ਉੱਤਰ ਪ੍ਰਦੇਸ਼- ਕਾਨਪੁਰ 'ਚ 8 ਪੁਲਸ ਵਾਲਿਆਂ ਦੀ ਜਾਨ ਲੈਣ ਵਾਲੇ ਦੋਸ਼ੀ ਵਿਕਾਸ ਦੁਬੇ ਨੂੰ ਆਖਰਕਾਰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਵਿਕਾਸ ਦੁਬੇ ਦੀ ਮਾਂ ਸਰਲਾ ਦੇਵੀ ਜੋ ਪਹਿਲਾਂ ਕਹਿ ਰਹੀਸੀ ਕਿ ਉਨ੍ਹਾਂ ਦੇ ਬੇਟੇ ਦਾ ਐਨਕਾਊਂਟਰ ਹੋਣਾ ਚਾਹੀਦਾ, ਹੁਣ ਉਨ੍ਹਾਂ ਨੇ ਕਿਹਾ ਕਿ ਬੇਟੇ ਨੂੰ ਮਹਾਕਾਲ ਨੇ ਬਚਾ ਲਿਆ। ਦੱਸਣਯੋਗ ਹੈ ਕਿ ਵਿਕਾਸ ਦੁਬੇ ਨੂੰ ਵੀਰਵਾਰ ਸਵੇਰੇ ਉਜੈਨ ਦੇ ਮਹਾਕਾਲ ਮੰਦਰ ਤੋਂ ਫੜਿਆ ਗਿਆ ਹੈ। ਇਕ ਨਿੱਜੀ ਚੈਨਲ ਨਾਲ ਗੱਲ ਕਰਦੇ ਹੋਏ ਵਿਕਾਸ ਦੁਬੇ ਦੀ ਮਾਂ ਸਰਲਾ ਦੇਵੀ ਨੇ ਕਿਹਾ ਕਿ ਉਨ੍ਹਾਂ ਦਾ ਬੇਟਾ ਹਰ ਸਾਲ ਸਾਵਣ 'ਚ ਮਹਾਕਾਲ ਦਰਸ਼ਨ ਨੂੰ ਜਾਂਦਾ ਹੈ। ਸਰਲਾ ਦੇਵੀ ਬੋਲੀ ਕਿ ਉਨਾਂ ਨੇ (ਮਹਾਕਾਲ) ਨੇ ਬੇਟੇ ਨੂੰ ਬਚਾਇਆ ਹੈ। ਸਰਲਾ ਦੇਵੀ ਨੇ ਅੱਗੇ ਕਿਹਾ ਕਿ ਹੁਣ ਸਰਕਾਰ ਨੂੰ ਜੋ ਠੀਕ ਲੱਗੇਗਾ, ਉਹ ਕਰੇਗੀ, ਉਨ੍ਹਾਂ ਦੇ ਕਹਿਣ ਨਾਲ ਕੁਝ ਨਹੀਂ ਹੋਵੇਗਾ।
ਵਿਕਾਸ ਦੁਬੇ ਦੀ ਮਾਂ ਸਰਲਾ ਦੇਵੀ ਨੇ ਕਾਨਪੁਰ ਕਤਲਕਾਂਡ ਤੋਂ ਬਾਅਦ ਕਿਹਾ ਸੀ ਕਿ ਮੇਰੇ ਬੇਟੇ ਦਾ ਐਨਕਾਊਂਟਰ ਕੀਤਾ ਜਾਣਾ ਚਾਹੀਦਾ। ਅਸੀਂ ਚਾਹੁੰਦੇ ਹਾਂ ਕਿ ਉਸ ਨੂੰ ਮਾਰ ਦਿੱਤਾ ਜਾਵੇ। ਬਹੁਤ ਗਲਤ ਹੋਇਆ ਹੈ। ਸਾਰਿਆਂ ਦੇ (ਪੁਲਸ) ਪਰਿਵਾਰ ਵਾਲੇ ਰੋ ਰਹੇ ਸਨ। ਅਸੀਂ ਬਹੁਤ ਪਰੇਸ਼ਾਨ ਹੋ ਗਏ ਹਾਂ। ਉੱਤਰ ਪ੍ਰਦੇਸ਼ ਦੇ ਕਾਨਪੁਰ 'ਚ 8 ਪੁਲਸ ਮੁਲਾਜ਼ਮਾਂ ਦੇ ਕਤਲ ਦੇ ਦੋਸ਼ੀ ਅਤੇ ਅਪਰਾਧੀ ਵਿਕਾਸ ਦੁਬੇ ਨੂੰ ਪੁਲਸ ਨੇ ਮੱਧ ਪ੍ਰਦੇਸ਼ ਦੇ ਉਜੈਨ ਤੋਂ ਗ੍ਰਿਫਤਾਰ ਕੀਤਾ ਹੈ। ਦੂਜੇ ਪਾਸੇ ਦੁਬੇ ਦੇ 2 ਸਾਥੀਆਂ ਨੂੰ ਵੀ ਵੀਰਵਾਰ ਨੂੰ ਹੀ ਪੁਲਸ ਨੇ ਵੱਖ-ਵੱਖ ਮੁਕਾਬਲੇ 'ਚ ਮਾਰ ਸੁੱਟਿਆ। ਵਿਕਾਸ ਦੁਬੇ 'ਤੇ 5 ਲੱਖ ਰੁਪਏ ਦਾ ਇਨਾਮ ਸੀ।
ਵਿਕਾਸ ਦੁਬੇ ਦੀ ਗ੍ਰਿਫ਼ਤਾਰੀ ਤੋਂ ਬਾਅਦ ਸ਼ਿਵਰਾਜ ਨੇ ਯੋਗੀ ਆਦਿੱਤਿਯਨਾਥ ਨਾਲ ਫੋਨ 'ਤੇ ਕੀਤੀ ਗੱਲ
NEXT STORY 
