ਮਲੱਪਪੁਰਮ (ਕੇਰਲ) (ਪੀਟੀਆਈ) : ਕੇਰਲ ਦੇ ਮਲੱਪਪੁਰਮ ਜ਼ਿਲੇ ਦੇ ਏਡੱਪਲ ਇਲਾਕੇ ਵਿੱਚ ਇੱਕ ਦਿਲ ਦਹਿਲਾਉਣ ਵਾਲੀ ਘਟਨਾ ਸਾਹਮਣੇ ਆਈ ਹੈ, ਜਿੱਥੇ ਇੱਕ 59 ਸਾਲਾ ਔਰਤ ਅਤੇ ਉਸਦੀ ਬਿਸਤਰੇ 'ਤੇ ਪਈ ਧੀ ਮ੍ਰਿਤਕ ਪਾਈ ਗਈ ਹੈ। ਮ੍ਰਿਤਕਾਂ ਦੀ ਪਛਾਣ ਅਨੀਤਾਕੁਮਾਰੀ (59) ਅਤੇ ਉਸਦੀ ਧੀ ਅੰਜਨਾ (33) ਵਜੋਂ ਹੋਈ ਹੈ, ਜੋ ਇੱਕ ਗੰਭੀਰ ਬਿਮਾਰੀ ਕਾਰਨ ਬਿਸਤਰੇ 'ਤੇ ਸੀ।
ਜਾਣਕਾਰੀ ਅਨੁਸਾਰ, ਮਾਂ (ਅਨੀਤਾਕੁਮਾਰੀ) ਇੱਕ ਰੁੱਖ 'ਤੇ ਲਟਕੀ ਹੋਈ ਮਿਲੀ, ਜਦੋਂ ਕਿ ਧੀ ਦੀ ਲਾਸ਼ ਇੱਕ ਪਾਣੀ ਨਾਲ ਭਰੇ ਡਰੰਮ ਵਿੱਚੋਂ ਮਿਲੀ। ਪੁਲਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਮੁੱਢਲੀ ਜਾਂਚ ਦੇ ਅਧਾਰ 'ਤੇ ਪੁਲਸ ਨੇ ਸ਼ੱਕ ਜਤਾਇਆ ਹੈ ਕਿ ਮਾਂ ਨੇ ਆਪਣੀ ਜਾਨ ਲੈਣ ਤੋਂ ਪਹਿਲਾਂ ਧੀ ਨੂੰ ਮਾਰਿਆ। ਇੱਕ ਪੁਲਸ ਅਧਿਕਾਰੀ ਨੇ ਦੱਸਿਆ ਕਿ ਸ਼ੱਕ ਹੈ ਕਿ ਮਾਂ ਆਪਣੀ ਧੀ ਦੀ ਸਿਹਤ ਦੀ ਗੰਭੀਰ ਹਾਲਤ ਕਾਰਨ ਤਣਾਅ (ਡਿਪ੍ਰੈਸ਼ਨ) ਵਿੱਚ ਸੀ। ਪੁਲਸ ਨੇ ਕਿਹਾ ਕਿ ਮੌਤ ਦਾ ਸਹੀ ਕਾਰਨ ਵਿਸਤ੍ਰਿਤ ਜਾਂਚ ਅਤੇ ਪੋਸਟਮਾਰਟਮ ਤੋਂ ਬਾਅਦ ਹੀ ਪਤਾ ਲੱਗ ਸਕੇਗਾ।
ਭਾਰਤ ਪਹੁੰਚਦਿਆਂ ਹੀ PM ਮੋਦੀ ਨੇ ਸੱਦ ਲਈ CCS ਦੀ ਮੀਟਿੰਗ ! ਦਿੱਲੀ ਧਮਾਕੇ ਮਗਰੋਂ ਹੋ ਸਕਦੀ ਹੈ ਵੱਡੀ ਕਾਰਵਾਈ
NEXT STORY 
