ਸਿੰਗਰੌਲੀ : ਮੱਧ ਪ੍ਰਦੇਸ਼ ਦੇ ਸਿੰਗਰੌਲੀ ਜ਼ਿਲ੍ਹੇ 'ਚ ਸ਼ੁੱਕਰਵਾਰ ਰਾਤ ਕੋਲੇ ਨਾਲ ਭਰੇ ਇਕ ਵਾਹਨ ਦੀ ਲਪੇਟ 'ਚ ਆਉਣ ਨਾਲ ਬਾਈਕ ਸਵਾਰ 2 ਲੋਕਾਂ ਦੀ ਦਰਦਨਾਕ ਮੌਤ ਹੋ ਗਈ। ਇਸ ਤੋਂ ਨਾਰਾਜ਼ ਭੀੜ ਨੇ 7 ਬੱਸਾਂ ਅਤੇ 4 ਹੋਰ ਵਾਹਨਾਂ ਨੂੰ ਅੱਗ ਲਗਾ ਦਿੱਤੀ। ਮ੍ਰਿਤਕਾਂ ਦੀ ਪਛਾਣ ਰਾਮ ਲਾਲੂ ਯਾਦਵ ਅਤੇ ਰਾਮ ਸਾਗਰ ਪ੍ਰਜਾਪਤੀ ਵਜੋਂ ਹੋਈ ਹੈ। ਇਹ ਘਟਨਾ ਮਾਡਾ ਥਾਣਾ ਖੇਤਰ ਦੇ ਅਧੀਨ ਅਮੀਲੀਆ ਘਾਟੀ ਵਿੱਚ ਵਾਪਰੀ। ਦੋਵੇਂ ਮ੍ਰਿਤਕ ਸਥਾਨਕ ਵਾਸੀ ਸਨ। ਅਮੀਲੀਆ ਵੈਲੀ 'ਚ ਸੜਕ ਹਾਦਸੇ ਤੋਂ ਬਾਅਦ ਮਚੇ ਹੰਗਾਮੇ ਦੀ ਸੂਚਨਾ ਮਿਲਣ ਤੋਂ ਬਾਅਦ ਪੁਲਸ ਨੇ ਮੌਕੇ 'ਤੇ ਪਹੁੰਚ ਕੇ ਗੁੱਸੇ 'ਚ ਆਈ ਭੀੜ ਨੂੰ ਕਾਬੂ ਕੀਤਾ। ਇਸ ਦੌਰਾਨ ਭੀੜ ਨੂੰ ਕਾਬੂ ਕਰਨ ਦੌਰਾਨ ਕਈ ਪੁਲਸ ਵਾਲੇ ਵੀ ਜ਼ਖਮੀ ਹੋ ਗਏ। ਬਾਅਦ 'ਚ ਪੁਲਸ ਨੇ ਹਾਦਸੇ ਵਿੱਚ ਮਾਰੇ ਗਏ ਦੋ ਵਿਅਕਤੀਆਂ ਦੀਆਂ ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਜ਼ਿਲ੍ਹਾ ਹਸਪਤਾਲ ਭੇਜ ਦਿੱਤਾ।
ਇਹ ਵੀ ਪੜ੍ਹੋ : ‘ਲਵ ਜਿਹਾਦ’ ਖ਼ਿਲਾਫ਼ ਕਾਨੂੰਨ ਬਣਾਏਗੀ ਸਰਕਾਰ, DGP ਦੀ ਅਗਵਾਈ ਹੇਠ ਬਣੀ ਕਮੇਟੀ
ਸਥਿਤੀ ਦੇ ਮੱਦੇਨਜ਼ਰ ਕਈ ਥਾਣਿਆਂ ਦੀ ਪੁਲਸ ਮੌਕੇ ’ਤੇ ਤਾਇਨਾਤ ਕਰ ਦਿੱਤੀ ਗਈ ਹੈ। ਸਿੰਗਰੌਲੀ ਦੇ ਕੁਲੈਕਟਰ ਅਤੇ ਪੁਲਸ ਸੁਪਰਡੈਂਟ ਨੇ ਵੀ ਮੌਕੇ 'ਤੇ ਪਹੁੰਚ ਕੇ ਸਥਿਤੀ ਦਾ ਜਾਇਜ਼ਾ ਲਿਆ। ਜਾਣਕਾਰੀ ਅਨੁਸਾਰ ਭੀੜ ਵੱਲੋਂ ਜਿਨ੍ਹਾਂ ਵਾਹਨਾਂ ਨੂੰ ਅੱਗ ਲਗਾਈ ਗਈ ਸੀ, ਉਹ ਉਸੇ ਕੋਲਮਾਇਨ ਕੰਪਨੀ ਦੇ ਸਨ, ਜਿਸ ਦੇ ਲੋਡਰ ਟਰੱਕ ਨਾਲ ਇਹ ਹਾਦਸਾ ਹੋਇਆ ਸੀ। ਇਹ ਵਾਹਨ ਕੋਲੇ ਦੀ ਢੋਆ-ਢੁਆਈ ਅਤੇ ਕੋਲਾ ਖਾਣਾਂ ਵਿੱਚ ਕੰਮ ਕਰਦੇ ਮੁਲਾਜ਼ਮਾਂ ਦੀ ਢੋਆ-ਢੁਆਈ ਵਿੱਚ ਲੱਗੇ ਹੋਏ ਸਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
3 ਦਿਨ ਪਹਿਲੀ ਤੇ 3 ਦਿਨ ਦੂਜੀ ਪਤਨੀ ਕੋਲ ਰਹੇਗਾ ਪਤੀ, ਇੱਕ ਦਿਨ ਰਹੇਗੀ ਛੁੱਟੀ
NEXT STORY 
