ਕਰਵਾਰ (ਏਜੰਸੀ)- ਭਾਰਤ ਦੀ ਨਿੱਜੀ ਜਹਾਜ਼ ਨਿਰਮਾਣ ਕੰਪਨੀ ਵੱਲੋਂ ਤਿਆਰ ਕੀਤਾ ਗਿਆ ਪਹਿਲਾ ਬਹੁ-ਮੰਤਵੀ ਜੰਗੀ ਬੇੜਾ ‘ਸਮਰਥਕ’ ਸ਼ੁੱਕਰਵਾਰ ਨੂੰ ਭਾਰਤੀ ਸਮੁੰਦਰੀ ਫੌਜ ਵਿਚ ਸ਼ਾਮਲ ਕੀਤਾ ਗਿਆ। ਇਸ ਨੂੰ ਜੰਗੀ ਬੇੜਾ ਨਿਰਮਾਣ ਵਿਚ ਘਰੇਲੂ ਉਦਯੋਗ ਦੀ ਭੂਮਿਕਾ ਵਧਾਉਣ ਵੱਲ ਇਕ ਅਹਿਮ ਪ੍ਰਾਪਤੀ ਮੰਨਿਆ ਜਾ ਰਿਹਾ ਹੈ।
ਕਰਨਾਟਕ ਦੇ ਕਰਵਾਰ ਸਥਿਤ ਸਮੁੰਦਰੀ ਫੌਜ ਦੇ ਅੱਡੇ ’ਤੇ ਉਪ-ਰਾਸ਼ਟਰਪਤੀ ਸੀ. ਪੀ. ਰਾਧਾਕ੍ਰਿਸ਼ਨਨ ਦੀ ਮੌਜੂਦਗੀ ’ਚ ਕਰਵਾਏ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਸਮੁੰਦਰੀ ਫੌਜ ਦੇ ਮੁਖੀ ਐਡਮਿਰਲ ਕ੍ਰਿਸ਼ਨਾ ਸਵਾਮੀਨਾਥਨ ਨੇ ਕਿਹਾ ਕਿ ਇਸ ਬੇੜੇ ਦਾ ਨਿਰਮਾਣ ਲਾਰਸਨ ਐਂਡ ਟੂਬਰੋ (ਐੱਲ.ਐਂਡ.ਟੀ.) ਨੇ ਤਾਮਿਲਨਾਡੂ ਦੇ ਕੱਟੂਪੱਲੀ ਸਥਿਤ ਆਪਣੇ ਜਹਾਜ਼ ਨਿਰਮਾਣ ਕੇਂਦਰ 'ਚ ਕੀਤਾ ਹੈ ਅਤੇ ਇਸ 'ਚ 75 ਫੀਸਦੀ ਤੋਂ ਵੱਧ ਸਵਦੇਸ਼ੀ ਸਮੱਗਰੀ ਦੀ ਵਰਤੋਂ ਕੀਤੀ ਗਈ ਹੈ।
ਇਸ ਮੌਕੇ ਕਰਨਾਟਕ ਦੇ ਕਿਰਤ ਮੰਤਰੀ ਸੰਤੋਸ਼ ਲਾਡ ਵੀ ਮੌਜੂਦ ਸਨ। ਐਡਮਿਰਲ ਸਵਾਮੀਨਾਥਨ ਨੇ ਇਸ ਜੰਗੀ ਬੇੜੇ ਨੂੰ ਜਲ ਸੈਨਾ 'ਚ ਸ਼ਾਮਲ ਕੀਤੇ ਜਾਣ ਨੂੰ 'ਆਤਮਨਿਰਭਰਤਾ' ਵੱਲ ਵੱਡਾ ਕਦਮ ਦੱਸਿਆ। ਉਨ੍ਹਾਂ ਕਿਹਾ ਕਿ ਇਸ ਬੇੜੇ ਦਾ ਡਿਜ਼ਾਈਨ, ਇੰਜੀਨੀਅਰਿੰਗ ਅਤੇ ਨਿਰਮਾਣ ਦਾ ਪੂਰਾ ਕੰਮ ਐੱਲ.ਐਂਡ.ਟੀ. ਦੇ ਜੰਗੀ ਬੇੜਾ ਡਿਜ਼ਾਈਨ ਕੇਂਦਰ ਅਤੇ ਜਹਾਜ਼ ਨਿਰਮਾਣ ਇਕਾਈ 'ਚ ਕੀਤਾ ਗਿਆ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਪਹਿਲਾਂ ਇਕੱਠਿਆਂ ਬਹਿ ਕੇ ਪੀਤੀ ਸ਼ਰਾਬ, ਮਗਰੋਂ 3000 ਰੁਪਏ ਪਿੱਛੇ ਕਰ'ਤਾ ਸਾਥੀ ਦਾ ਕਤਲ
NEXT STORY 
