ਨੈਸ਼ਨਲ ਡੈਸਕ : ਮਹਾਰਾਸ਼ਟਰ ਦੇ ਨਾਂਦੇੜ ਜ਼ਿਲ੍ਹੇ ਦੇ ਕੰਧਾਰ ਤਹਿਸੀਲ ਦੇ ਬਹਾਦਰਪੁਰਾ ਪਿੰਡ 'ਚ ਇੱਕ ਅਜਿਹਾ ਵਿਆਹ ਹੋਇਆ ਹੈ, ਜਿਸ ਨੇ ਰਿਟਰਨ ਗਿਫਟ ਦੀ ਪਰਿਭਾਸ਼ਾ ਹੀ ਬਦਲ ਕੇ ਰੱਖ ਦਿੱਤੀ ਹੈ। ਆਮ ਤੌਰ 'ਤੇ ਵਿਆਹਾਂ 'ਚ ਮਹਿਮਾਨਾਂ ਨੂੰ ਮਿਠਾਈ ਜਾਂ ਕੱਪੜੇ ਦਿੱਤੇ ਜਾਂਦੇ ਹਨ, ਪਰ ਇੱਥੋਂ ਦੇ ਲਾੜੇ ਸਿੱਧੇਸ਼ਵਰ ਪੇਠਕਰ ਤੇ ਉਸਦੇ ਪਰਿਵਾਰ ਨੇ ਪੂਰੇ ਪਿੰਡ ਨੂੰ ਇੱਕ ਅਨਮੋਲ ਤੋਹਫ਼ਾ ਦਿੱਤਾ ਹੈ।
ਪੇਠਕਰ ਪਰਿਵਾਰ ਨੇ ਪਿੰਡ ਦੇ ਸਾਰੇ 3,465 ਨਾਗਰਿਕਾਂ ਨੂੰ ਇੱਕ-ਇੱਕ ਲੱਖ ਰੁਪਏ ਦਾ 'ਸਮੂਹਿਕ ਦੁਰਘਟਨਾ ਬੀਮਾ ਕਵਰ' ਤੋਹਫ਼ੇ ਵਜੋਂ ਦਿੱਤਾ ਹੈ। ਇਸ ਸਮੂਹਿਕ ਪਾਲਿਸੀ ਦੀ ਕੁੱਲ ਕਵਰ ਰਾਸ਼ੀ ਲਗਭਗ 33.6 ਕਰੋੜ ਰੁਪਏ ਬਣਦੀ ਹੈ। ਇਸ ਵਿਲੱਖਣ ਤੋਹਫ਼ੇ ਦਾ ਪ੍ਰੀਮੀਅਮ ਲਾੜੇ ਦੇ ਪਰਿਵਾਰ ਨੇ ਖੁਦ ਭਰਿਆ ਹੈ, ਜੋ ਕਿ ਪਿੰਡ ਵਾਸੀਆਂ ਨੂੰ ਪੂਰੇ ਇੱਕ ਸਾਲ ਤੱਕ ਹਰ ਵੱਡੀ ਮੁਸੀਬਤ ਤੋਂ ਸੁਰੱਖਿਆ ਪ੍ਰਦਾਨ ਕਰੇਗਾ।
ਸੁਰੱਖਿਆ ਕਵਚ ਦੇਣ ਦਾ ਮੁੱਖ ਕਾਰਨ
ਲਾੜੇ ਦੇ ਪਰਿਵਾਰ ਅਨੁਸਾਰ ਪੇਂਡੂ ਖੇਤਰਾਂ ਵਿੱਚ ਖੇਤੀਬਾੜੀ ਦੌਰਾਨ ਮਸ਼ੀਨਰੀ ਨਾਲ ਹੋਣ ਵਾਲੇ ਹਾਦਸਿਆਂ, ਸੱਪ ਦੇ ਕੱਟਣ ਜਾਂ ਆਕਾਸ਼ੀ ਬਿਜਲੀ ਡਿੱਗਣ ਵਰਗੀਆਂ ਘਟਨਾਵਾਂ ਦਾ ਖ਼ਤਰਾ ਹਮੇਸ਼ਾ ਬਣਿਆ ਰਹਿੰਦਾ ਹੈ। ਅਜਿਹੇ ਹਾਦਸਿਆਂ ਕਾਰਨ ਗਰੀਬ ਪਰਿਵਾਰਾਂ 'ਤੇ ਆਰਥਿਕ ਮੁਸੀਬਤਾਂ ਦਾ ਪਹਾੜ ਟੁੱਟ ਪੈਂਦਾ ਹੈ। ਇਸੇ ਗੱਲ ਨੂੰ ਧਿਆਨ ਵਿੱਚ ਰੱਖਦਿਆਂ ਪਿੰਡ ਵਾਸੀਆਂ ਨੂੰ ਇਹ ਸੁਰੱਖਿਆ ਕਵਰ ਦੇਣ ਦਾ ਫੈਸਲਾ ਕੀਤਾ ਗਿਆ।
ਇਸ ਕਾਰਜ ਨੂੰ ਪੂਰਾ ਕਰਨ ਲਈ ਗ੍ਰਾਮ ਪੰਚਾਇਤ ਦੀ ਵੋਟਰ ਸੂਚੀ ਦੀ ਮਦਦ ਲਈ ਗਈ ਤਾਂ ਜੋ ਬਿਨਾਂ ਕਿਸੇ ਭੇਦਭਾਵ ਦੇ ਹਰ ਪਾਤਰ ਵਿਅਕਤੀ ਨੂੰ ਇਸ ਬੀਮਾ ਯੋਜਨਾ ਨਾਲ ਜੋੜਿਆ ਜਾ ਸਕੇ। 20 ਮਈ ਨੂੰ ਹੋਏ ਇਸ ਵਿਆਹ ਦੀ ਅਤੇ ਪਰਿਵਾਰ ਦੀ ਇਸ ਸਮਾਜਿਕ ਜ਼ਿੰਮੇਵਾਰੀ ਦੀ ਹਰ ਪਾਸੇ ਸ਼ਲਾਘਾ ਹੋ ਰਹੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਹੁਣ ਭਾਰਤ ਤੋਂ ਧੜਾਧੜ ਡਿਪੋਰਟ ਹੋਣਗੇ ਪ੍ਰਵਾਸੀ ! CM ਸੁਵੇਂਦੂ ਨੇ ਖਿੱਚੀ ਤਿਆਰੀ, ਬਾਰਡਰ 'ਤੇ...
NEXT STORY 
