ਨਵੀਂ ਦਿੱਲੀ : ਸੜਕੀ ਆਵਾਜਾਈ ਅਤੇ ਰਾਜਮਾਰਗ ਮੰਤਰਾਲੇ ਅਨੁਸਾਰ ਸਰਕਾਰ ਦੀ 'ਫਾਸਟੈਗ ਐਨੁਅਲ ਪਾਸ' ਸਕੀਮ ਨੇ ਇੱਕ ਵੱਡਾ ਮੀਲ ਪੱਥਰ ਹਾਸਲ ਕੀਤਾ ਹੈ, ਜਿਸ ਤਹਿਤ ਹੁਣ ਤੱਕ 1 ਕਰੋੜ ਤੋਂ ਵੱਧ ਕਾਰ ਮਾਲਕਾਂ ਨੂੰ ਇਹ ਪਾਸ ਜਾਰੀ ਕੀਤਾ ਜਾ ਚੁੱਕਾ ਹੈ।
ਮੌਜੂਦਾ ਸਮੇਂ ਵਿੱਚ ਇਸ ਸਾਲਾਨਾ ਪਾਸ ਦੀ ਕੀਮਤ 3,075 ਰੁਪਏ ਹੈ, ਜੋ ਕਿ ਇੱਕ ਸਾਲ ਲਈ ਵੈਧ ਹੁੰਦੀ ਹੈ। ਇਸ ਪਾਸ ਰਾਹੀਂ ਯੂਜ਼ਰਸ ਇੱਕ ਸਾਲ ਦੇ ਅੰਦਰ 200 ਟ੍ਰਿਪਸ ਤੱਕ ਟੋਲ ਪਲਾਜ਼ਾ ਤੋਂ ਬਿਨਾਂ ਵਾਧੂ ਚਾਰਜ ਦਿੱਤੇ ਲੰਘ ਸਕਦੇ ਹਨ। ਸ਼ੁਰੂਆਤ ਵਿੱਚ ਇਸ ਪਾਸ ਦੀ ਕੀਮਤ 3,000 ਰੁਪਏ ਸੀ, ਪਰ ਇਸੇ ਸਾਲ ਅਪ੍ਰੈਲ ਵਿੱਚ ਸਰਕਾਰ ਨੇ ਇਸ ਦੀ ਕੀਮਤ ਵਿੱਚ ਵਾਧਾ ਕੀਤਾ ਸੀ। ਇਸ ਪਾਸ ਦੀ ਸਭ ਤੋਂ ਵੱਡੀ ਸਹੂਲਤ ਇਹ ਹੈ ਕਿ ਵਾਹਨ ਚਾਲਕਾਂ ਨੂੰ ਵਾਰ-ਵਾਰ ਆਪਣਾ ਫਾਸਟੈਗ ਵਾਲੇਟ ਰੀਚਾਰਜ ਨਹੀਂ ਕਰਨਾ ਪੈਂਦਾ।
ਇਹ ਸਾਲਾਨਾ ਪਾਸ ਸਿਰਫ਼ ਨਿੱਜੀ (ਪ੍ਰਾਈਵੇਟ) ਕਾਰ ਮਾਲਕਾਂ ਲਈ ਹੀ ਉਪਲਬਧ ਹੈ ਅਤੇ ਇਸ ਦਾ ਲਾਭ ਟੈਕਸੀ ਜਾਂ ਕਮਰਸ਼ੀਅਲ ਵਾਹਨਾਂ ਲਈ ਨਹੀਂ ਹੈ। ਇਹ ਪਾਸ ਦੇਸ਼ ਭਰ ਦੇ 1,150 ਨੈਸ਼ਨਲ ਹਾਈਵੇਅ ਅਤੇ ਐਕਸਪ੍ਰੈੱਸਵੇਅ 'ਤੇ ਚੱਲਦਾ ਹੈ। ਹਾਲਾਂਕਿ, ਇਹ ਪਾਸ ਸਟੇਟ ਹਾਈਵੇਅ, ਸਟੇਟ ਐਕਸਪ੍ਰੈੱਸਵੇਅ ਅਤੇ ਸਥਾਨਕ ਅਥਾਰਟੀਆਂ ਵੱਲੋਂ ਚਲਾਏ ਜਾਂਦੇ ਟੋਲ ਪਲਾਜ਼ਿਆਂ 'ਤੇ ਲਾਗੂ ਨਹੀਂ ਹੁੰਦਾ।
ਸਾਲਾਨਾ ਪਾਸ ਵਰਤਣ ਦੇ ਮਾਮਲੇ ਵਿੱਚ ਚੰਡੀਗੜ੍ਹ ਦੇ ਕਾਰ ਮਾਲਕ ਸਭ ਤੋਂ ਅੱਗੇ ਹਨ, ਜਿਨ੍ਹਾਂ ਦੀ ਕੁੱਲ ਜਾਰੀ ਪਾਸਾਂ ਵਿੱਚ 14 ਫ਼ੀਸਦੀ ਹਿੱਸੇਦਾਰੀ ਹੈ। ਇਸ ਸੂਚੀ ਵਿੱਚ ਦੂਜੇ ਨੰਬਰ 'ਤੇ ਤਾਮਿਲਨਾਡੂ ਅਤੇ ਤੀਜੇ ਨੰਬਰ 'ਤੇ ਦਿੱਲੀ ਦੇ ਕਾਰ ਮਾਲਕ ਆਉਂਦੇ ਹਨ। ਅੰਕੜਿਆਂ ਅਨੁਸਾਰ, ਅਕਤੂਬਰ 2025 ਤੱਕ ਇਸ ਪਾਸ ਦੀਆਂ 25 ਲੱਖ ਯੂਨਿਟਾਂ ਵਿਕੀਆਂ ਸਨ, ਜੋ ਫਰਵਰੀ 2026 ਤੱਕ ਵਧ ਕੇ 50 ਲੱਖ ਅਤੇ ਹੁਣ 1 ਕਰੋੜ ਦੇ ਅੰਕੜੇ ਨੂੰ ਪਾਰ ਕਰ ਗਈਆਂ ਹਨ।
2 ਅਕਤੂਬਰ ਤੋਂ ਵਧਣ ਵਾਲੀ ਹੈ ਇਨ੍ਹਾਂ ਰਾਸ਼ੀਆਂ ਦੀ ਕਮਾਈ, ਹੋਵੇਗਾ ਪੈਸਾ ਹੀ ਪੈਸਾ
NEXT STORY 
