ਹਿਸਾਰ- ਡੇਰਾ ਸੱਚਾ ਸੌਦਾ ਚੀਫ਼ ਰਾਮ ਰਹੀਮ ਨੇ ਦਾਅਵਾ ਕੀਤਾ ਹੈ ਕਿ ਭਾਰਤੀ ਕ੍ਰਿਕਟ ਵਿਰਾਟ ਕੋਹਲੀ ਨੇ ਉਸ ਤੋਂ ਗੁਰੂ ਮੰਤਰ ਲਿਆ ਹੈ। ਰਾਮ ਰਹੀਮ ਨੇ ਡੇਰਾ ਸਿਰਸਾ ਤੋਂ ਆਨਲਾਈਨ ਸਤਿਸੰਗ 'ਚ ਕਿਹਾ,''ਵਿਰਾਟ ਕੋਹਲੀ 2010 'ਚ ਇੱਥੇ ਆਏ ਸਨ। ਉਸ ਤੋਂ ਪਹਿਲੇ 2007-08 'ਚ ਆਏ ਸਨ। ਫਿਰ ਉਨ੍ਹਾਂ ਨੇ ਗੁਰੂ ਮੰਤਰ ਵੀ ਲਿਆ। ਅਜਿਹੇ ਹੋਰ ਵੀ ਕ੍ਰਿਕਟ ਪਲੇਅਰ ਹਨ। ਇੱਥੇ ਇਕ ਵਾਰ ਭਾਰਤ-ਪਾਕਿਸਤਾਨ ਦਾ ਕ੍ਰਿਕਟ ਮੈਚ ਹੋਇਆ ਸੀ, ਉਦੋਂ ਪਾਕਿਸਤਾਨੀ ਖਿਡਾਰੀਆਂ ਨੇ ਵੀ ਮੇਰੇ ਤੋਂ ਗੁਰੂ ਮੰਤਰ ਲਿਆ ਸੀ।'' ਅਜਿਹੇ ਬਿਆਨ ਰਾਮ ਰਹੀਮ ਪਹਿਲਾਂ ਵੀ ਦੇ ਚੁੱਕੇ ਹਨ। ਕਰੀਬ 8 ਸਾਲ ਪਹਿਲੇ ਵੀ ਰਾਮ ਰਹੀਮ ਨੇ ਦਾਅਵਾ ਕੀਤਾ ਸੀ, ਉਸ ਕੋਲ ਵਿਰਾਟ ਕੋਹਲੀ ਸਮੇਤ ਜ਼ਹੀਰ ਖਾਨ, ਸ਼ਿਖਰ ਧਵਨ ਅਤੇ ਯੂਸੁਫ ਪਠਾਨ ਵਰਗੇ ਖਿਡਾਰੀ ਸਿੱਖਣ ਆਉਂਦੇ ਸਨ। ਰਾਮ ਰਹੀਮ ਨੇ ਕਿਹਾ,''ਖਿਡਾਰੀਆਂ ਦੀ ਟਰੇਨਿੰਗ ਦੇ ਵੀਡੀਓ ਮੇਰੇ ਕੋਲ ਹਨ। ਇਹ ਖਿਡਾਰੀ ਭਾਵੇਂ ਮੇਰਾ ਨਾਂ ਲੈਣ ਜਾਂ ਨਾ ਲੈਣ, ਇਹ ਉਨ੍ਹਾਂ ਦੀ ਮਰਜ਼ੀ ਪਰ ਮੈਂ ਉਨ੍ਹਾਂ ਨੂੰ ਕ੍ਰਿਕਟ ਸਿਖਾਇਆ ਹੈ।
ਇਹ ਵੀ ਪੜ੍ਹੋ : ਕ੍ਰਿਕਟ 'ਚ ਆ ਰਿਹਾ ਹੈ ਨਵਾਂ ਰੂਲ, ਇਕ ਗੇਂਦ 'ਤੇ ਆਊਟ ਹੋਣਗੇ 2 ਬੱਲੇਬਾਜ਼
ਦੱਸਣਯੋਗ ਹੈ ਕਿ ਸਾਧਵੀਆਂ ਦੇ ਜਿਨਸੀ ਸ਼ੋਸ਼ਣ ਅਤੇ ਪੱਤਰਕਾਰ ਛਤਰਪਤੀ ਕਤਲਕਾਂਡ 'ਚ ਰਾਮ ਰਹੀਮ ਰੋਹਤਕ ਦੀ ਸੁਨਾਰੀਆ ਜੇਲ੍ਹ 'ਚ ਉਮਰ ਕੈਦ ਕੱਟ ਰਹੇ ਹਨ। 28 ਜਨਵਰੀ ਨੂੰ ਉਹ 30 ਦਿਨਾਂ ਦੀ ਪੈਰੋਲ 'ਤੇ ਬਾਹਰ ਆਏ ਹਨ। ਹਾਲਾਂਕਿ ਇਸ ਵਾਰ ਉਨ੍ਹਾਂ ਨੂੰ ਸਰਕਾਰ ਨੇ ਸਿਰਸਾ ਡੇਰੇ 'ਚ ਜਾਣ ਦੀ ਵੀ ਪਰਮਿਸ਼ਨ ਦਿੱਤੀ। ਜਿੱਥੋਂ ਉਹ ਸ਼ਰਧਾਲੂਆਂ ਨੂੰ ਆਨਲਾਈਨ ਪ੍ਰਵਚਨ ਦੇ ਰਹੇ ਹਨ। ਇਸੇ ਪ੍ਰਵਚਨ 'ਚ ਉਸ ਨੇ ਇਹ ਦਾਅਵਾ ਕੀਤਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Budget 2025: ਪੈਟਰੋਲ ਤੇ ਡੀਜ਼ਲ ਹੋਵੇਗਾ ਸਸਤਾ! ਆਮ ਲੋਕਾਂ ਨੂੰ ਮਿਲ ਸਕਦੀਆਂ ਵੱਡੀਆਂ ਰਾਹਤਾਂ
NEXT STORY 
