ਨਵੀਂ ਦਿੱਲੀ— ਨੋਬੇਲ ਪੁਰਸਕਾਰ ਨਾਲ ਸਨਮਾਨਿਤ ਭਾਰਤੀ ਮੂਲ ਦੇ ਅਮਰੀਕੀ ਅਰਥਸ਼ਾਸਤਰੀ ਅਭਿਜੀਤ ਬਨਰਜੀ ਨੇ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਰਾਹੁਲ ਗਾਂਧੀ ਨਾਲ ਗੱਲਬਾਤ 'ਚ ਕਿਹਾ ਕਿ ਭਾਰਤੀ ਅਰਥਵਿਵਸਥਾ ਨੂੰ ਪੁਨਰਜੀਵਿਤ ਕਰਨ ਦੇ ਲਈ ਸਰਕਾਰ ਨੂੰ ਵੱਡੇ ਰਾਹਤ ਪੈਕੇਜ ਦੇਣਾ ਹੋਵੇਗਾ। ਉਸਦਾ ਮੰਨਣਾ ਹੈ ਕਿ ਹੇਠਲੇ ਪੱਧਰ ਦੀ ਕਰੀਬ 60 ਫੀਸਦੀ ਆਬਾਦੀ ਹੈ, ਜਿਸ ਨੂੰ ਜੇਕਰ ਸਰਕਾਰ ਪੈਸਾ ਦਿੰਦੀ ਹੈ ਤਾਂ ਉਹ ਇਸ ਨੂੰ ਖਰਚ ਕਰਨਗੇ, ਜਿਸ ਨਾਲ ਬਾਜ਼ਾਰ ਫਿਰ ਕੋਂ ਖੜ੍ਹਾ ਹੋ ਸਕੇਗਾ ਤੇ ਵਸਤੂਆਂ ਦੀ ਮੰਗ ਵੱਧੇਗੀ ਤਾਂ ਅਰਥਵਿਵਸਥਾ ਪਟਰੀ 'ਤੇ ਆ ਸਕੇਗੀ। ਉਨ੍ਹਾਂ ਨੇ ਸਾਰੇ ਜ਼ਰੂਰਤਮੰਦਾਂ ਨੂੰ 3 ਮਹੀਨਿਆਂ ਦੇ ਲਈ ਅਸਥਾਈ ਰਾਸ਼ਨ ਕਾਰਡ ਦੇਣ ਦੀ ਵੀ ਜ਼ਰੂਰਤ ਦੱਸੀ। ਕੋਰੋਨਾ ਮਹਾਮਾਰੀ ਸੰਕਟ ਦੇ ਵਿਚ ਰਾਹੁਲ ਗਾਂਧੀ ਨੇ ਵੀਡੀਓ ਕਾਨਫ੍ਰੈਂਸਿੰਗ ਦੇ ਜਰੀਏ ਗੱਲਬਾਤ 'ਚ ਇਕ ਸੀਰੀਜ਼ ਸ਼ੁਰੂ ਕੀਤੀ ਹੈ। ਆਰ. ਬੀ. ਆਈ. ਦੇ ਸਾਬਕਾ ਗਵਰਨਰ ਰਘੁਰਾਮ ਰਾਜਨ ਨਾਲ ਗੱਲਬਾਤ ਤੋਂ ਬਾਅਦ ਇਸਦੀ ਅਗਲੀ ਕੜੀ 'ਚ ਮੰਗਲਵਾਰ ਨੂੰ ਉਨ੍ਹਾਂ ਨੇ ਅਭਿਜੀਤ ਬਨਰਜੀ ਨਾਲ ਗੱਲਬਾਤ ਕੀਤੀ। ਰਾਹੁਲ ਨੇ ਪੁੱਛਿਆ ਕਿ ਕੋਰੋਨਾ ਸੰਕਟ 'ਚ ਕਾਰੋਬਾਰ, ਉਦਯੋਗ ਤੇ ਹੋਰ ਸਾਰੇ ਕੰਮ ਧੰਦੇ ਬੰਦ ਹਨ। ਲੱਖਾਂ ਲੋਕ ਗਰੀਬੀ 'ਚ ਜਾਣ ਵਾਲੇ ਹਨ ਤੇ ਇਸ ਦੀ ਮਦਦ ਕੀ ਹੋਰ ਯੋਜਨਾ ਕੀ ਤਰਜ 'ਤੇ ਕੀਤੀ ਦਾ ਸਕਦੀ ਹੈ ਤਾਂ ਇਸ 'ਤੇ ਬਨਰਜੀ ਨੇ ਕਿਹਾ ਕਿ ਭਾਰਤ 'ਚ ਹੁਣ ਮੰਗ ਦੀ ਸਮੱਸਿਆ ਹੈ ਕਿਉਂਕਿ ਲੋਕਾਂ ਦੇ ਕੋਲ ਪੈਸਾ ਨਹੀਂ ਹੈ। ਜੇਕਰ ਸਰਕਾਰ ਹੇਠਲੇ ਪੱਧਰ ਦੇ 60 ਫੀਸਦੀ ਆਬਾਦੀ ਦੇ ਹੱਥਾਂ 'ਚ ਕੁਝ ਪੈਸਾ ਦਿੰਦੀ ਹੈ ਤਾਂ ਇਸ 'ਤ ਕੁਝ ਗਲਤ ਨਹੀਂ ਹੋਵੇਗਾ। ਇਸ 'ਚ ਦੇਰੀ ਨਹੀਂ ਕਰਨੀ ਚਾਹੀਦੀ। ਲੋਕ ਇਸ ਪੈਸੇ ਨੂੰ ਖਰਚ ਕਰਨਗੇ, ਜਿਸ ਨਾਲ ਖੜ੍ਹੇ ਹੋ ਸਕਦੇ ਹਨ। ਬਨਰਜੀ ਨੇ ਕਿਹਾ ਕਿ ਨੌਕਰੀਆਂ ਬਚਾਉਣ ਦੇ ਲਈ ਇਕ ਵੱਡਾ ਆਰਥਿਕ ਪੈਕੇਜ ਲਿਆਏ। ਜਿਵੇਂ ਕਿ ਅਮਰੀਕਾ ਤੇ ਜਾਪਾਨ ਵਰਗੇ ਦੇਸ਼ਾਂ ਨੇ ਕੀਤਾ।
ਬਡਗਾਮ ‘ਚ ਗ੍ਰਨੇਡ ਹਮਲਾ, 1 ਪੁਲਸ ਅਧਿਕਾਰੀ, 1 CRPF ਕਰਮਚਾਰੀ ਅਤੇ 4 ਨਾਗਰਿਕ ਜ਼ਖਮੀ
NEXT STORY