ਨਵੀਂ ਦਿੱਲੀ- ਦੇਸ਼ ਵਿਚ ਨਿਰਮਾਣ, ਵਪਾਰ ਅਤੇ ਸੇਵਾਵਾਂ ਦੇ ਛੋਟੇ ਕਾਰੋਬਾਰਾਂ ਨੇ ਅਕਤੂਬਰ 2023 ਤੋਂ ਇਸ ਸਾਲ ਸਤੰਬਰ ਦੇ ਵਿਚਕਾਰ 12 ਕਰੋੜ ਤੋਂ ਵੱਧ ਕਾਮਿਆਂ ਨੂੰ ਰੁਜ਼ਗਾਰ ਦਿੱਤਾ। ਸਾਲ 2022-23 ਤੋਂ 1 ਕਰੋੜ ਤੋਂ ਵੱਧ ਕਰਮਚਾਰੀ ਜੁੜੇ, ਜਦੋਂ ਕਿ ਯੂਨਿਟਾਂ ਦੀ ਕੁੱਲ ਗਿਣਤੀ 2023-24 'ਚ 6.5 ਕਰੋੜ ਤੋਂ ਵੱਧ ਕੇ 7.3 ਕਰੋੜ ਤੋਂ ਵੱਧ ਹੋ ਗਈ, ਜੋ ਕਿ ਕੋਵਿਡ-19 ਤੋਂ ਮਹੱਤਵਪੂਰਨ ਸੈਕਟਰ ਦੀ ਰਿਕਵਰੀ ਨੂੰ ਦਰਸਾਉਂਦਾ ਹੈ। ਇਸ ਦਾ ਖ਼ੁਲਾਸਾ ਇਕ ਸਰਵੇਖਣ 'ਚ ਹੋਇਆ ਹੈ।
2023-24 ਲਈ ਗੈਰ-ਸੰਗਠਿਤ ਸੈਕਟਰ ਦਾ ਸਲਾਨਾ ਸਰਵੇਖਣ, ਜੋ ਕਿ ਉਤਪਾਦਨ, ਵਪਾਰ ਅਤੇ ਸੇਵਾਵਾਂ ਵਿਚ ਗੈਰ-ਖੇਤੀ ਗੈਰ-ਸੰਗਠਿਤ ਸੈਕਟਰ ਦੇ ਵੱਖ-ਵੱਖ ਆਰਥਿਕ ਅਤੇ ਸੰਚਾਲਨ ਮਾਪਦੰਡਾਂ ਨੂੰ ਦਰਸਾਉਂਦਾ ਹੈ। ਉੱਥੇ ਹੀ ਪਿਛਲੇ ਸਾਲ ਦੀ ਤੁਲਨਾ ਵਿਚ ਅਕਤੂਬਰ 2023 ਸਤੰਬਰ 2024 ਦਰਮਿਆਨ ਅਦਾਰਿਆਂ ਦੀ ਅਨੁਮਾਨਤ ਗਿਣਤੀ ਵਿਚ 12.8 ਫ਼ੀਸਦੀ ਦਾ ਵਾਧਾ ਹੋਇਆ, ਜਦਕਿ ਇਸ ਸਮੇਂ ਦੌਰਾਨ ਕੁੱਲ ਰੁਜ਼ਗਾਰ ਵਿਚ 10.1 ਫੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ।
ਸਰਵੇਖਣ ਮੁਤਾਬਕ ਸੈਕਟਰ ਨੇ ਮੁੱਖ ਆਰਥਿਕ ਅਤੇ ਸੰਚਾਲਨ ਮੈਟ੍ਰਿਕਸ ਵਿਚ ਮਹੱਤਵਪੂਰਨ ਸਾਲ-ਦਰ-ਸਾਲ ਵਾਧਾ ਦਰਸਾਇਆ ਹੈ, ਜਿਸ 'ਚ ਅਦਾਰਿਆਂ, ਕਾਮਿਆਂ, ਮਜ਼ਦੂਰੀ ਅਤੇ ਮਿਹਨਤਾਨੇ ਅਤੇ ਉਤਪਾਦਕਤਾ ਦੀ ਅਨੁਮਾਨਿਤ ਗਿਣਤੀ ਸ਼ਾਮਲ ਹੈ। ਸਰਵੇਖਣ ਦੇ ਨਤੀਜੇ ਦਰਸਾਉਂਦੇ ਹਨ ਕਿ ਵਿਕਾਸ ਮੁੱਖ ਤੌਰ 'ਤੇ ਸੇਵਾ ਖੇਤਰ ਵਲੋਂ ਚਲਾਇਆ ਗਿਆ ਸੀ, ਜਿਸ ਵਿਚ ਅਦਾਰਿਆਂ 'ਚ 23.6 ਫ਼ੀਸਦੀ ਦਾ ਵਾਧਾ ਹੋਇਆ ਸੀ। ਰੁਜ਼ਗਾਰ ਵਿਚ 17.9 ਫੀਸਦੀ ਦਾ ਵਾਧਾ ਹੋਇਆ।
ਉੱਥੇ ਹੀ ਕੰਮ 'ਤੇ ਰੱਖੇ ਗਏ ਹਰੇਕ ਕਾਮੇ ਦਾ ਔਸਤ ਮਿਹਨਤਾਨਾ 2022-23 'ਚ 124,842 ਰੁਪਏ ਤੋਂ 13 ਫ਼ੀਸਦੀ ਵਧ ਕੇ 2023-24 ਵਿਚ 141,071 ਰੁਪਏ ਹੋ ਗਿਆ। ਗੈਰ-ਸੰਗਠਿਤ ਗੈਰ-ਖੇਤੀ ਅਦਾਰੇ ਸ਼ਾਮਲ ਨਹੀਂ ਕੀਤੇ ਗਏ ਹਨ। ਜਿਸਦਾ ਮਤਲਬ ਹੈ ਕਿ ਉਹ ਨਾ ਤਾਂ ਕੰਪਨੀ ਐਕਟ 1956 ਅਤੇ ਨਾ ਹੀ 2013 ਐਕਟ ਦੇ ਤਹਿਤ ਰਜਿਸਟਰਡ ਹਨ।
ਭਾਜੜ ਮਾਮਲੇ 'ਚ ਹੈਦਰਾਬਾਦ ਪੁਲਸ ਦੀ ਲੋਕਾਂ ਨੂੰ ਸਖ਼ਤ ਚਿਤਾਵਨੀ, ਗਲਤੀ ਕਰਨੀ ਪਵੇਗੀ ਭਾਰੀ
NEXT STORY 
