ਤਿਰੂਵਨੰਤਪੁਰਮ- ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਦੇ ਚੇਅਰਮੈਨ ਵੀ. ਨਾਰਾਇਣਨ ਨੇ ਕਿਹਾ ਹੈ ਕਿ ਨਿਸਾਰ ਸੈਟੇਲਾਈਟ ਦਾ ਸਫਲ ਲਾਂਚ ਦੁਨੀਆ ਦੇ ਸਭ ਤੋਂ ਸਟੀਕ ਲਾਂਚਾਂ 'ਚੋਂ ਇਕ ਸੀ ਅਤੇ ਨਾਸਾ ਇਹ ਦੇਖ ਕੇ ਉਤਸ਼ਾਹਿਤ ਹੈ ਕਿ ਭਾਰਤ ਨੇ ਸਵਦੇਸ਼ੀ ਤੌਰ 'ਤੇ ਵਿਕਸਿਤ GSLV ਮਾਰਕ ਵਾਹਨ ਦੀ ਵਰਤੋਂ ਕਰਕੇ ਇਸ ਨੂੰ ਸਫਲਤਾਪੂਰਵਕ ਅੰਜਾਮ ਦੇ ਸਕਿਆ। ਉਨ੍ਹਾਂ ਨੇ ਵੀਰਵਾਰ ਰਾਤ ਇੱਥੇ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਇਹ ਗੱਲ ਕਹੀ। ਇਸਰੋ ਨੇ ਬੁੱਧਵਾਰ ਨੂੰ ਆਂਧਰਾ ਪ੍ਰਦੇਸ਼ ਦੇ ਸ਼੍ਰੀਹਰੀਕੋਟਾ ਤੋਂ GSLV-F16 ਰਾਕੇਟ ਰਾਹੀਂ ਨਿਸਾਰ (ਨਾਸਾ-ਇਸਰੋ ਸਿੰਥੈਟਿਕ ਅਪਰਚਰ ਰਡਾਰ) ਨੂੰ ਸਫਲਤਾਪੂਰਵਕ ਸਥਾਪਿਤ ਕੀਤਾ ਸੀ।
ਨਾਰਾਇਣਨ ਨੇ ਇਕ ਸਵਾਲ ਦੇ ਜਵਾਬ 'ਚ ਕਿਹਾ,''ਉਹ ਇਹ ਜਾਣਕੇ ਬਹੁਤ ਉਤਸ਼ਾਹਤ ਹੋਏ ਕਿ ਭਾਰਤ ਨੇ ਸਵਦੇਸ਼ੀ ਤੌਰ 'ਤੇ ਵਿਕਸਿਤ ਜੀਐੱਸਐੱਲਵੀ ਮਾਰਕ ਯਾਨ ਦਾ ਉਪਯੋਗ ਕਰ ਕੇ ਸਫ਼ਲਤਾਪੂਰਵਕ ਲਾਂਚ ਕੀਤਾ। ਉਹ ਬੇਹੱਦ ਉਤਸ਼ਾਹਤ ਅਤੇ ਖੁਸ਼ ਸਨ।'' ਨਾਰਾਇਣਨ ਅਨੁਸਾਰ,''ਇਹ ਦੁਨੀਆ ਦੇ ਸਭ ਤੋਂ ਸਟੀਕ ਲਾਂਚਾਂ 'ਚੋਂ ਇਕ ਸੀ, ਜਿਸ 'ਚ ਰਾਕੇਟ ਦਾ ਹਰ ਪੜਾਅ 'ਚ ਬਿਨਾਂ ਰੁਕਾਵਟ ਸੰਚਾਲਨ ਹੋਇਆ ਅਤੇ ਸੈਟੇਲਾਈਟ ਨੂੰ ਸਿਰਫ਼ 2-3 ਕਿਲੋਮੀਟਰ ਦੇ ਅੰਤਰ ਨਾਲ ਸਟੀਕ ਤਰੀਕੇ ਨਾਲ ਔਰਬਿਟ 'ਚ ਸਥਾਪਤ ਕਰ ਦਿੱਤਾ। ਇਸਰੋ ਮੁਖੀ ਨੇ ਕਿਹਾ,''ਇਹ ਉਨ੍ਹਾਂ ਲਈ ਵੀ ਇਕ ਕਲਪਨਾਯੋਗ ਉਪਲੱਬਧੀ ਹੈ।'' ਉਨ੍ਹਾਂ ਕਿਹਾ,''ਇਹ ਦੁਨੀਆ 'ਚ ਹੁਣ ਤੱਕ ਹੋਏ ਸਭ ਤੋਂ ਸਟੀਕ ਲਾਂਚਾਂ 'ਚੋਂ ਇਕ ਹੈ... ਅੱਜ ਪੂਰਾ ਦੇਸ਼ ਇਸ ਗੱਲ 'ਤੇ ਮਾਣ ਕਰ ਸਕਦਾ ਹੈ ਕਿ ਭਾਰਤ ਅਤੇ ਅਮਰੀਕਾ ਵਲੋਂ ਸੰਯੁਕਤ ਰੂਪ ਨਾਲ ਨਿਰਮਿਤ ਸੈਟੇਲਾਈਟ ਭਾਰਤੀ ਲਾਂਚ ਵਾਹਨ ਦੀ ਵਰਤੋਂ ਕਰ ਕੇ ਪੰਧ 'ਚ ਸਥਾਪਤ ਕੀਤਾ ਗਿਆ ਹੈ।''
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਮੁੱਖ ਮੰਤਰੀ ਰੇਖਾ ਗੁਪਤਾ ਨੇ 'ਦਿੱਲੀ ਕੋ ਕੂੜਾ ਸੇ ਆਜ਼ਾਦੀ' ਸਫਾਈ ਮੁਹਿੰਮ ਕੀਤੀ ਸ਼ੁਰੂ
NEXT STORY 
