ਨਵੀਂ ਦਿੱਲੀ, ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ 17ਵੀਆਂ ਇੰਚੀਓਨ ਏਸ਼ੀਆਈ ਖੇਡਾਂ ਦੇ ਤਮਗਾ ਜੇਤੂਆਂ ਨਾਲ ਮੰਗਲਵਾਰ ਇਥੇ ਮੁਲਾਕਾਤ ਕਰਕੇ ਉਨ੍ਹਾਂ ਦੀ ਸ਼ਾਨਦਾਰ ਉਪਲੱਬਧੀ ਲਈ ਉਨ੍ਹਾਂ ਨੂੰ ਵਧਾਈ ਦਿੱਤੀ। ਪ੍ਰਧਾਨ ਮੰਤਰੀ ਨੇ ਦੇਸ਼ ਲਈ ਤਮਗਾ ਜਿੱਤਣ ਵਾਲੇ ਐਥਲੀਟਾਂ ਨਾਲ ਆਪਣੀ ਮੁਲਾਕਾਤ 'ਤੇ ਖੁਸ਼ੀ ਜ਼ਾਹਿਰ ਕਰਦੇ ਹੋਏ ਕਿਹਾ, ''ਮੈਨੂੰ ਉਨ੍ਹਾਂ ਐਥਲੀਟਾਂ ਨਾਲ ਮਿਲ ਕੇ ਮਾਣ ਮਹਿਸੂਸ ਹੋ ਰਿਹਾ, ਜਿਨ੍ਹਾਂ ਨੇ ਦੇਸ਼ ਲਈ ਤਮਗੇ ਜਿੱਤੇ ਹਨ। ਮੈਨੂੰ ਯਕੀਨ ਹੈ ਕਿ ਮੇਰਾ ਉਤਸ਼ਾਹ ਤੇ ਖਿਡਾਰੀਆਂ ਦੀ ਭਾਵਨਾ ਦੇਸ਼ ਲਈ ਬਿਹਤਰੀਨ ਨਤੀਜੇ ਲਿਆਵੇਗੀ।''
ਮੋਦੀ ਨੇ ਕਿਹਾ, ''ਕੋਈ ਵੀ ਦੇਸ਼ ਆਤਮ-ਸਨਮਾਨ ਤੇ ਮਾਣ ਤੋਂ ਬਿਨਾਂ ਅੱਗੇ ਨਹੀਂ ਵਧ ਸਕਦਾ। ਜਦੋਂ ਮੰਗਲਯਾਨ ਮੰਗਲ 'ਤੇ ਪਹੁੰਚਿਆ ਸੀ ਤਾਂ ਉਹ ਵਿਗਿਆਨੀਆਂ ਦੀ ਉਪਲੱਬਧੀ ਸੀ ਪਰ ਪੂਰੇ ਦੇਸ਼ ਲਈ ਉਹ ਸਨਮਾਨ ਦਾ ਪਲ ਸੀ। ਇਸੇ ਹੀ ਤਰ੍ਹਾਂ ਖਿਡਾਰੀਆਂ ਦੀ ਉਪਲੱਬਧੀ ਵੀ ਪੂਰੇ ਦੇਸ਼ਵਾਸੀਆਂ ਲਈ ਮਾਣ ਦਾ ਪਲ ਹੈ।'' ਪ੍ਰਧਾਨ ਮੰਤਰੀ ਨੇ ਸਾਰੇ ਐਥਲੀਟਾਂ ਨਾਲ ਮਿਲ ਕੇ ਉਨ੍ਹਾਂ ਤੋਂ ਉਨ੍ਹਾਂ ਦੀ ਸਲਾਹ ਵੀ ਮੰਗੀ ਅਤੇ ਕਿਹਾ ਕਿ ਉਹ ਮੈਨੂੰ ਆਪਣਾ ਦੋਸਤ ਸਮਝਣ। ਮੋਦੀ ਨੇ ਨਾਲ ਹੀ ਸੋਨ ਤਮਗਾ ਜੇਤੂ ਮੁੱਕੇਬਾਜ਼ ਐੱਮ. ਸੀ. ਮੈਰੀਕਾਮ ਤੇ ਮਾਸਟਰ ਬਲਾਸਟਰ ਸਚਿਨ ਤੇਂਦੁਲਕਰ ਦੀ ਉਨ੍ਹਾਂ ਦੀ 'ਸਵੱਛ ਭਾਰਤ ਮੁਹਿੰਮ' ਲਈ ਕੀਤੇ ਗਏ ਯਤਨਾਂ ਦੀ ਵੀ ਸ਼ਲਾਘਾ ਕੀਤੀ। ਉਨ੍ਹਾਂ ਕਿਹਾ, ''ਖਿਡਾਰੀ ਵੀ ਦੇਸ਼ ਲਈ ਓਨੀ ਹੀ ਮਿਹਨਤ ਕਰਦੇ ਹਨ, ਜਿੰਨੀ ਰਾਜਨੇਤਾ।'' ਮੋਦੀ ਨੇ ਨਾਲ ਹੀ ਆਪਣੇ ਟਵਿਟਰ ਅਕਾਊਂਟ 'ਤੇ ਵੀ ਐਥਲੀਟਾਂ ਨਾਲ ਮੁਲਾਕਾਤ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ। ਉਨ੍ਹਾਂ ਲਿਖਿਆ, ''ਮੇਰੀ ਐਥਲੀਟਾਂ ਨਾਲ ਮੁਲਾਕਾਤ ਬਿਹਤਰੀਨ ਰਹੀ। ਉਹ ਸੱਚਮੁੱਚ ਦੇਸ਼ ਦਾ ਮਾਣ ਹਨ।'' ਪ੍ਰਧਾਨ ਮੰਤਰੀ ਨੇ ਖਿਡਾਰੀਆਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੂੰ ਖੁਸ਼ੀ ਹੈ ਕਿ ਕਾਰਪੋਰੇਟ ਜਗਤ ਵੀ ਹੁਣ ਖੇਡਾਂ ਦੇ ਵਿਕਾਸ ਲਈ ਅੱਗੇ ਆ ਰਿਹਾ ਹੈ। ਉਨ੍ਹਾਂ ਕਿਹਾ, ''ਐਵਾਰਡ ਜਿੱਤਣ ਵਾਲੇ ਜਿਹੜੇ ਖਿਡਾਰੀ ਚੰਗਾ ਬੋਲਣਾ ਜਾਣਦੇ ਹਨ, ਉਨ੍ਹਾਂ ਨੂੰ ਅੱਗੇ ਆ ਕੇ ਯੂਨੀਵਰਸਿਟੀਆਂ ਵਿਚ ਭਾਸ਼ਣ ਦੇਣਾ ਚਾਹੀਦਾ ਹੈ, ਤਾਂ ਕਿ ਉਹ ਨੌਜਵਾਨਾਂ ਨੂੰ ਪ੍ਰੇਰਿਤ ਕਰ ਸਕਣ।'' ਉਨ੍ਹਾਂ ਨਾਲ ਹੀ ਕਿਹਾ ਕਿ ਖਿਡਾਰੀਆਂ ਨੂੰ ਖੇਡ ਭਾਵਨਾ ਦੇ ਨਾਲ ਆਪਣੇ ਰਵੱਈਏ 'ਤੇ ਵੀ ਧਿਆਨ ਦੇਣਾ ਚਾਹੀਦਾ ਹੈ ਕਿਉਂਕਿ ਕਿਸੇ ਇਕ ਖਿਡਾਰੀ ਦੀ ਗਲਤੀ ਨਾਲ ਪੂਰੇ ਦੇਸ਼ ਦਾ ਨਾਂ ਖਰਾਬ ਹੋ ਸਕਦਾ ਹੈ। ਪ੍ਰਧਾਨ ਮੰਤਰੀ ਨੂੰ ਮਿਲਣ ਪਹੁੰਚੇ ਐਥਲੀਟਾਂ ਨਾਲ ਖੇਡ ਮੰਤਰੀ ਸਰਬਾਨੰਦ ਸੋਨੋਵਾਲ ਵੀ ਮੌਜੂਦ ਸਨ। ਖੇਡਾਂ ਦੇ ਵਿਕਾਸ ਲਈ 450 ਕਰੋ²ੜ ਰੁਪਏ : ਉਥੇ ਹੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਖੇਡਾਂ ਦੇ ਵਿਕਾਸ ਲਈ 450 ਕਰੋੜ ਰੁਪਏ ਦੀ ਵਾਧੂ ਰਾਸ਼ੀ ਵੀ ਦਿੱਤੀ।
ਰਾਸ਼ਟਰੀ ਖੇਡ ਗੜਬੜੀ ਹਾਸ਼ਮੀ ਮਿਸ਼ਰਾ ਗ੍ਰਿਫਤਾਰ ਕੀਤੇ ਗਏ
NEXT STORY 
