋਂ ਕੋਈ ਫਾਰਮ ਭਰਨ ਦੀ ਲੋੜ ਨਹੀਂ ਪੈਂਦੀ।
ਕਿਵੇਂ ਤੈਅ ਹੁੰਦੀ ਹੈ 7 ਲੱਖ ਰੁਪਏ ਦੀ ਰਕਮ?
ਬੀਮੇ ਦੀ ਰਕਮ ਕਰਮਚਾਰੀ ਦੀ ਪਿਛਲੇ 12 ਮਹੀਨਿਆਂ ਦੀ ਬੇਸਿਕ ਸੈਲਰੀ ਤੇ ਮਹਿੰਗਾਈ ਭੱਤੇ (DA) 'ਤੇ ਨਿਰਭਰ ਕਰਦੀ ਹੈ। ਨਿਯਮਾਂ ਅਨੁਸਾਰ, ਇਹ ਰਾਸ਼ੀ ਔਸਤ ਸੈਲਰੀ ਦੀ 35 ਗੁਣਾ ਹੁੰਦੀ ਹੈ, ਜਿਸ ਵਿੱਚ 1.75 ਲੱਖ ਰੁਪਏ ਦਾ ਬੋਨਸ ਵੀ ਜੋੜਿਆ ਜਾਂਦਾ ਹੈ। EPFO ਨੇ ਗਣਨਾ ਲਈ ਵੱਧ ਤੋਂ ਵੱਧ ਸੈਲਰੀ ਸੀਮਾ 15,000 ਰੁਪਏ ਤੈਅ ਕੀਤੀ ਹੈ, ਜਿਸ ਕਾਰਨ ਮਿਲਣ ਵਾਲੀ ਵੱਧ ਤੋਂ ਵੱਧ ਮਦਦ 7 ਲੱਖ ਰੁਪਏ ਤੱਕ ਪਹੁੰਚ ਜਾਂਦੀ ਹੈ।
ਕਿਵੇਂ ਕਰੀਏ ਕਲੇਮ?
ਜੇਕਰ ਨੌਕਰੀ ਦੌਰਾਨ ਕਿਸੇ ਖਾਤਾਧਾਰਕ ਦੀ ਮੌਤ ਹੋ ਜਾਂਦੀ ਹੈ, ਤਾਂ ਉਸ ਦਾ ਨਾਮਜ਼ਦ ਵਿਅਕਤੀ (Nominee) ਜਾਂ ਕਾਨੂੰਨੀ ਵਾਰਿਸ ਇਸ ਪੈਸੇ ਲਈ ਦਾਅਵਾ ਕਰ ਸਕਦਾ ਹੈ। ਇਸ ਦੇ ਲਈ EPFO ਦੇ ਖੇਤਰੀ ਦਫ਼ਤਰ ਵਿੱਚ EDLI ਫਾਰਮ 5 IF ਭਰ ਕੇ ਜਮ੍ਹਾਂ ਕਰਨਾ ਹੁੰਦਾ ਹੈ। ਇਸ ਦੇ ਨਾਲ ਮੌਤ ਦਾ ਸਰਟੀਫਿਕੇਟ, ਆਧਾਰ ਕਾਰਡ ਅਤੇ ਬੈਂਕ ਖਾਤੇ ਵਰਗੇ ਦਸਤਾਵੇਜ਼ ਲਗਾਉਣੇ ਲਾਜ਼ਮੀ ਹਨ। ਵਿਭਾਗ ਦੀ ਕੋਸ਼ਿਸ਼ ਰਹਿੰਦੀ ਹੈ ਕਿ ਦਾਅਵਾ 30 ਦਿਨਾਂ ਦੇ ਅੰਦਰ ਨਿਪਟਾ ਦਿੱਤਾ ਜਾਵੇ, ਨਹੀਂ ਤਾਂ ਵਿਭਾਗ ਨੂੰ 12% ਸਾਲਾਨਾ ਵਿਆਜ ਦੇਣਾ ਪੈਂਦਾ ਹੈ।
ਈ-ਨਾਮਜ਼ਦਗੀ (e-Nomination) ਹੈ ਜ਼ਰੂਰੀ
ਇਸ ਪੈਸੇ 'ਤੇ ਪਹਿਲਾ ਹੱਕ ਨਾਮਜ਼ਦ ਵਿਅਕਤੀ ਦਾ ਹੁੰਦਾ ਹੈ। ਜੇਕਰ ਕੋਈ ਨਾਮਜ਼ਦ ਨਹੀਂ ਹੈ, ਤਾਂ ਜੀਵਨ ਸਾਥੀ, 25 ਸਾਲ ਤੱਕ ਦੇ ਪੁੱਤਰ ਜਾਂ ਕੁਆਰੀਆਂ ਧੀਆਂ ਕਲੇਮ ਕਰ ਸਕਦੀਆਂ ਹਨ। ਇਸ ਲਈ ਇਹ ਬਹੁਤ ਜ਼ਰੂਰੀ ਹੈ ਕਿ ਤੁਸੀਂ ਆਪਣੇ ਪੀਐਫ ਖਾਤੇ ਵਿੱਚ ਈ-ਨਾਮਜ਼ਦਗੀ ਜ਼ਰੂਰ ਪੂਰੀ ਰੱਖੋ, ਤਾਂ ਜੋ ਮੁਸ਼ਕਲ ਸਮੇਂ ਵਿੱਚ ਪਰਿਵਾਰ ਨੂੰ ਸਰਕਾਰੀ ਦਫ਼ਤਰਾਂ ਦੇ ਚੱਕਰ ਨਾ ਕੱਟਣੇ ਪੈਣ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਦਿੱਲੀ 'ਚ ਰੂਹ ਕੰਬਾਊ ਵਾਰਦਾਤ: ਪੀਰਾਗੜ੍ਹੀ ਫਲਾਈਓਵਰ 'ਤੇ ਖੜ੍ਹੀ ਕਾਰ 'ਚੋਂ ਮਿਲੀਆਂ 3 ਲਾਸ਼ਾਂ, ਇਲਾਕੇ 'ਚ ਫੈਲੀ ਦਹਿਸ਼ਤ
NEXT STORY 
