ਸੈਨ ਸਲਵਾਡੋਰ- ਸੈਂਟਰਲ ਅਮਰੀਕਾ ਦੇ ਅਲ ਸਲਵਾਡੋਰ 'ਚ ਸੋਮਵਾਰ ਦੇਰ ਰਾਤ 7.3 ਦੀ ਤੀਬਰਤਾ ਵਾਲੇ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। ਭੂਚਾਲ ਕਾਰਨ ਇਕ ਵਿਅਕਤੀ ਦੀ ਮੌਤ ਤੋਂ ਇਲਾਵਾ ਜਾਨਮਾਲ ਦੇ ਵੱਡੇ ਨੁਕਸਾਨ ਦੀ ਰਿਪੋਰਟ ਨਹੀਂ ਹੈ।
ਸੈਨ ਮਾਈਗਵੇਲ ਸ਼ਹਿਰ ਦੇ ਮੇਅਰ ਵਿਲਫ੍ਰੇਡੋ ਸਲਗਾਡੋ ਨੇ ਟਵਿੱਟਰ 'ਤੇ ਦੱਸਿਆ ਹੈ ਕਿ ਭੂਚਾਲ ਕਾਰਨ ਬਿਜਲੀ ਦਾ ਖੰਭਾ ਡਿੱਗ ਗਿਆ, ਜਿਸ ਕਾਰਨ ਇਕ ਵਿਅਕਤੀ ਦੀ ਮੌਤ ਹੋ ਗਈ। ਅਲ ਸਲਵਾਡੋਰ ਦੀਆਂ ਐਮਰਜੈਂਸੀ ਸੇਵਾਵਾਂ ਨੇ ਦੱਸਿਆ ਕਿ ਯੂਸਲੁਟਨ 'ਚ ਸਥਿਤ ਦਰਜਨਾਂ ਮਕਾਨਾਂ ਨੂੰ ਨੁਕਸਾਨ ਪਹੁੰਚਿਆ ਹੈ ਪਰ ਸਮੁੰਦਰੀ ਕੰਢੇ ਵਾਲੇ ਖੇਤਰ ਅਤੇ ਦੇਸ਼ ਦਾ ਕੌਮਾਂਤਰੀ ਹਵਾਈ ਅੱਡਾ ਸੁਰੱਖਿਅਤ ਹੈ।
ਯੂਸਲੁਟਨ ਵਾਸੀ ਸ਼ਿਓਮਾਰਾ ਅਮਾਇਆ (30) ਨੇ ਦੱਸਿਆ ਕਿ ਭੂਚਾਲ ਕਾਫੀ ਸ਼ਕਤੀਸ਼ਾਲੀ ਸੀ। ਅਚਾਨਕ ਪੂਰਾ ਘਰ ਹਿੱਲਣ ਲੱਗ ਪਿਆ। ਇਥੇ ਸਾਲ 2001 'ਚ ਆਏ ਦੋ ਸ਼ਕਤੀਸ਼ਾਲੀ ਭੂਚਾਲ 'ਚ 1150 ਲੋਕਾਂ ਦੀਆਂ ਜਾਨਾਂ ਚਲੀਆਂ ਗਈਆਂ ਸਨ, ਜਦੋਂ ਕਿ ਹਜ਼ਾਰਾਂ ਲੋਕ ਬੇਘਰ ਹੋ ਗਏ ਸਨ।
ਓਧਰ ਨਿਕਾਰਾਗੁਆ ਦੀ ਅਧਿਕਾਰਤ ਬੁਲਾਰਣ ਰੋਸਾਰੀਓ ਮੁਰੀਲੋ ਨੇ ਸਮੁੰਦਰੀ ਇਲਾਕਿਆਂ 'ਚ ਰਹਿਣ ਵਾਲੇ ਲੋਕਾਂ ਤੋਂ ਸੁਨਾਮੀ ਦੀ ਸਥਿਤੀ 'ਚ ਉੱਚੇ ਸਥਾਨਾਂ 'ਚ ਜਾਣ ਦੀ ਅਪੀਲ ਕੀਤੀ ਹੈ।
ਇਸ ਵਿਚਾਲੇ ਦੱਖਣੀ ਪ੍ਰਸ਼ਾਂਤ ਮਹਾਸਾਗਰ ਦੇ ਕਰਮਾਡੇਕ ਟਾਪੂ 'ਤੇ ਵੀ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। ਭਾਰਤੀ ਮੌਸਮ ਵਿਭਾਗ ਨੇ ਇਕ ਬਿਆਨ ਜਾਰੀ ਕਰਕੇ ਦੱਸਿਆ ਹੈ ਕਿ ਇਸ ਟਾਪੂ 'ਤੇ ਭੂਚਾਲ ਸਵੇਰੇ 9.42 ਵਜੇ 6.1 ਦੀ ਤੀਬਰਤਾ ਨਾਲ ਆਇਆ। ਭੂਚਾਲ ਦਾ ਕੇਂਦਰ 34.9 ਡਿਗਰੀ ਦੱਖਣੀ ਵਿਥਕਾਰ ਅਤੇ 179.7 ਡਿਗਰੀ ਪੂਰਬੀ ਦੇਸ਼ਾਂ ਅੰਦਰ ਜ਼ਮੀਨ ਤੋਂ ਲਗਭਗ 30 ਕਿਲੋਮੀਟਰ ਦੀ ਡੂੰਘਾਈ 'ਚ ਸੀ।
ਦਾਦੀ ਨੇ ਟਾਈਲਟ 'ਚ ਹੱਥ ਪਾ, ਦਿੱਤਾ ਮੁਸੀਬਤ ਨੂੰ ਸੱਦਾ (ਦੇਖੋ ਤਸਵੀਰਾਂ)
NEXT STORY 
