ਨੈਸ਼ਨਲ ਡੈਸਕ : ਪਾਲੀ ਜ਼ਿਲੇ ਦੇ ਬਾਲੀ 'ਚ ਐਤਵਾਰ ਨੂੰ ਇਕ ਹਾਦਸਾ ਵਾਪਰਿਆ, ਜਿਸ 'ਚ ਸਾਬਕਾ ਮੁੱਖ ਮੰਤਰੀ ਵਸੁੰਧਰਾ ਰਾਜੇ ਦੇ ਕਾਫਲੇ 'ਚ ਸ਼ਾਮਲ ਪੁਲਸ ਦੀ ਬੋਲੇਰੋ ਗੱਡੀ ਪਲਟ ਗਈ। ਇਹ ਹਾਦਸਾ ਬਾਈਕ ਸਵਾਰ ਨੂੰ ਬਚਾਉਣ ਦੀ ਕੋਸ਼ਿਸ਼ ਦੌਰਾਨ ਵਾਪਰਿਆ। ਇਸ ਹਾਦਸੇ 'ਚ 7 ਪੁਲਸ ਕਰਮਚਾਰੀ ਜ਼ਖਮੀ ਹੋ ਗਏ, ਜਿਨ੍ਹਾਂ 'ਚੋਂ 3 ਨੂੰ ਗੰਭੀਰ ਸੱਟਾਂ ਲੱਗੀਆਂ। ਜ਼ਖਮੀਆਂ ਨੂੰ ਮੁੱਢਲੀ ਸਹਾਇਤਾ ਤੋਂ ਬਾਅਦ ਉੱਚ ਕੇਂਦਰ ਰੈਫਰ ਕਰ ਦਿੱਤਾ ਗਿਆ ਹੈ।
ਬਾਈਕ ਸਵਾਰ ਨੂੰ ਬਚਾਉਣ ਦੀ ਕੋਸ਼ਿਸ਼ 'ਚ ਹੋਇਆ ਹਾਦਸਾ
ਜਾਣਕਾਰੀ ਮੁਤਾਬਕ ਵਸੁੰਧਰਾ ਰਾਜੇ ਪਾਲੀ ਜ਼ਿਲੇ ਦੇ ਮੁੰਦਰਾ ਪਿੰਡ 'ਚ ਮੰਤਰੀ ਓਤਾਰਾਮ ਦੇਵਾਸੀ ਦੀ ਮਾਂ ਦੇ ਦੇਹਾਂਤ 'ਤੇ ਦੁੱਖ ਪ੍ਰਗਟ ਕਰਨ ਲਈ ਗਈ ਸੀ। ਉਥੋਂ ਵਾਪਸ ਆਉਂਦੇ ਸਮੇਂ ਉਨ੍ਹਾਂ ਦਾ ਕਾਫਲਾ ਜੋਧਪੁਰ ਵੱਲ ਜਾ ਰਿਹਾ ਸੀ। ਇਸ ਦੌਰਾਨ ਬਾਲੀ ਅਤੇ ਕੋਟ ਬਲੀਆਂ ਵਿਚਕਾਰ ਪੁਲਸ ਦੀ ਬੋਲੈਰੋ ਗੱਡੀ ਨੇ ਮੋਟਰਸਾਈਕਲ ਸਵਾਰ ਨੂੰ ਬਚਾਉਂਦੇ ਹੋਏ ਪਲਟ ਦਿੱਤਾ। ਬੋਲੈਰੋ 'ਚ ਕੁੱਲ 7 ਪੁਲਸ ਕਰਮਚਾਰੀ ਸਵਾਰ ਸਨ, ਜਿਨ੍ਹਾਂ 'ਚੋਂ 3 ਨੂੰ ਗੰਭੀਰ ਸੱਟਾਂ ਲੱਗੀਆਂ ਹਨ।
ਵਸੁੰਧਰਾ ਰਾਜੇ ਨੇ ਜ਼ਖਮੀਆਂ ਦੀ ਕੀਤੀ ਮਦਦ
ਹਾਦਸੇ ਦੀ ਸੂਚਨਾ ਮਿਲਦੇ ਹੀ ਵਸੁੰਧਰਾ ਰਾਜੇ ਨੇ ਜ਼ਖਮੀ ਪੁਲਸ ਕਰਮਚਾਰੀਆਂ ਦੀ ਮਦਦ ਕੀਤੀ। ਉਨ੍ਹਾਂ ਜ਼ਖਮੀਆਂ ਨੂੰ ਐਂਬੂਲੈਂਸ ਰਾਹੀਂ ਸਰਕਾਰੀ ਹਸਪਤਾਲ ਬਾਲੀ ਪਹੁੰਚਾਇਆ ਅਤੇ ਬਾਲੀ ਦੇ ਵਿਧਾਇਕ ਪੁਸ਼ਪੇਂਦਰ ਸਿੰਘ ਨੂੰ ਵੀ ਨਾਲ ਭੇਜਿਆ।
ਤਿੰਨ ਵਾਰ ਪਲਟੀ ਕਾਰ
ਹਾਦਸੇ ਬਾਰੇ ਭਾਜਪਾ ਆਗੂ ਰਮੇਸ਼ ਪਰਿਹਾਰ ਨੇ ਦੱਸਿਆ ਕਿ ਪੁਲਸ ਦੀ ਬੋਲੈਰੋ ਗੱਡੀ ਬਾਈਕ ਸਵਾਰ ਨੂੰ ਬਚਾਉਣ ਦੀ ਕੋਸ਼ਿਸ਼ ਵਿੱਚ ਤਿੰਨ ਵਾਰ ਪਲਟ ਗਈ। ਇਸ ਦੌਰਾਨ ਬੋਲੈਰੋ 'ਚ ਸਵਾਰ ਸਾਰੇ 7 ਪੁਲਸ ਮੁਲਾਜ਼ਮ ਜ਼ਖਮੀ ਹੋ ਗਏ, ਜਿਨ੍ਹਾਂ 'ਚੋਂ 3 ਨੂੰ ਗੰਭੀਰ ਸੱਟਾਂ ਲੱਗੀਆਂ। ਜ਼ਖਮੀਆਂ ਨੂੰ ਪਹਿਲਾਂ ਬਾਲੀ ਹਸਪਤਾਲ 'ਚ ਮੁੱਢਲੀ ਸਹਾਇਤਾ ਦਿੱਤੀ ਗਈ ਤੇ ਫਿਰ ਗੰਭੀਰ ਰੂਪ 'ਚ ਜ਼ਖਮੀ ਤਿੰਨ ਪੁਲਸ ਕਰਮਚਾਰੀਆਂ ਨੂੰ ਉੱਚ ਕੇਂਦਰ 'ਚ ਰੈਫਰ ਕਰ ਦਿੱਤਾ ਗਿਆ।
ਇਕ ਰਾਸ਼ਟਰ-ਇਕ ਚੋਣ ਲਈ ‘ਵਿਚਕਾਰਲਾ ਰਾਹ’
NEXT STORY 
