ਇੰਦੌਰ- ਇੰਦੌਰ ਤੋਂ ਮੇਘਾਲਿਆ ਵਿਚ ਹਨੀਮੂਨ ਮਨਾਉਣ ਗਏ ਰਾਜਾ ਰਘੂਵੰਸ਼ੀ ਅਤੇ ਸੋਨਮ ਰਘੂਵੰਸ਼ੀ ਮਾਮਲੇ ਵਿਚ ਇਕ ਤੋਂ ਬਾਅਦ ਇਕ ਵੱਡੇ ਖ਼ੁਲਾਸੇ ਹੋ ਰਹੇ ਹਨ। ਰਾਜਾ ਦੇ ਕਤਲ ਦੇ ਪਿੱਛੇ ਉਸ ਦੀ ਪਤਨੀ ਸੋਨਮ ਦਾ ਹੱਥ ਸੀ ਅਤੇ ਇਸ ਸਾਜਿਸ਼ ਵਿਚ ਸੋਨਮ ਦਾ ਸਾਥ ਉਸ ਦੇ ਪ੍ਰੇਮੀ ਰਾਜ ਕੁਸ਼ਵਾਹਾ ਨੇ ਦਿੱਤਾ। ਪੁਲਸ ਸੂਤਰਾਂ ਅਨੁਸਾਰ ਮੇਘਾਲਿਆ ਦੇ ਸ਼ਿਲਾਂਗ 'ਚ ਸੁਪਾਰੀ ਕਿਲਰ ਪਹਾੜ 'ਤੇ ਚੜ੍ਹ ਕੇ ਥੱਕ ਗਏ ਸਨ। ਉਨ੍ਹਾਂ ਨੇ ਰਾਜਾ ਨੂੰ ਮਾਰਨ ਤੋਂ ਸਾਫ਼ ਇਨਕਾਰ ਕਰ ਦਿੱਤਾ ਸੀ।
ਸੋਨਮ ਨੇ 20 ਲੱਖ ਰੁਪਏ ਦੇਣ ਦਾ ਕੀਤਾ ਵਾਅਦਾ
ਫਿਰ ਸੋਨਮ ਨੇ ਕਿਹਾ ਕਿ ਮੈਂ 20 ਲੱਖ ਦੇਵਾਂਗੀ, ਪਰ ਤੁਹਾਨੂੰ ਉਸ ਨੂੰ ਮਾਰਨਾ ਪਵੇਗਾ। ਉਸੇ ਸਮੇਂ ਰਾਜਾ ਦੇ ਪਰਸ ਵਿਚੋਂ 15 ਹਜ਼ਾਰ ਰੁਪਏ ਕੱਢ ਕੇ ਉਨ੍ਹਾਂ ਨੂੰ ਦੇ ਦਿੱਤੇ ਗਏ। ਹਾਲਾਂਕਿ ਪਹਿਲਾਂ ਰਾਜਾ ਦੇ ਕਤਲ ਲਈ ਮੁਲਜ਼ਮਾਂ ਨਾਲ 50 ਹਜ਼ਾਰ ਰੁਪਏ ਦਾ ਸੌਦਾ ਕੀਤਾ ਗਿਆ ਸੀ। ਪੁਲਸ ਸੂਤਰਾਂ ਅਨੁਸਾਰ 23 ਮਈ ਨੂੰ ਸੋਨਮ ਰਾਜਾ ਨੂੰ ਫੋਟੋਸ਼ੂਟ ਦੇ ਬਹਾਨੇ ਇਕ ਸੁੰਨਸਾਨ ਪਹਾੜੀ ਖੇਤਰ ਵਿਚ ਲੈ ਗਈ। ਉਹ ਜਾਣਬੁੱਝ ਕੇ ਥੱਕਣ ਦਾ ਬਹਾਨਾ ਕਰ ਕੇ ਪਿੱਛੇ ਤੁਰਨ ਲੱਗੀ। ਤਿੰਨ ਸੁਪਾਰੀ ਕਿਲਰ ਰਾਜਾ ਵੱਲ ਵਧੇ। ਜਿਵੇਂ ਹੀ ਜਗ੍ਹਾ ਖਾਲੀ ਮਿਲੀ, ਸੋਨਮ ਨੇ ਚੀਕਦਿਆਂ ਕਿਹਾ ਕਿ ਰਾਜਾ ਨੂੰ ਮਾਰ ਦਿਓ। ਇਸ ਤੋਂ ਬਾਅਦ ਮੁਲਜ਼ਮ ਵਿਸ਼ਾਲ ਚੌਹਾਨ ਨੇ ਰਾਜਾ ਦੇ ਸਿਰ 'ਤੇ ਕੁਹਾੜੀ ਨਾਲ ਹਮਲਾ ਕਰ ਦਿੱਤਾ।
23 ਮਈ ਨੂੰ ਸ਼ਿਲਾਂਗ ਦੇ ਜੰਗਲਾਂ 'ਚੋਂ ਬਰਾਮਦ ਹੋਈ ਰਾਜਾ ਦੀ ਲਾਸ਼
23 ਮਈ ਨੂੰ ਰਾਜਾ ਦੀ ਲਾਸ਼ ਮੇਘਾਲਿਆ ਦੇ ਸ਼ਿਲਾਂਗ ਦੇ ਜੰਗਲਾਂ 'ਚੋਂ ਬਰਾਮਦ ਕੀਤੀ ਗਈ ਸੀ। ਸੋਨਮ ਅਤੇ ਰਾਜਾ ਆਪਣੇ ਹਨੀਮੂਨ ਲਈ ਸ਼ਿਲਾਂਗ ਗਏ ਸਨ। ਇਸ ਦੌਰਾਨ ਮੁਲਜ਼ਮਾਂ ਨੇ ਰਾਜਾ ਦਾ ਕਤਲ ਕਰ ਦਿੱਤਾ ਅਤੇ ਲਾਸ਼ ਨੂੰ ਇਕ ਖੱਡ ਵਿਚ ਸੁੱਟ ਦਿੱਤਾ। ਘਟਨਾ ਤੋਂ ਬਾਅਦ ਸੋਨਮ ਸ਼ਿਲਾਂਗ ਤੋਂ ਗਾਜ਼ੀਪੁਰ ਭੱਜ ਗਈ। ਪੁਲਸ ਨੇ ਇਸ ਮਾਮਲੇ ਵਿਚ ਸੋਨਮ ਅਤੇ ਉਸ ਦੇ ਪ੍ਰੇਮੀ ਨੂੰ ਤਿੰਨ ਸੁਪਾਰੀ ਕਿਲਰਾਂ ਸਮੇਤ ਗ੍ਰਿਫ਼ਤਾਰ ਕਰ ਲਿਆ ਹੈ। ਪੁਲਸ ਸੋਨਮ ਨੂੰ ਗਾਜ਼ੀਪੁਰ ਤੋਂ ਮੇਘਾਲਿਆ ਦੇ ਸ਼ਿਲਾਂਗ ਲੈ ਜਾ ਰਹੀ ਹੈ। ਪੁਲਸ ਉੱਥੇ ਸੋਨਮ ਤੋਂ ਪੁੱਛਗਿੱਛ ਕਰੇਗੀ।
ਪੁਲਸ ਨੂੰ ਕਿਵੇਂ ਮਿਲਿਆ ਸੁਰਾਗ?
ਮੇਘਾਲਿਆ ਪੁਲਸ ਨੂੰ ਇਕ ਸੀ. ਸੀ. ਟੀ. ਵੀ. ਫੁਟੇਜ ਮਿਲੀ, ਜਿਸ ਵਿਚ ਸੋਨਮ ਰਾਜਾ ਤੋਂ ਥੋੜ੍ਹੀ ਦੂਰੀ 'ਤੇ ਖੜ੍ਹੇ ਹੋ ਕੇ ਕਿਸੇ ਨਾਲ ਫੋਨ 'ਤੇ ਚੈਟਿੰਗ ਕਰ ਰਹੀ ਸੀ। ਪੁਲਸ ਨੇ ਜਦੋਂ ਸੋਨਮ ਦੀ ਕਾਲ ਰਿਕਾਰਡਿੰਗ ਖੰਗਾਲੀ ਤਾਂ ਮੁਲਜ਼ਮਾਂ ਦਾ ਸੁਰਾਗ ਮਿਲਿਆ। ਸਾਰੇ ਮੁਲਜ਼ਮਾਂ ਦੀ ਲੋਕੇਸ਼ਨ ਇੰਦੌਰ ਵਿਚ ਮਿਲੀ, ਜਿਸ ਦੇ ਤੁਰੰਤ ਬਾਅਦ ਪੁਲਸ ਐਕਸ਼ਨ ਮੋਡ ਵਿਚ ਆ ਗਈ।
16 ਮਈ ਨੂੰ ਬਣਾਇਆ ਮਾਰਨ ਦਾ ਫਾਈਨਲ ਪਲਾਨ
11 ਮਈ ਨੂੰ ਸੋਨਮ ਅਤੇ ਰਾਜਾ ਵਿਆਹ ਦੇ ਬੰਧਨ ਵਿਚ ਬੱਝ ਗਏ। ਵਿਆਹ ਦੇ 6 ਦਿਨ ਬਾਅਦ ਯਾਨੀ ਕਿ 16 ਮਈ ਨੂੰ ਸੋਨਮ ਨੇ ਪ੍ਰੇਮੀ ਰਾਜ ਕੁਸ਼ਵਾਹਾ ਨਾਲ ਮਿਲ ਕੇ ਰਾਜਾ ਰਘੂਵੰਸ਼ੀ ਨੂੰ ਮਾਰਨ ਦੀ ਸਾਜ਼ਿਸ਼ ਨੂੰ ਫਾਈਨਲ ਰੂਪ ਦਿੱਤਾ। ਇਸ ਦੌਰਾਨ ਸੋਨਮ ਨੇ ਰਾਜਾ ਨੂੰ ਹਨੀਮੂਨ ਲਈ ਸ਼ਿਲਾਂਗ ਚੱਲਣ ਲਈ ਰਾਜੀ ਕੀਤਾ ਅਤੇ ਖ਼ੁਦ ਹੀ ਟਿਕਟਾਂ ਬੁੱਕ ਕਰਵਾ ਦਿੱਤੀਆਂ।
'84 ਦੇ ਦੰਗਿਆਂ ਲਈ ਮੋਦੀ ਸਰਕਾਰ ਨੂੰ ਜ਼ਿੰਮੇਵਾਰ ਠਹਿਰਾਉਣਾ ਗਲਤ ਹੀ ਨਹੀਂ, ਗੁੰਮਰਾਹ...' ; ਸੁੱਖੀ ਚਾਹਲ
NEXT STORY 
