ਨਵੀਂ ਦਿੱਲੀ: ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਅੱਜ ਸਵੇਰੇ 11 ਵਜੇ ਦੇਸ਼ ਦਾ ਕੇਂਦਰੀ ਬਜਟ 2026-27 ਪੇਸ਼ ਕਰਨ ਜਾ ਰਹੇ ਹਨ, ਜੋ ਕਿ ਉਨ੍ਹਾਂ ਦਾ ਲਗਾਤਾਰ ਨੌਵਾਂ ਬਜਟ ਹੋਵੇਗਾ। ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਬਜਟ ਦੇ ਨਾਲ-ਨਾਲ ਵਿੱਤ ਮੰਤਰੀ ਦੀ ਸਾੜ੍ਹੀ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ, ਕਿਉਂਕਿ ਉਨ੍ਹਾਂ ਦਾ ਪਹਿਰਾਵਾ ਹਮੇਸ਼ਾ ਭਾਰਤੀ ਸੰਸਕ੍ਰਿਤੀ ਅਤੇ ਵਿਰਾਸਤ ਦੀ ਪਛਾਣ ਹੁੰਦਾ ਹੈ। ਵਿੱਤ ਮੰਤਰੀ ਨੇ ਹੁਣ ਤੱਕ ਪੇਸ਼ ਕੀਤੇ ਗਏ ਅੱਠ ਬਜਟਾਂ ਵਿੱਚੋਂ ਹਰੇਕ ਵਿੱਚ ਵੱਖ-ਵੱਖ ਸਾੜੀਆਂ ਪਹਿਨੀਆਂ ਹਨ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਉਨ੍ਹਾਂ ਨੇ ਹਰ ਵਾਰ ਇਨ੍ਹਾਂ ਸਾੜੀਆਂ ਰਾਹੀਂ ਇੱਕ ਵੱਖਰਾ ਰਾਜਨੀਤਿਕ ਅਤੇ ਸੱਭਿਆਚਾਰਕ ਸੰਦੇਸ਼ ਦੇਣ ਦੀ ਕੋਸ਼ਿਸ਼ ਕੀਤੀ ਹੈ।
ਇਹ ਵੀ ਪੜ੍ਹੋ : ਗੈਸ ਸਿਲੰਡਰ, FASTag, ਸਿਗਰੇਟ ਸਣੇ ਕਈ ਚੀਜ਼ਾਂ 'ਚ ਅੱਜ ਤੋਂ ਹੋਵੇਗਾ ਬਦਲਾਅ, ਜੇਬ 'ਤੇ ਪਵੇਗਾ ਅਸਰ!
ਸਾਲ 2026- ਨਿਰਮਲਾ ਸੀਤਾਰਮਨ ਦੀ ਕਾਂਜੀਵਰਮ ਸਿਲਕ ਸਾੜ੍ਹੀ
ਇਸ ਵਾਰ ਵਿੱਤ ਮੰਤਰੀ ਨੇ ਬਜਟ ਪੇਸ਼ ਕਰਨ ਲਈ ਹੱਥ ਨਾਲ ਬੁਣੀ ਹੋਈ ਬੈਂਗਣੀ ਰੰਗ ਦੀ ਕਾਂਜੀਵਰਮ ਸਿਲਕ ਸਾੜ੍ਹੀ ਦੀ ਚੋਣ ਕੀਤੀ ਹੈ। ਇਹ ਸਾੜ੍ਹੀ ਤਾਮਿਲਨਾਡੂ ਦੀ ਪੁਰਾਤਨ ਬੁਣਾਈ ਕਲਾ ਦਾ ਸ਼ਾਨਦਾਰ ਨਮੂਨਾ ਹੈ, ਜਿਸ ਵਿੱਚ ਹਲਕੇ ਸੁਨਹਿਰੀ ਭੂਰੇ ਰੰਗ ਦੇ ਚੈਕ, ਜਿਨ੍ਹਾਂ ਨੂੰ 'ਕੱਟਮ' ਕਿਹਾ ਜਾਂਦਾ ਹੈ, ਅਤੇ ਕੌਫੀ ਬ੍ਰਾਊਨ ਬਾਰਡਰ 'ਤੇ ਧਾਗੇ ਦਾ ਬਰੀਕ ਕੰਮ ਕੀਤਾ ਗਿਆ ਹੈ। ਵਿੱਤ ਮੰਤਰੀ ਦੀ ਪੂਰੀ ਸਾੜੀ ਭਾਰੀ ਕਢਾਈ ਤੋਂ ਬਿਨਾਂ ਹੈ। ਸਾੜੀ ਦੀ ਸਾਦਗੀ, ਸ਼ਾਨ ਅਤੇ ਰਵਾਇਤੀ ਸ਼ੈਲੀ ਇਸਨੂੰ ਬਜਟ-ਅਨੁਕੂਲ ਮੌਕੇ ਲਈ ਬਹੁਤ ਢੁਕਵੀਂ ਬਣਾ ਰਹੀ ਹੈ।
ਵਿੱਤ ਮੰਤਰੀ ਦੀ ਸਾੜੀ
ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਆਪਣੀਆਂ ਸਾੜੀਆਂ ਨੂੰ ਲੈ ਕੇ ਹਮੇਸ਼ਾ ਸੁਰਖੀਆਂ 'ਚ ਰਹਿੰਦੀ ਹੈ, ਜੋ ਉਹ ਬਜਟ ਪੇਸ਼ ਕਰਦੇ ਸਮੇਂ ਪਹਿਨਦੀ ਹੈ। ਉਸ ਦੀਆਂ ਸਾੜੀਆਂ ਦੀ ਚੋਣ ਭਾਰਤੀ ਸੱਭਿਆਚਾਰ ਅਤੇ ਵਿਰਾਸਤ ਦੀ ਵਿਭਿੰਨਤਾ ਨੂੰ ਦਰਸਾਉਂਦੀ ਹੈ। ਸੀਤਾਰਮਨ ਦੀਆਂ ਸਾੜੀਆਂ ਲਾਲ, ਨੀਲੇ, ਪੀਲੇ, ਭੂਰੇ ਅਤੇ ਆਫ-ਵਾਈਟ ਵਰਗੇ ਰੰਗਾਂ ਵਿੱਚ ਆਉਂਦੀਆਂ ਹਨ, ਅਤੇ ਹਰ ਇੱਕ ਸਾੜੀ ਨਾਲ ਇੱਕ ਖਾਸ ਕਹਾਣੀ ਜੁੜੀ ਹੋਈ ਹੈ। ਇਹ ਸਾੜੀਆਂ ਵਿੱਤੀ ਨੀਤੀਆਂ, ਛੋਟਾਂ ਅਤੇ ਪ੍ਰੋਗਰਾਮਾਂ ਦੇ ਐਲਾਨ ਦੇ ਨਾਲ-ਨਾਲ ਬਜਟ ਵਾਲੇ ਦਿਨ ਦਾ ਇੱਕ ਮਹੱਤਵਪੂਰਨ ਪ੍ਰਤੀਕ ਬਣ ਗਈਆਂ ਹਨ।
ਇਹ ਵੀ ਪੜ੍ਹੋ : Gold-Silver Price: ਬਜਟ ਤੋਂ ਪਹਿਲਾਂ ਚਾਂਦੀ 1 ਲੱਖ ਤੇ ਸੋਨਾ 42 ਹਜ਼ਾਰ ਰੁਪਏ ਸਸਤਾ
ਸਾਲ 2025: ਬਿਹਾਰ ਦੀ ਮਧੂਬਨੀ ਕਲਾ: ਪਿਛਲੇ ਸਾਲ ਸੀਤਾਰਮਣ ਨੇ ਸੁਨਹਿਰੀ ਬਾਰਡਰ ਵਾਲੀ ਮਧੂਬਨੀ ਸ਼ੈਲੀ (ਮਿਥਿਲਾ ਕਲਾ) ਦੀ ਹੱਥ ਨਾਲ ਪੇਂਟ ਕੀਤੀ ਸਾੜ੍ਹੀ ਪਹਿਨੀ ਸੀ। ਉਸ ਸਮੇਂ ਬਿਹਾਰ ਵਿੱਚ ਵਿਧਾਨ ਸਭਾ ਚੋਣਾਂ ਵੀ ਸਨ, ਜਿਸ ਕਾਰਨ ਇਸ ਚੋਣ ਨੂੰ ਸਿਆਸੀ ਲਿਹਾਜ਼ ਨਾਲ ਕਾਫੀ ਅਹਿਮ ਮੰਨਿਆ ਗਿਆ।
ਸਾਲ 2024 ਪੂਰਾ ਬਜਟ: ਆਂਧਰਾ ਪ੍ਰਦੇਸ਼ ਦੀ ਰੇਸ਼ਮੀ ਮੰਗਲਗਿਰੀ ਸਾੜੀ : ਵਿੱਤ ਮੰਤਰੀ ਨੇ ਪੂਰੇ ਬਜਟ ਲਈ ਮੈਜੈਂਟਾ ਬਾਰਡਰ ਵਾਲੀ ਰੇਸ਼ਮੀ ਮੰਗਲਗਿਰੀ ਸਾੜੀ ਪਹਿਨੀ। ਇਹ ਸਾੜੀ ਆਂਧਰਾ ਪ੍ਰਦੇਸ਼ ਦੇ ਗੁੰਟੂਰ ਜ਼ਿਲ੍ਹੇ ਦੇ ਮੰਗਲਗਿਰੀ ਕਸਬੇ ਵਿੱਚ ਬਣੀ ਹੈ। ਇਸ ਬਜਟ ਦੌਰਾਨ ਆਂਧਰਾ ਪ੍ਰਦੇਸ਼ ਲਈ ਵਿਸ਼ੇਸ਼ ਵਿੱਤੀ ਸਹਾਇਤਾ ਦਾ ਐਲਾਨ ਕੀਤਾ ਗਿਆ ਸੀ।
ਸਾਲ 2024 ਅੰਤਰਿਮ ਬਜਟ : ਪੱਛਮੀ ਬੰਗਾਲ ਦੀ ਨੀਲੀ ਟਸਾਰ ਸਿਲਕ ਸਾੜੀ : ਅੰਤਰਿਮ ਬਜਟ ਦੌਰਾਨ ਵਿੱਤ ਮੰਤਰੀ ਨੇ ਪੱਛਮੀ ਬੰਗਾਲ ਦੀ ਕੰਥਾ ਕਢਾਈ ਵਾਲੀ ਨੀਲੀ ਟਸਾਰ ਸਿਲਕ ਸਾੜੀ ਪਹਿਨੀ ਸੀ।
ਸਾਲ 2023: ਕਰਨਾਟਕ ਦੀ ਕਸੂਤੀ ਕਢਾਈ: ਉਨ੍ਹਾਂ ਨੇ ਉੱਤਰੀ ਕਰਨਾਟਕ ਵਿੱਚ ਤਿਆਰ ਕੀਤੀ ਗਈ ਕਾਲੇ ਰੰਗ ਦੀ ਕਸੂਤੀ ਕਢਾਈ ਵਾਲੀ ਲਾਲ ਰੇਸ਼ਮੀ ਸਾੜ੍ਹੀ ਪਹਿਨ ਕੇ ਉੱਥੋਂ ਦੀ ਕਲਾ ਨੂੰ ਪ੍ਰਦਰਸ਼ਿਤ ਕੀਤਾ।
ਸਾਲ 2022: ਓਡੀਸ਼ਾ ਦੀ ਬੋਮਕਾਈ ਸਾੜ੍ਹੀ: ਇਸ ਸਾਲ ਉਨ੍ਹਾਂ ਨੇ ਚਾਕਲੇਟ ਬ੍ਰਾਊਨ ਰੰਗ ਦੀ ਬੋਮਕਾਈ (ਸੋਨੇਪੁਰੀ) ਸਾੜ੍ਹੀ ਪਹਿਨੀ ਸੀ, ਜੋ ਓਡੀਸ਼ਾ ਦੀ ਪ੍ਰਸਿੱਧ ਕਲਾ ਹੈ ਅਤੇ ਇਸ ਨੂੰ GI ਟੈਗ ਵੀ ਪ੍ਰਾਪਤ ਹੈ।
ਸਾਲ 2021: ਤੇਲੰਗਾਨਾ ਦੀ ਪੋਚਮਪੱਲੀ: 'ਵੋਕਲ ਫਾਰ ਲੋਕਲ' ਨੂੰ ਹੁਲਾਰਾ ਦੇਣ ਲਈ ਉਨ੍ਹਾਂ ਨੇ ਤੇਲੰਗਾਨਾ ਦੀ ਮਸ਼ਹੂਰ ਟਾਈ-ਡਾਈ ਤਕਨੀਕ ਵਾਲੀ ਪੋਚਮਪੱਲੀ ਸਾੜ੍ਹੀ ਦੀ ਚੋਣ ਕੀਤੀ।
ਸਾਲ 2020: ਖੁਸ਼ਹਾਲੀ ਦਾ ਪ੍ਰਤੀਕ ਪੀਲਾ ਰੰਗ: ਕੋਰੋਨਾ ਮਹਾਂਮਾਰੀ ਦੇ ਦੌਰਾਨ, ਉਨ੍ਹਾਂ ਨੇ ਆਰਥਿਕ ਵਿਕਾਸ ਅਤੇ ਖੁਸ਼ਹਾਲੀ ਦੇ ਸੰਦੇਸ਼ ਵਜੋਂ ਪੀਲੇ ਰੰਗ ਦੀ ਰੇਸ਼ਮੀ ਸਾੜ੍ਹੀ ਪਹਿਨੀ ਸੀ।
ਸਾਲ 2019: ਪਹਿਲਾ ਬਜਟ ਅਤੇ ਮੰਗਲਗਿਰੀ: ਆਪਣੇ ਪਹਿਲੇ ਬਜਟ ਭਾਸ਼ਣ ਦੌਰਾਨ ਉਨ੍ਹਾਂ ਨੇ ਸੁਨਹਿਰੀ ਬਾਰਡਰ ਵਾਲੀ ਗੁਲਾਬੀ ਮੰਗਲਗਿਰੀ ਸਿਲਕ ਸਾੜ੍ਹੀ ਪਹਿਨੀ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
PM ਮੋਦੀ ਨੇ ਗੁਰੂ ਰਵਿਦਾਸ ਨੂੰ ਉਨ੍ਹਾਂ ਦੀ ਜਯੰਤੀ 'ਤੇ ਕੀਤਾ ਨਮਨ
NEXT STORY 
