ਨੈਸ਼ਨਲ ਡੈਸਕ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ ਅਯੁੱਧਿਆ 'ਚ ਸ਼੍ਰੀ ਰਾਮ ਜਨਮਭੂਮੀ ਮੰਦਰ ਦੇ ਸ਼ਿਖਰ 'ਤੇ ਭਗਵਾ ਝੰਡਾ ਲਹਿਰਾਇਆ । ਇਸ ਦੌਰਾਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਰਾਸ਼ਟਰੀ ਸਵੈਮਸੇਵਕ ਸੰਘ (ਆਰ.ਐਸ.ਐਸ.) ਦੇ ਸਰਸੰਘਚਾਲਕ ਮੋਹਨ ਭਾਗਵਤ ਅਤੇ ਸਵਾਮੀ ਗੋਵਿੰਦ ਦੇਵ ਗਿਰੀ ਮੌਜੂਦ ਸਨ। ਇਸ ਸਮਾਰੋਹ ਦੇ ਕੁੱਲ ਸਾਢੇ ਸੱਤ ਹਜ਼ਾਰ ਮਹਿਮਾਨ ਇਸ ਧਾਰਮਿਕ ਸਮਾਗਮ ਦੇ ਗਵਾਹ ਬਣੇ।
ਗਰਭ ਗ੍ਰਹਿ 'ਚ ਕੀਤੀ ਪੂਜਾ-ਅਰਚਨਾ
ਅਯੋਧਿਆ ਵਿੱਚ ਸ਼੍ਰੀਰਾਮ ਜਨਮ ਭੂਮੀ ਮੰਦਰ ਦੇ ਗਰਭ ਗ੍ਰਹਿ ਵਿੱਚ ਵੈਦਿਕ ਮੰਟੋਚਰ ਦੇ ਵਿਚਕਾਰ ਪੂਜਾ-ਅਰਚਨਾ ਕੀਤੀ।
ਮੋਦੀ ਦਾ ਰੋਡ ਸ਼ੋਅ ਅਤੇ ਸਵਾਗਤ
ਪ੍ਰਧਾਨ ਮੰਤਰੀ ਮੋਦੀ ਮਹਾਰਿਸ਼ੀ ਵਾਲਮੀਕੀ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਉਤਰੇ। ਹਵਾਈ ਅੱਡੇ 'ਤੇ ਉੱਤਰ ਪ੍ਰਦੇਸ਼ ਦੇ ਰਾਜਪਾਲ ਆਨੰਦੀ ਬੇਨ ਪਟੇਲ ਅਤੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਨੇ ਉਨ੍ਹਾਂ ਦਾ ਸਵਾਗਤ ਕੀਤਾ। ਇਸ ਤੋਂ ਬਾਅਦ, ਉਨ੍ਹਾਂ ਦੇ ਵਾਹਨਾਂ ਦਾ ਕਾਫ਼ਲਾ ਇੱਕ ਰੋਡ ਸ਼ੋਅ ਦੇ ਰੂਪ ਵਿੱਚ ਰਾਮਪਥ ਵੱਲ ਵਧਿਆ। ਸੜਕ ਦੇ ਦੋਵੇਂ ਪਾਸੇ ਖੜ੍ਹੇ ਅਯੁੱਧਿਆ ਵਾਸੀਆਂ ਨੇ ਕਾਫ਼ਲੇ 'ਤੇ ਫੁੱਲਾਂ ਦੀ ਵਰਖਾ ਕੀਤੀ। ਮੁੱਖ ਮੰਤਰੀ ਆਦਿਤਿਆਨਾਥ ਨੇ 'ਐਕਸ' (X) 'ਤੇ ਪ੍ਰਧਾਨ ਮੰਤਰੀ ਦਾ 'ਸ਼੍ਰੀ ਅਯੁੱਧਿਆ ਧਾਮ' ਵਿੱਚ ਹਾਰਦਿਕ ਸਵਾਗਤ ਅਤੇ ਅਭਿਨੰਦਨ ਕੀਤਾ।
ਪ੍ਰਧਾਨ ਮੰਤਰੀ ਨੇ ਧਵਜਾਰੋਹਣ ਤੋਂ ਪਹਿਲਾਂ, ਕਈ ਮੰਦਰਾਂ ਦੇ ਦਰਸ਼ਨ ਕੀਤੇ, ਜਿਨ੍ਹਾਂ ਵਿੱਚ ਸਪਤਮੰਦਰ, ਸ਼ੇਸ਼ਾਵਤਾਰ ਮੰਦਰ ਅਤੇ ਮਾਤਾ ਅੰਨਪੂਰਣਾ ਮੰਦਰ ਸ਼ਾਮਲ ਸਨ। ਰੋਡ ਸ਼ੋਅ ਦੌਰਾਨ, ਕਰੀਬ 1 ਕਿਲੋਮੀਟਰ ਦੇ ਇਸ ਮਾਰਗ 'ਤੇ 12 ਥਾਵਾਂ 'ਤੇ ਉਨ੍ਹਾਂ ਦਾ ਸਵਾਗਤ ਕੀਤਾ ਗਿਆ, ਜਿੱਥੇ ਸੱਤ ਥਾਵਾਂ 'ਤੇ ਸੱਭਿਆਚਾਰਕ ਮੰਚ ਵੀ ਸਥਾਪਤ ਕੀਤੇ ਗਏ ਸਨ।
ਝੰਡਾ ਲਹਿਰਾਉਣ ਦਾ ਸਮਾਰੋਹ
ਸ਼੍ਰੀ ਰਾਮ ਜਨਮਭੂਮੀ ਤੀਰਥ ਖੇਤਰ ਦੇ ਜਨਰਲ ਸਕੱਤਰ ਚੰਪਤ ਰਾਏ ਨੇ ਦੱਸਿਆ ਕਿ ਝੰਡਾ ਫਹਿਰਾਉਣ ਦੀ ਇਹ ਰਸਮ 11:50 ਵਜੇ ਤੋਂ ਬਾਅਦ ਅਭਿਜੀਤ ਮੁਹੂਰਤ ਵਿੱਚ ਹੋਈ। ਇਸ ਦੌਰਾਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਰਾਸ਼ਟਰੀ ਸਵੈਮਸੇਵਕ ਸੰਘ (ਆਰ.ਐਸ.ਐਸ.) ਦੇ ਸਰਸੰਘਚਾਲਕ ਮੋਹਨ ਭਾਗਵਤ ਅਤੇ ਸਵਾਮੀ ਗੋਵਿੰਦ ਦੇਵ ਗਿਰੀ ਮੌਜੂਦ ਸਨ। ਇਸ ਸਮਾਰੋਹ ਦੇ ਕੁੱਲ ਸਾਢੇ ਸੱਤ ਹਜ਼ਾਰ ਮਹਿਮਾਨ ਗਵਾਹ ਬਣੇ।
ਭਗਵਾ ਝੰਡੇ ਦੀਆਂ ਵਿਸ਼ੇਸ਼ਤਾਵਾਂ
ਚੰਪਤ ਰਾਏ ਨੇ ਜਾਣਕਾਰੀ ਦਿੱਤੀ ਕਿ ਇਹ ਝੰਡਾ ਭਗਵਾ ਰੰਗ ਦਾ ਹੋਵੇਗਾ। ਰਾਏ ਨੇ ਕਿਹਾ ਕਿ ਇਹ ਰੰਗ ਅੱਗ ਅਤੇ ਚੜ੍ਹਦੇ ਸੂਰਜ ਨੂੰ ਦਰਸਾਉਂਦਾ ਹੈ, ਜੋ ਤਿਆਗ ਅਤੇ ਸਮਰਪਣਦਾ ਪ੍ਰਤੀਕ ਹੈ।
• ਇਸ ਝੰਡੇ ਨੂੰ ਤਿਕੋਣਾ ਦੱਸਿਆ ਗਿਆ ਹੈ।
• ਚੰਪਤ ਰਾਏ ਅਨੁਸਾਰ, ਇਸਦੀ ਲੰਬਾਈ 20 ਫੁੱਟ ਅਤੇ ਚੌੜਾਈ 10 ਫੁੱਟ ਹੋਵੇਗੀ। (ਪਹਿਲਾਂ, ਟਰੱਸਟ ਵੱਲੋਂ ਇਸਦੀ ਲੰਬਾਈ 22 ਫੁੱਟ ਅਤੇ ਚੌੜਾਈ 11 ਫੁੱਟ ਵੀ ਦੱਸੀ ਗਈ ਸੀ।
• ਇਸ ਝੰਡੇ 'ਤੇ 'ਸੂਰਜ' (ਸੂਰਜਦੇਵ), 'ਓਮ' ਅਤੇ ਕੋਵਿਦਾਰ ਰੁੱਖ ਦੇ ਚਿੰਨ੍ਹ ਬਣੇ ਹੋਣਗੇ।
• ਇਹ ਝੰਡਾ ਜ਼ਮੀਨ ਤੋਂ 191 ਫੁੱਟ ਦੀ ਉਚਾਈ ਤੱਕ ਲਹਿਰਾਇਆ ਗਿਆ, ਜਦੋਂ ਕਿ ਮੰਦਰ ਦਾ ਸ਼ਿਖਰ 161 ਫੁੱਟ ਉੱਚਾ ਹੈ।
ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ ਸੀ ਕਿ ਇਹ ਝੰਡਾ ਭਗਵਾਨ ਸ਼੍ਰੀ ਰਾਮ ਦੇ ਤੇਜ, ਸ਼ੌਰਯ ਅਤੇ ਆਦਰਸ਼ਾਂ ਦੇ ਨਾਲ-ਨਾਲ ਸਾਡੀ ਆਸਥਾ, ਅਧਿਆਤਮ ਅਤੇ ਸੱਭਿਆਚਾਰਕ ਵਿਰਾਸਤ ਦਾ ਪ੍ਰਤੀਕ ਹੈ।
ਸੁਰੱਖਿਆ ਦੇ ਨਜ਼ਰੀਏ ਤੋਂ, ਪੂਰੀ ਅਯੁੱਧਿਆ ਨਗਰੀ ਨੂੰ ਅਭੇਦ ਕਿਲ੍ਹੇ ਵਿੱਚ ਬਦਲ ਦਿੱਤਾ ਗਿਆ ਸੀ, ਜਿੱਥੇ 15,000 ਸੀ.ਸੀ.ਟੀ.ਵੀ. ਕੈਮਰੇ ਲਗਾਏ ਗਏ ਸਨ ਅਤੇ ਐਸ.ਪੀ.ਜੀ., ਐਨ.ਐਸ.ਜੀ., ਸੀ.ਆਰ.ਪੀ.ਐਫ., ਆਈ.ਬੀ. ਅਤੇ ਯੂ.ਪੀ. ਪੁਲਿਸ ਦੇ ਜਵਾਨ ਤਾਇਨਾਤ ਸਨ।
ਆਪਣਾ ਘਰ ਲੈਣ ਦਾ ਸੁਫਨਾ ਦੇਖਣ ਵਾਲਿਆਂ ਲਈ ਖ਼ੁਸ਼ਖ਼ਬਰੀ! ਕੇਂਦਰ ਨੇ ਦਿੱਤਾ ਵੱਡਾ ਤੋਹਫ਼ਾ
NEXT STORY 
