ਫਰੀਦਾਬਾਦ (ਭਾਸ਼ਾ/ਸੁਧੀਰ ਰਾਘਵ)- ਫਰੀਦਾਬਾਦ ’ਚ 7 ਸਾਲ ਦੀ ਮਾਸੂਮ ਨਾਲ ਹੈਵਾਨੀਅਤ ਦੀਆਂ ਸਾਰੀਆਂ ਹੱਦਾਂ ਪਾਰ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਇਕ ਦਰਿੰਦੇ ਨੇ ਇਕ ਬੱਚੀ ਨਾਲ ਰੇਪ ਕੀਤਾ ਅਤੇ ਬੇਰਹਿਮੀ ਨਾਲ ਉਸ ਦਾ ਕਤਲ ਕਰ ਦਿੱਤਾ। ਦਰਿੰਦਗੀ ਦੀਆਂ ਹੱਦਾਂ ਪਾਰ ਕਰਦੇ ਹੋਏ ਮੁਲਜ਼ਮ ਨੇ ਮਾਸੂਮ ਦੇ ਗਲੇ ’ਤੇ ਬਲੇਡ ਨਾਲ ਹਮਲਾ ਕੀਤਾ ਅਤੇ ਸਿਰ ਨੂੰ ਪੱਥਰ ਨਾਲ ਕੁਚਲ ਦਿੱਤਾ, ਜਿਸ ਤੋਂ ਬਾਅਦ ਲਾਸ਼ ਅਰਾਵਲੀ ਦੇ ਜੰਗਲ ’ਚ ਸੁੱਟ ਦਿੱਤੀ। ਇਸ ਦੌਰਾਨ ਗੁੱਸੇ ’ਚ ਆਏ ਬੱਚੀ ਦੇ ਪਰਿਵਾਰ ਵਾਲਿਆਂ ਤੇ ਸਥਾਨਕ ਲੋਕਾਂ ਨੇ ਸੜਕ ’ਤੇ ਵਿਰੋਧ ਵਿਖਾਵਾ ਕੀਤਾ।
ਫਰੀਦਾਬਾਦ ਦੇ ਅਨਖੀਰ ਪਿੰਡ ਦੀ ਰਹਿਣ ਵਾਲੀ 7 ਸਾਲਾ ਮਾਸੂਮ ਬੱਚੀ ਸਵੇਰ ਸਮੇਂ ਸਕੂਲ ਜਾ ਰਹੀ ਸੀ ਕਿ ਰਸਤੇ ਵਿਚ ਰਵਿੰਦਰ ਉਰਫ ਰਾਜਾ ਉਸ ਨੂੰ ਵਰਗਲਾ ਕੇ ਆਪਣੇ ਇਕ ਪੁਰਾਣੇ ਮਕਾਨ ਦੇ ਕਮਰੇ ਵਿਚ ਲੈ ਗਿਆ ਅਤੇ ਉਸ ਨਾਲ ਰੇਪ ਕੀਤਾ। ਜਦੋਂ ਬੱਚੀ ਚਿੱਲਾਈ ਤਾਂ ਉਸ ਨੇ ਉਸ ਦਾ ਗਲਾ ਦਬਾਇਆ ਅਤੇ ਗਲੇ ’ਤੇ ਬਲੇਡ ਮਾਰ ਕੇ ਤੇ ਸਿਰ ’ਤੇ ਪੱਥਰ ਮਾਰ ਕੇ ਉਸ ਦਾ ਕਤਲ ਕਰ ਦਿੱਤਾ। ਮੁਲਜ਼ਮ ਆਪਣੇ ਭਰਾ ਦੇ ਮੋਟਰਸਾਈਕਲ ’ਤੇ ਬੱਚੀ ਦੀ ਲਾਸ਼ ਰੱਖ ਕੇ ਸੇਠੀ ਗਾਰਡਨ ਦੇ ਪਿੱਛੇ ਜੰਗਲ ’ਚ ਸੁੱਟ ਆਇਆ। ਪੁਲਸ ਨੇ ਕੁਝ ਹੀ ਘੰਟਿਆਂ ’ਚ ਮੁਲਜ਼ਮ ਨੂੰ ਗ੍ਰਿਫਤਾਰ ਕਰ ਲਿਆ। ਪੁੱਛਗਿੱਛ ’ਚ ਪਤਾ ਲੱਗਾ ਹੈ ਕਿ ਮੁਲਜ਼ਮ 21 ਸਾਲ ਦਾ ਹੈ ਅਤੇ ਦਸਵੀਂ ਤਕ ਪੜ੍ਹਿਆ ਹੋਇਆ ਹੈ। ਉਸ ਨੇ ਇਹ ਵੀ ਮੰਨਿਆ ਕਿ ਉਸ ਨੇ ਕਿਵੇਂ ਬੱਚੀ ਦੀ ਹੱਤਿਆ ਕੀਤੀ ਅਤੇ ਉਸ ਤੋਂ ਬਾਅਦ ਲਾਸ਼ ਜੰਗਲ ’ਚ ਸੁੱਟੀ। ਪੁਲਸ ਵੱਲੋਂ ਮਾਮਲੇ ਦੀ ਜਾਂਚ ਜਾਰੀ ਹੈ।
5 ਤੱਤਾਂ 'ਚ ਵਿਲੀਨ ਹੋਏ ਹੀਰਾਬੇਨ, PM ਮੋਦੀ ਅਤੇ ਵੱਡੇ ਭਰਾ ਸੋਮਾਭਾਈ ਨੇ ਦਿੱਤੀ ਮੁੱਖ ਅਗਨੀ
NEXT STORY 
