ਨੈਸ਼ਨਲ ਡੈਸਕ- ਇਰਾਨ 'ਚ ਚੱਲ ਰਹੀ ਜੰਗ ਕਾਰਨ ਜਿੱਥੇ ਦੁਨੀਆ ਭਰ ਦੀ ਹਵਾਈ ਆਵਾਜਾਈ ਪ੍ਰਭਾਵਿਤ ਹੋਈ ਹੈ ਅਤੇ ਹਜ਼ਾਰਾਂ ਯਾਤਰੀਆਂ ਨੂੰ ਫਲਾਈਟਾਂ ਰੱਦ ਹੋਣ ਜਾਂ ਦੇਰੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਉੱਥੇ ਹੀ ਇੱਕ ਰਾਹਤ ਭਰੀ ਖ਼ਬਰ ਸਾਹਮਣੇ ਆਈ ਹੈ। ਏਅਰਲਾਈਨ ਕੰਪਨੀ ਇੰਡੀਗੋ ਅਤੇ ਅਡਾਨੀ ਏਅਰਪੋਰਟ ਹੋਲਡਿੰਗਜ਼ ਲਿਮਟਿਡ (AAHL) ਨੇ ਇੱਕ ਰਣਨੀਤਕ ਭਾਈਵਾਲੀ ਦਾ ਐਲਾਨ ਕੀਤਾ ਹੈ, ਜੋ ਹਵਾਈ ਯਾਤਰੀਆਂ ਲਈ ਖੁਸ਼ੀਆਂ ਲੈ ਕੇ ਆਈ ਹੈ।
ਇਸ ਨਵੀਂ ਪਾਰਟਨਰਸ਼ਿਪ ਤਹਿਤ, 'ਇੰਡੀਗੋ ਬਲੂਚਿਪਸ' ਮੈਂਬਰ ਹੁਣ ਅਡਾਨੀ ਗਰੁੱਪ ਵੱਲੋਂ ਚਲਾਏ ਜਾ ਰਹੇ ਹਵਾਈ ਅੱਡਿਆਂ 'ਤੇ ਡਿਊਟੀ-ਫ੍ਰੀ ਸ਼ਾਪਿੰਗ ਦੌਰਾਨ 'ਚਿਪਸ' ਕਮਾ ਸਕਣਗੇ। ਯਾਤਰੀ ਅਡਾਨੀ ਪਲੇਟਫਾਰਮ ਰਾਹੀਂ ਪਹਿਲਾਂ ਤੋਂ ਬੁੱਕ ਕੀਤੇ ਗਏ ਡਿਊਟੀ-ਫ੍ਰੀ ਉਤਪਾਦਾਂ 'ਤੇ ਹਰ 100 ਰੁਪਏ ਖਰਚਣ 'ਤੇ 5 ਇੰਡੀਗੋ ਬਲੂਚਿਪਸ ਹਾਸਲ ਕਰ ਸਕਣਗੇ। ਯਾਤਰੀ ਆਪਣੀ ਫਲਾਈਟ ਤੋਂ ਪਹਿਲਾਂ ਆਨਲਾਈਨ ਸ਼ਾਪਿੰਗ ਕਰ ਸਕਦੇ ਹਨ ਅਤੇ ਹਵਾਈ ਅੱਡੇ 'ਤੇ ਪਹੁੰਚ ਕੇ ਬੜੀ ਆਸਾਨੀ ਨਾਲ ਆਪਣਾ ਸਮਾਨ ਹਾਸਲ ਕਰ ਸਕਦੇ ਹਨ।
ਇਹ ਬਲੂਚਿੱਪਸ ਕੰਪਨੀ ਵੱਲੋਂ ਆਪਣੇ ਗਾਹਕਾਂ ਨੂੰ ਆਪਣੇ ਨਾਲ ਜੋੜੇ ਰੱਖਣ ਦਾ ਇਕ ਤਰੀਕਾ ਹੁੰਦਾ ਹੈ। ਇਕ ਬਲੂਚਿੱਪ ਇਕ ਰੁਪਏ ਦੇ ਬਰਾਬਰ ਮੰਨੀ ਜਾਂਦੀ ਹੈ। ਭਾਵ ਤੁਸੀਂ ਜਿੰਨੇ ਜ਼ਿਆਦਾ ਚਿਪਸ ਜਮ੍ਹਾ ਕਰਦੇ ਹੋ, ਤੁਸੀਂ ਭਵਿੱਖ 'ਚ ਆਪਣੀ ਟਿਕਟ ਬੁਕਿੰਗ, ਮਨਪਸੰਦ ਸੀਟ ਜਾਂ ਜ਼ਿਆਦਾ ਸਮਾਨ ਲਿਜਾਣ ਵਰਗੀਆਂ ਕਈ ਸਹੂਲਤਾਂ ਲਈ ਵਰਤ ਸਕਦੇ ਹੋ। ਇਨ੍ਹਾਂ ਦੀ ਕੋਈ ਐਕਸਪਾਇਰੀ ਡੇਟ ਨਹੀਂ ਹੁੰਦੀ, ਬਸ ਤੁਹਾਨੂੰ ਹਰ 2 ਸਾਲ 'ਚ ਘੱਟੋ-ਘੱਟ ਇਕ ਵਾਰ ਆਪਣੀ ਇੰਡੀਗੋ ਮੈਂਬਰਸ਼ਿਪ ਦੀ ਵਰਤੋਂ ਕਰਨੀ ਲਾਜ਼ਮੀ ਹੈ।
ਇਹ ਵੀ ਪੜ੍ਹੋ- ਖ਼ਤਮ ਹੋ ਗਿਆ ਪੈਟਰੋਲ ! CarLess ਨਿਯਮ ਲਿਆਉਣ ਦੀ ਤਿਆਰੀ 'ਚ ਇਸ ਦੇਸ਼ ਦੀ ਸਰਕਾਰ
ਜ਼ਿਕਰਯੋਗ ਹੈ ਕਿ ਪਿਛਲੇ ਕੁਝ ਦਿਨਾਂ ਤੋਂ ਇਰਾਨ-ਅਮਰੀਕਾ ਜੰਗ ਕਾਰਨ ਏਅਰਸਪੇਸ ਬੰਦ ਹੋਣ ਅਤੇ ਫਲਾਈਟਾਂ ਦੇ ਰੂਟ ਬਦਲੇ ਜਾਣ ਕਾਰਨ ਯਾਤਰੀਆਂ ਨੂੰ ਕਾਫ਼ੀ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ ਹੈ। ਅਜਿਹੇ ਗੰਭੀਰ ਮਾਹੌਲ ਵਿੱਚ, ਜਿੱਥੇ ਹਰ ਪਾਸੇ ਫਲਾਈਟਾਂ ਦੇ ਰੱਦ ਹੋਣ ਦੀਆਂ ਖ਼ਬਰਾਂ ਹਨ, ਇਸ ਪਾਰਟਨਰਸ਼ਿਪ ਨੇ ਏਵੀਏਸ਼ਨ ਸੈਕਟਰ ਵਿੱਚ ਇੱਕ ਸਕਾਰਾਤਮਕ ਲਹਿਰ ਪੈਦਾ ਕੀਤੀ ਹੈ। ਸੈਕਟਰ ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਹ ਕਦਮ ਯਾਤਰੀਆਂ ਦੇ ਅਨੁਭਵ ਨੂੰ ਬਿਹਤਰ ਬਣਾਉਣ ਅਤੇ ਏਵੀਏਸ਼ਨ ਸੈਕਟਰ ਵਿੱਚ ਵਿਸ਼ਵਾਸ ਬਹਾਲ ਕਰਨ ਦੀ ਇੱਕ ਕੋਸ਼ਿਸ਼ ਹੈ।
ਹਾਲਾਂਕਿ ਮੱਧ-ਪੂਰਬੀ ਸੰਘਰਸ਼ ਕਾਰਨ ਜੈੱਟ ਫਿਊਲ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋਇਆ ਹੈ ਅਤੇ ਏਅਰਲਾਈਨਾਂ 'ਤੇ ਆਰਥਿਕ ਦਬਾਅ ਵਧਿਆ ਹੈ, ਪਰ ਅਜਿਹੀਆਂ ਭਾਈਵਾਲੀਆਂ ਇਹ ਸਾਬਤ ਕਰਦੀਆਂ ਹਨ ਕਿ ਭਾਰਤੀ ਹਵਾਈ ਕੰਪਨੀਆਂ ਯਾਤਰੀਆਂ ਨੂੰ ਬਿਹਤਰ ਸੁਵਿਧਾਵਾਂ ਦੇਣ ਲਈ ਪੂਰੀ ਤਰ੍ਹਾਂ ਤਿਆਰ ਹਨ। ਇਹ ਭਾਈਵਾਲੀ ਨਾ ਸਿਰਫ਼ ਯਾਤਰੀਆਂ ਲਈ ਫਾਇਦੇਮੰਦ ਹੈ, ਸਗੋਂ ਇਹ ਭਾਰਤ ਦੇ ਹਵਾਈ ਅੱਡਿਆਂ ਨੂੰ ਇੱਕ ਗਲੋਬਲ 'ਟਰਾਂਸਫਰ ਹੱਬ' ਵਜੋਂ ਮਜ਼ਬੂਤ ਕਰਨ ਵਿੱਚ ਵੀ ਮਦਦ ਕਰੇਗੀ।
ਇਹ ਵੀ ਪੜ੍ਹੋ- 150 ਡਾਲਰ ਤੱਕ ਪਹੁੰਚ ਜਾਣਗੀਆਂ ਕੱਚੇ ਤੇਲ ਦੀਆਂ ਕੀਮਤਾਂ ! ਜੰਗ ਵਿਚਾਲੇ ਰੂਸ ਦੇ ਬਿਆਨ ਨੇ ਮਚਾਈ ਹਾਹਾਕਾਰ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਕੁਝ ਦਿਨਾਂ ਦੇ ਵਿਘਨ ਮਗਰੋਂ ਬਿਨਾਂ ਕਿਸੇ ਰੁਕਾਵਟ ਦੇ ਚੱਲਿਆ ਲੋਕ ਸਭਾ ਦਾ ਪ੍ਰਸ਼ਨ ਕਾਲ
NEXT STORY 
