ਨਵੀਂ ਦਿੱਲੀ (ਬਿਊਰੋ) — ਰਹਿਆਣਵੀ ਅਤੇ ਬਾਲੀਵੁੱਡ ਡਾਂਸਰ ਸਪਨਾ ਚੌਧਰੀ ਲੱਖਾਂ ਦਿਲਾਂ ਦੀ ਧੜਕਨ ਹੈ। ਸਪਨਾ ਚੌਧਰੀ ਦੇ ਅਚਾਨਕ ਮਾਂ ਬਣਨ ਦੀ ਖ਼ਬਰ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਸਪਨਾ ਦੇ ਘਰ ਬੇਟੇ ਨੇ ਜਨਮ ਲਿਆ ਹੈ। ਇਸ ਖ਼ਬਰ ਦੇ ਸਾਹਮਣੇ ਆਉਂਦੇ ਹੀ ਸਪਨਾ ਨੂੰ ਤੇ ਉਸ ਦੇ ਪਰਿਵਾਰ ਨੂੰ ਵਧਾਈਆਂ ਦੇਣ ਵਾਲਿਆਂ ਦਾ ਤਾਂਤਾ ਲੱਗਾ ਹੋਇਆ ਹੈ। ਸਪਨਾ ਦੇ ਪੁੱਤਰ ਦੇ ਜਨਮ ਤੋਂ ਉਸ ਦਾ ਪੂਰਾ ਪਰਿਵਾਰ ਕਾਫ਼ੀ ਖ਼ੁਸ ਹੈ।
ਡਾਂਸਰ ਦੇ ਮਾਂ ਬਣਨ ਦੀ ਪੁਸ਼ਟੀ ਖ਼ੁਦ ਉਸ ਦੀ ਮਾਂ ਨੀਲਮ ਚੌਧਰੀ ਨੇ ਕੀਤੀ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਸਪਨਾ ਨੇ ਇਕ ਸਿਹਤਮੰਦ ਤੇ ਸੁੰਦਰ ਪੁੱਤਰ ਨੂੰ ਜਨਮ ਦਿੱਤਾ। ਉਥੇ ਹੀ ਹੁਣ ਪ੍ਰਸ਼ੰਸਕ ਇਹ ਜਾਣਨਾ ਚਾਹੁੰਦੇ ਹਨ ਕਿ ਆਖ਼ਿਰ ਸਪਨਾ ਚੌਧਰੀ ਨੇ ਕਿਸ ਨਾਲ ਵਿਆਹ ਕਰਵਾਇਆ ਹੈ। ਕੌਣ ਹੈ ਉਹ ਖ਼ੁਸ਼ਕਿਸਮਤ ਇਨਸਾਨ ਜਿਸ ਨੇ ਸਪਨਾ ਨੇ ਆਪਣੇ ਜੀਵਨਸਾਥੀ ਦੇ ਤੌਰ 'ਤੇ ਚੁਣਿਆ ਹੈ? ਤਾਂ ਆਓ ਜਾਣਦੇ ਹਾਂ ਵੀਰ ਸਾਹੂ ਬਾਰੇ :-
ਹਰਿਆਣਵੀ ਕੁਈਨ ਸਪਨਾ ਚੌਧਰੀ ਦਾ ਦਿਲ ਕਿਸੇ ਹੋਰ 'ਤੇ ਨਹੀਂ ਸਗੋ ਵੀਰ ਸਾਹੂ ਨੇ ਚੁਰਾਇਆ ਹੈ। ਵੀਰ ਸਾਹੂ ਮੂਲ ਰੂਪ ਤੋਂ ਹਾਂਸੀ ਨਾਲ ਸਬੰਧ ਰੱਖਦੇ ਹਨ। ਵੀਰ ਸਾਹੂ ਇੱਕ ਗਾਇਕ, ਕੰਪੋਜ਼ਰ, ਲੇਖਕ ਤੇ ਹਰਿਆਣੀ ਅਦਾਕਾਰ ਹੈ। ਹਰਿਆਣਵੀ ਇੰਡਸਟਰੀ ਦਾ ਉਹ ਪ੍ਰਸਿੱਧ ਚਿਹਰਾ ਹੈ, ਜਿਸ ਨੂੰ ਬੱਬੂ ਮਾਨ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ। ਲੰਬੇ ਸਮੇਂ ਤੋਂ ਸਪਨਾ ਚੌਧਰੀ ਤੇ ਵੀਰ ਸਾਹੂ ਨੂੰ ਲੈ ਕੇ ਖ਼ਬਰਾਂ ਸਾਹਮਣੇ ਆ ਰਹੀਆਂ ਸਨ ਕਿ ਦੋਵਾਂ ਨੇ ਮੰਗਣੀ ਕਰ ਲਈ ਹੈ ਪਰ ਇਨ੍ਹਾਂ ਦੋਵਾਂ ਵਲੋਂ ਇਸ ਗੱਲ ਦੀ ਕੋਈ ਆਧਿਕਾਰਿਕ ਪੁਸ਼ਟੀ ਨਹੀਂ ਕੀਤੀ ਗਈ। ਹੁਣ ਸਪਨਾ ਚੌਧਰੀ ਦੇ ਮਾਂ ਬਣਨ ਦੀ ਖ਼ਬਰ ਤੋਂ ਬਾਅਦ ਦੋਵਾਂ ਦੇ ਰਿਸ਼ਤੇ 'ਤੇ ਮੋਹਰ ਲੱਗ ਗਈ ਹੈ।
ਸਪਨਾ ਚੌਧਰੀ ਦੀ ਵਾਂਗ ਵੀਰ ਸਾਹੂ ਦੇ ਪਰਫਾਰਮੈਂਸ ਲਈ ਲੱਖਾਂ ਲੋਕਾਂ ਦੀ ਭੀੜ ਲੱਗਦੀ ਹੈ। ਵੀਰ ਸਾਹੂ ਵੀ ਸਪਨਾ ਵਾਂਗ ਹੀ ਹਰਿਆਣਾ ਤੇ ਪੰਜਾਬ ਦੇ ਲੋਕਾਂ ਨੂੰ ਕਾਫ਼ੀ ਸਾਲ ਤੋਂ ਮਨੋਰੰਜਨ ਕਰ ਰਿਹਾ ਹੈ। ਸਪਨਾ ਤੇ ਵੀਰ ਸਾਹੂ ਨੂੰ ਕਈ ਵਾਰ ਇਕੱਠੇ ਸਟੇਜ ਸ਼ੋਅ ਕਰਦੇ ਵੀ ਦੇਖਿਆ ਜਾ ਚੁੱਕਾ ਹੈ। ਵੀਰ ਸਾਹੂ ਨੂੰ ਹਮੇਸ਼ਾ ਤੋਂ ਹੀ ਗਾਉਣ ਦਾ ਸ਼ੌਕ ਰਿਹਾ ਹੈ।
ਇਸ ਕਰਕੇ ਉਸ ਨੇ ਆਪਣੀ ਐੱਮ. ਬੀ. ਬੀ. ਐੱਸ. ਦੀ ਪੜਾਈ ਤੱਕ ਨੂੰ ਵਿਚਕਾਰ 'ਚ ਹੀ ਛੱਡ ਦਿੱਤੀ ਤੇ ਗਾਇਕੀ ਨੂੰ ਆਪਣੇ ਕਰੀਅਰ ਦੇ ਤੌਰ 'ਤੇ ਚੁਣਿਆ। ਵੀਰ ਸਾਹੂ ਲਈ ਇਹ ਮੁਕਾਮ ਹਾਸਲ ਕਰਨਾ ਸੌਖਾ ਨਹੀਂ ਸੀ। ਉਸ ਨੇ ਇਥੇ ਤੱਕ ਪਹੁੰਚਣ ਲਈ ਕਾਫ਼ੀ ਮਿਹਨਤ ਕੀਤੀ।
ਦੱਸਣਯੋਗ ਹੈ ਕਿ ਵੀਰ ਸਾਹੂ ਪੰਜਾਬੀ ਫ਼ਿਲਮ 'ਰੁਪਿੰਦਰ ਗਾਂਧੀ ਫਿਰ ਆ ਗਿਆ' 'ਚ ਵੀ ਕੰਮ ਕਰ ਚੁੱਕੇ ਹਨ। ਵੀਰ ਸਾਹੂ ਨੂੰ ਇਕ ਹੋਰ ਚੀਜ ਦਾ ਬਹੁਤ ਸ਼ੌਕ ਹੈ। ਵੀਰ ਸਾਹੂ ਗਾਇਕੀ ਦੇ ਨਾਲ-ਨਾਲ ਫਿੱਟਨੈੱਸ ਦਾ ਵੀ ਪੂਰਾ ਧਿਆਨ ਰੱਖਦੇ ਹਨ।
ਉਹ ਕਿੰਨੇ ਵੀ ਬਿੱਜੀ ਕਿਉਂ ਨਾ ਹੋਣ ਪਰ ਫਿੱਟਨੈੱਸ ਨੂੰ ਲੈ ਕੇ ਹਮੇਸ਼ਾ ਹੀ ਸਰਗਰਮ ਰਹਿੰਦੇ ਹਨ। ਉਥੇ ਹੀ ਸਪਨਾ ਚੌਧਰੀ ਵਾਂਗ ਹੀ ਵੀਰ ਸਾਹੂ ਵੀ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਸਰਗਰਮ ਰਹਿੰਦੇ ਹਨ। ਉਹ ਆਏ ਦਿਨ ਸੋਸ਼ਲ ਮੀਡੀਆ 'ਤੇ ਆਪਣੇ ਆਉਣ ਵਾਲੇ ਪ੍ਰੋਜੈਕਟਸ ਬਾਰੇ ਦੱਸਦੇ ਰਹਿੰਦੇ ਹਨ।
ਸਮਾਰਟ ਸਿਟੀਜ਼ ਮਿਸ਼ਨ ਦੇ ਅਧੀਨ ਜੰਮੂ-ਕਸ਼ਮੀਰ 'ਚ 70 ਹਜ਼ਾਰ LED ਸਟਰੀਟ ਲਾਈਟਾਂ ਲਗਾਈਆਂ ਗਈਆਂ
NEXT STORY 
